Uusu-uusu A Pol Hurula'aa Hunie Mo Rom 3:1 - Tataroha Diana

¹ ?Oto aena aana leune e toꞌohuu, nga taa nge e diana liutaa huni iiꞌo mala nga iinoni ni Jiu? ?Na nga mei taa diana ni kei lae mai mwaanie tolahai ola aana torihesiꞌonga?

Uusu-uusu A Pol Hurula'aa Hunie Mo Rom 3:1 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 4:22

Iꞌomu mo Samaria, omu kaꞌa tohungei sai diana aana ike uri a tei ni omu ko palo-paloa. Taꞌe iꞌemi mo Jiu emi saie a tei nge emi ko palo-paloa, aena aana a Haꞌa-uuri ingeie mwane ni Jiu.

Uusu-uusu A Pol Hurula'aa Hunie Mo Rom 3:2

Iiꞌonga mala iinoni ni Jiu e diana aana mo tala hunge. Eetana oto, a God e niie oto mai walana huniꞌemi mo Jiu uri emi ke lio i sulie.

Uusu-uusu A Pol Hurula'aa Hunie Mo Rom 3:9

?Oto e ue? ?Uri iꞌemi mo Jiu ni emi diana i maana God loꞌu liutaa aana ngaeta mwala? !Haꞌike oto ooꞌoo! Nou unu mangoa oto uri mo Jiu na mwala nge ikire nga mo Jiu haꞌike, kire mani iiꞌo oto i mamalutana nanamanga aana oorahaꞌaa.

1 Korinit 15:32

Iau, ineu nou ooho kaꞌu oto peꞌie mo iinoni aaela mai Epesas, nge kire aaela liutaa urihana mo ola loo-looꞌa ni meꞌesu. ?Taꞌe mala uri ne ke ooho peꞌire urine i sulie loꞌongaꞌinge ni iinoni mola, haꞌalaa nga taa ni ne kei terie aana? !Nga taꞌa-taꞌa mei ola diana na haꞌike loꞌu! Mala uri mo iini e mae oto kire saꞌa heꞌi meuri loꞌu, nge ne ke neꞌisae mola i sulieu maraaku mala mei neꞌisaenga nge nga mo iini ko unu-unue uuri, Kolu ke ngau-ngeu mola na kolu ke inu-inu, aana kolu kei mae oto i hoꞌowa. Aesaea 22:13

Hibru 13:9

Oto omu ke kinetaꞌiniꞌomu mwaanie taꞌena nga taungei haꞌa-uusulinge aaopa e haꞌatakaloꞌomu mwaanie tohungana tala oodo. Aana tohungei ola nge ko haꞌasusue saeka nge hahuꞌana manata-diananga a God hunikie, na e kaꞌa ike mola mo ngeulaa nge kire unue uri e maaꞌi. Aana tola i sulilana mola mo haꞌatolanga i sulie ngaulaa na walu ola ngeena, kire saꞌa tohungei peꞌie ike mo iini ko lulu i suliꞌi.