Uusu-uusu A Pol Hurula'aa Hunie Mo Rom 6:12 - Tataroha Diana

¹² Mwaanie omu toitoliꞌaasie oorahaꞌaa e aalaha loꞌu haahiꞌomu, uri hunie omu ke lae loꞌu mola i sulie mo loꞌongaꞌinge aaela ni sape, aana sape mei ola nge e sai mae mola.

Uusu-uusu A Pol Hurula'aa Hunie Mo Rom 6:12 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Uusu-uusu A Pol Hurula'aa Hunie Mo Rom 2:8

Taꞌe mwala nge saeda e aaela aana kire ko neꞌisae paine mola haahire maraada, na kire kaꞌa saetoꞌo aana ike walaimolinge, taꞌe kire ko lulu i sulie mola mo tolahai ola aaela, ikire ngeena nge a God kei tohungei saewasulire na kei haꞌaletehire oto hiitoꞌo.

Uusu-uusu A Pol Hurula'aa Hunie Mo Rom 5:21

Oto maꞌalana mo oorahaꞌaanga ikire ke toꞌo aana loꞌu nanamanga huni horo mae aada, taꞌe manata-diananga a God e nanama loꞌu liutaa. Na aena aana asunge a Jisas Kraes Aalaha ikie mone, nge a God e da hunie kie ke neꞌi iinoni oodotaꞌi i maana, na hunie kie ke si hele aana maurihe huu.

Uusu-uusu A Pol Hurula'aa Hunie Mo Rom 6:14

Maholo omu iiꞌo i mamalutana mo Haꞌatolanga i naꞌo, e aasa hunie omu kei mamalo mwaanie oorahaꞌaa, aana omu kaꞌa sai tola i sulie ahutana mo Haꞌatolanga ngeena. Taꞌe siꞌiri hahuꞌana manata-diananga a God e luhesiꞌomu oto mwaanie oorahaꞌaa e aalaha loꞌu haahiꞌomu.

Uusu-uusu A Pol Hurula'aa Hunie Mo Rom 6:16

Omu saie kaꞌu oto uri maholo omu ko toliꞌaasiꞌomu maraamiu huni iiꞌo i mamalutana nga iini na huni lulu i sulie, iinoni ngeena oto kei aalaha haahiꞌomu na omu saꞌa dau ike loꞌu mala saemiu. Oto, iꞌomu mola maraamiu eena. Omu sai iiꞌo mola i memelutana oorahaꞌaa hunie ke horo maesiꞌomu, wa omu sai iiꞌo i memelutana a God hunie ke haꞌa-oodohiꞌomu peꞌie maraana.

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

Uusu-uusu A Pol Hurula'aa Hunie Mo Rom 8:13

Mala uri omu kei iiꞌo oto i sulie mo tolahai ola aaela urine, nge omu kei mae mola. Taꞌe mala uri omu kei iiꞌo oto i sulie tolahana Liꞌoa Maaꞌi na uri omu kei toliꞌaasie oto toꞌohuu mo tolahai ola aaela iꞌomu, nge omu ke si helesie maurihe huu.

2 Korinit 4:11

Iau, mwala ko sare horoꞌiꞌemeelu oto tarau i tehulaꞌana melu ko lulu i sulie a Jisas, taꞌe e diana mola, aena aana mei sape nge kei mae mola ienini ko haataꞌinie oto maurihaꞌana a Jisas.

2 Korinit 5:4

Aana maholo kie ko oꞌoꞌo ue i laona mo aapa-aapa mai welumalau ie, kie ko aawa-aawasirahe mola aana mo aasanga mai leu ko hiꞌeikie, na kie ko tohungei heri hunie oolisinge aana sapeka. E kaꞌa ike aana uri kie ko sare taꞌaasie oto mei sape ni welumalau ikie, aena urine nge maurihaꞌai ola kei iiꞌo mwaakule mola mala iinoni e kaꞌa hoꞌo sala ike. Taꞌe kie saetoꞌo aana oto liutaa uri mei sape ni Lengi ngeena ke aaluhie maurihaꞌaka oto mola lau-leu, uri hunie ahutana walu ola aana maenga ke mango mwaanikie, na mei sape haalu aana maurihe huu ke oolisie mei sape mamaelaꞌa ienini oto taꞌingelu.

