Uusu-uusu A Pol Hurula'aa Hunie Mo Rom 2:17 - Tataroha Diana

¹⁷ ?Oto e ue aana iꞌomu mo Jiu? Omu tohungei norutoꞌo uri a God ke haꞌa-uuriꞌomu aena aana omu toꞌo aana mo Haꞌatolanga a Mosis ngeena, na omu ko toohaꞌiniꞌomu uri iꞌomu oto mo iinoni a God.

Uusu-uusu A Pol Hurula'aa Hunie Mo Rom 2:17 ပူးပေါင်းရင်းမြစ်များ

Matiu 3:9

Na mwaanie omu loꞌo-loꞌongaꞌinie uri omu kei tehisie saewasunge a God, aena aana omu hute aana komu a Ebraham. Leune e saꞌa peꞌiꞌomu ike aana no ko unue huniꞌomu uri a God e sai huꞌisie mola mo heu ienini hunie kire ke neꞌi iinoni haalu hunie komu a Ebraham.

Tataroha Diana I Sulie A Jisas Kraes Nge A Luk E Uusue 10:28

Oto a Jisas ko aalamie a mwaena uuri, “Iau, o ko ere toꞌohuu. O kei teꞌurine nge o ke si hele aana maurihe huu.”

Tataroha Diana I Sulie A Jisas Kraes Nge A Jon E Uusue 5:39

“Omu ko tohungei heitale susulie mo Uusu-uusu Maaꞌi aena aana omu loꞌongaꞌinie uri i laona mo Uusu-uusu Maaꞌi ngeena ni omu kei lio oodoie maurihe huu. Na mo Uusu-uusu ngeena kaꞌu mola kire ere i sulieu.

Tataroha Diana I Sulie A Jisas Kraes Nge A Jon E Uusue 5:45

“Mwaanie omu loꞌo-loꞌongaꞌinie uri ineu ni ne kei haꞌasusungeꞌiniꞌomu i saana a Mamaꞌa. !Haꞌike! Iini kei haꞌasusungeꞌiniꞌomu taane nge mo Haꞌatolanga a Mosis nge omu tohungei norutoꞌo aani.

Tataroha Diana I Sulie A Jisas Kraes Nge A Jon E Uusue 7:19

A Mosis e niie kaꞌu oto mo Haꞌatolanga huniꞌomu, taꞌe nga taꞌa-taꞌa iini eemiu e kaꞌa lulu i suliꞌi ike. ?Oto e ue kaꞌu omu ko si eriꞌapasie uri omu ke horo maesieu?”

Tataroha Diana I Sulie A Jisas Kraes Nge A Jon E Uusue 8:33

Oto kire aalamie a Jisas uuri, “!Haꞌike eena! Iꞌemi mo weuwana Ebraham, na emi kaꞌa asu ni hoꞌo ike ue nana nga iini. ?E ue nge o ko unue uri walaimolinge ke si da emi ke iiꞌo luhetaꞌi?”

Tataroha Diana I Sulie A Jisas Kraes Nge A Jon E Uusue 8:41

Iꞌomu, omu ko deu oto mola i sulie tolahana tohungei aamamiu ni ngeena.” Oto kire ko aalamie uuri, “!Haꞌike eena! !Iꞌemeelu nga mo kaleni aro-aro haꞌike! A God maraana oto aamameelu, na iꞌemeelu oto mo tohungei kalena.”

Uusu-uusu A Pol Hurula'aa Hunie Mo Rom 2:23

Omu ko ere toohaꞌiniꞌomu aana uri omu toꞌo aana mo Haꞌatolanga a God, taꞌe omu ko si haꞌamasaa loꞌu mola a God aani hele huꞌisilana mo Haꞌatolanga ingeie.

Uusu-uusu A Pol Hurula'aa Hunie Mo Rom 3:27

?Oto uri kure sai ere toohaꞌinikure uri kure da mei ola diana hunie a God ke saetoꞌo aakarue? !Haꞌike oto ooꞌoo! ?Wa uri kure sai iiꞌo oodotaꞌi i maana a God aena aana kure ko lulu i sulie mo Haꞌatolanga? !Haꞌike loꞌu! Taꞌe oodotaꞌinge ikure mei niinge a God mola aana kure hiiwalaimoli aana Jisas.

Uusu-uusu A Pol Hurula'aa Hunie Mo Rom 9:32

?Aana e ue nge kire kaꞌa dau oodoie? Kire kaꞌa dau oodoie ike aena aana kire ko eriꞌapasie mola uri kire ke asuie mo esunge oodo na kire kaꞌa lulu i sulie ike tala ni hiiwalaimolinge aana God. Oto aana kire kaꞌa loꞌongaꞌinie uri oodo-oodonga e neꞌie mola mei ola aana hiiwalaimolinge, nge kire domu mala iinoni e tataro aana hau.

2 Korinit 11:22

Mala kire ko unue uri ikire oto mo ai iinoni toꞌohuu ni Jiu, ineu na e urine noꞌone. Kire ko unue uri ikire aana aalahanga mo Israel, ineu na e urine noꞌone. Kire ko unue uri ikire mo weuwana Ebraham, ineu na e urine noꞌone.

Kalesia 2:15

Oto nou lae loꞌu peꞌi ere luhesie hunie uuri, “Ikolu, kolu hute oto aana mo Jiu, na kolu kaꞌa hute ike aana ‘kira oorahaꞌaala,’ satai ola nge ikie mo Jiu ko haa-haaraꞌinire mo Aapoloa Aaopa aana.

Epesas 2:11

Waite, mo Jiu kire sai lio toli aamiu mo Aapoloa Aaopa na kire sai ere aaelasiꞌomu uri iꞌomu mo puꞌo. Kire ko ere aaelasiꞌomu urine aena aana omu kaꞌa lae ike peꞌi torihesiꞌo mala ikire kire sai esuie torihesiꞌonga aana mo mwela mwane ikire huni esuie haꞌa-ara aana sapeda uri ikire mo iinoni a God.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

Haataꞌinge 3:1

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Sadis uuri. “Ineu nge nou hele aana e hiu Liꞌoa a God na e hiu ho heeꞌu, no ko unue huniꞌomu uuri. “Nou saie taane uri mwala ko unue soihaadaꞌinge iꞌomu e mauri diana. Taꞌe ineu, nou saie mola tolahamiu, uri omu mae oto ni ngeena.

Haataꞌinge 3:9

Omu saie taane mo iini aana pulitaa a Pwelu Eero-eero nge kire ko unue uri ikire oto mo iini a God e saetoꞌo aada. !Taꞌe haꞌike! Kire ko eero mola. !Omu ke rongo kaꞌu! Ne kei haro dau rarahire hunie kire ke lae mai pouruuru i naꞌomiu. Nge kire ke si saie uri iꞌomu oto nou saetoꞌo aamiu liutaa.