Kalesia 5:16

Oto no ko unue huniꞌomu uri omu ke lulu i sulie mola Liꞌoa Maaꞌi aana ahutana mau-meuringe iꞌomu, urine nge omu saꞌa lae loꞌu i sulie mo tolahai iinoni aaela.

Kalesia 5:24

Taꞌe mo iinoni nge kire toꞌo aana a Jisas Kraes i lalo aada, kire neꞌi aasie oto mo tolaha ni iinoni aaela, aana e urihana kire rapu taalengasie noꞌone ahutana mo tolahai iinoni aaela ikire i lengine poꞌu-poꞌu, na kire horo maesiꞌi oto.

Epesas 2:3

Oto wau i naꞌo, ahutaka kie mani oꞌoꞌo taane noꞌone mala mwala ngeena. Kie talei lae-lae oto mola i sulie saeka aani deu i sulilana nga taa sapeka na loꞌongaꞌinge ikie e saetoꞌo aana. Oto e malisine mola uri a God ke haꞌaloikie mala e sai esuie aana taꞌena nga iinoni.

Epesas 4:22

Oto omu ke toliꞌaasie oto tolahai ola aaela lalahuꞌe nge omu lae-lae i sulie kaꞌu aana mau-meuringe lalahuꞌe iꞌomu. Aana tolahai ola ngeena e sai waeliꞌomu mola, aana ko heri hunie mola aaelanga, na mo heri-huninge ngeena kire ko haꞌapweuꞌomu oto toꞌohuu.

1 Tesalonaeka 4:5

Omu ke suꞌuri talei deu i sulie mo heri-huninge aaela iꞌomu aani mesinge mala mo iini kire puꞌo na kire kaꞌa saie ike a God.

2 Timoti 2:22

Oto o ke lio talamu mwaanie mo saehanalinge nge ko too-toolea mo saanau, taꞌe o ke dau diana mola tarau. Na o ke ariꞌapasie mola lulu i sulilana oodotaꞌinge, na hiiwalaimolinge iꞌoe ke susu, na o ke manata diana hunie ahutana mwala, na o ke iiꞌo ni henuelama mola peꞌie taꞌena nga iinoni. Na o ke hikusie mo iini ko palo-paloa a God toꞌohuu aani sae manola.

Taetas 2:12

Na manata-diananga a God ngeena e haꞌa-uusulikie oto uri hunie kie ke toliꞌaasie mo tolahai ola aaela i maana God. Na kie ke suꞌuri heꞌi lae loꞌu i sulie mo ola nge walumalau ienini ko heri huniꞌi. Taꞌe kie ke nihisie saeka mwaanie aaelanga, na kie ke iiꞌo aani iiꞌonga oodotaꞌi, na aani deu i sulilana mola walu ola nge a God kei ilenimwaꞌe haahikie aani.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

Jiud 1:16

Mwala ngeena kire sai upwe mola tarau, na kire ko haro iꞌie mola ahutana ola, na kire ko lae oto mola i sulie mo loꞌongaꞌinge aaela ikire maraada. Kire ko ere toohaꞌinire mola, na maholo kire ko lahea nga iini, kire ko eeroa mola hunie hari-huninge ikire maraada ke oa.

Jiud 1:18

Aana kire unue huniꞌomu uuri, “Aana mo dinge ooreta, mwala kei haꞌamwasi mola aana walu ola maaꞌi, na hiiwalaimolinge ikire kei lae takalo mola i sulie mo neꞌisaenga aaela ikire maraada.”