Uusu-uusu A Pol Hurula'aa Hunie Mo Rom 16:7 - Tataroha Diana

⁷ Na omu ke niie noꞌone mei wala ni saediananga ineu hunie a Andronikas na a Jiunia. A mwane ngeena na a keni ngeena, ikirerue ngaeta ro Jiu noꞌone mala ineu, na kirerue oꞌoꞌo kaꞌu peꞌieu i nume ni hoꞌo. Ikirerue ngaeta ro naꞌohai hurulaꞌaa, na ikirerue oto kire holaꞌi hiiwalaimoli aana a Kraes i naꞌoku.

Uusu-uusu A Pol Hurula'aa Hunie Mo Rom 16:7 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 14:20

Aana hai dinge ngeena, omu ke si saie uri ineu i lalo aana a Mamaꞌa, na iꞌomu i lalo aaku, na ineu i lalo aamiu.

Tataroha Diana I Sulie A Jisas Kraes Nge A Jon E Uusue 15:2

Ingeie oto ko taꞌaasie taꞌena nga sasarai ola aaku nge e kaꞌa hungu ike aani hue-huei ola. Na aana ko lio i suli diana aana hohola ingeie, nge mo sasarai ola kire ko hungu eeni hue-huei ola diana, ingeie ko si olo aasie taꞌena nga aaelanga mwaaniꞌi hunie kire ke rereꞌa na ke hungu oto loꞌu hiitoꞌo.

Tataroha Diana I Sulie A Jisas Kraes Nge A Jon E Uusue 6:56

Iini ko ngeue hasiꞌoku na ko inuhie apuku, nge ko iiꞌo susu oto i lalo aaku na ineu ne kei iiꞌo susu oto i lalo aana.

Uusu-uusu A Pol Hurula'aa Hunie Mo Rom 16:10

Mei wala ni saediananga ineu noꞌone hunie a Apelis, iini e haataꞌinie oto uri e lulu i sulie a Kraes toꞌohuu. Na mei wala ni saediananga ineu noꞌone hunie mwala aana uluhe a Aristobiulas.

Uusu-uusu A Pol Hurula'aa Hunie Mo Rom 16:11

Mei wala ni saediananga ineu noꞌone hunie a Herodion, ngaeta iinoni ni Jiu mala ineu. Na mei wala ni saediananga ineu noꞌone hunie maeni mwaasine maaꞌi aana uluhe a Nasisas.

Uusu-uusu A Pol Hurula'aa Hunie Mo Rom 16:21

Oaku a Timoti nge mere ko esu tararuru, ko niie loꞌu mei wala ni saediananga wau huniꞌomu. Na a Lusias na Jeson na a Sosipata nge ikire ngaeta oolu mwane ni Jiu noꞌone mala ineu, kire ko meni niie mei wala ni saediananga noꞌone wau huniꞌomu.

Uusu-uusu A Pol Hurula'aa Hunie Mo Rom 16:3

Omu ke niie mei wala ni saediananga ineu hunie a Prisila na Akuila, e ro ola nge kirerue asu loko-loko peꞌieu nana Jisas Kraes.

Uusu-uusu A Pol Hurula'aa Hunie Mo Rom 16:6

Na omu ke niie noꞌone mei wala ni saediananga ineu hunie a Meri, iini e asu aꞌailaꞌa huni peꞌilemiu.

Uusu-uusu A Pol Hurula'aa Hunie Mo Rom 16:8

Mei wala ni saediananga ineu noꞌone hunie a Ampliatas, tohungei malahuku i lalo aana Aalaha.

Uusu-uusu A Pol Hurula'aa Hunie Mo Rom 16:9

Mei wala ni saediananga ineu noꞌone hunie a Obanas, iini e asu tararuru peꞌikolu nana a Kraes. Na mei wala ni saediananga ineu noꞌone hunie tohungei malahuku a Stakis.

Uusu-uusu A Pol Hurula'aa Hunie Mo Rom 8:1

Oto ie a God e saꞌa lei mae aaka ike, aena aana kie lado oto peꞌie a Jisas Kraes.

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

2 Korinit 12:2

Ola mala aawalai helisi mwana hai e mango, a God e tooleau oto hunie hahuꞌana leu taꞌau i Lengi nge e iiꞌo aana. Nou kaꞌa sai diana aana, ohe nou lae toꞌohuu aana sapeku wa ohe taꞌe maurihaꞌaku mola e lae. Taꞌe a God mola e saie.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Kalesia 1:22

Aana maholona, mwala aana mo soihaadaꞌinge i Jiudia kire kaꞌa manataꞌinieu ike ue.

Kalesia 2:2

Nou lae taꞌau aena aana a God e haataꞌinie oto hunieu uri ne ke lae urine. Na aana lokonga peꞌie mo naꞌohai mwane aana soihaadaꞌinge maraada, nou unu tahangaꞌinie oto Tataroha Diana nge no ko lae peꞌi tarohaꞌinie hunie mo Aapoloa Aaopa. Nou deu urine mwaanie kire neꞌisae ni uure honosieu, aana nou sereꞌinie uri kire ke waelie asunge nou esuie oto nana Kraes, wa kire ke da asunge nge no ko lae-lae ue peꞌie ienini e waetaꞌi mola.

Kalesia 2:6

Oto mo naꞌohai mwane aana soihaadaꞌinge ngeena kire kaꞌa unue ike uri nga mei ola aana laeliwalanga ineu ke aaopa. (Na e kaꞌa roroꞌaieu ike mala uri kire ke neꞌi mwane paine loꞌu uri taa, taꞌe walaimolinge nge e roroꞌa hunieu aana a God ko lee-leesikie mo iinoni uri kie mani sada mola i maana.)

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Kalesia 6:15

Oto e kaꞌa tohungei roroꞌa ike uri aana iinoni e torihesiꞌo wa e kaꞌa torihesiꞌo. Taꞌa-taꞌa leu e roroꞌa oto uri a God ke haꞌahaalukie hunie kie ke neꞌi iinoni haalu.

Epesas 2:10

Aana ikie mo iinoni aana soihaadaꞌinge, ikie oto mo naꞌohai haꞌaholanga a God. E uusungeꞌinie mai a Jisas Kraes huni haꞌahaalukie, hunie kie ke asuie walu ola diana nge e oalaꞌiniꞌi oto waite, hunie kie ke asuiꞌi.

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.

Pilimon 1:23

A Epapras ko iiꞌo noꞌone i nume ni hoꞌo peꞌieu i tehulaꞌana a Jisas Kraes, na ingeie ko niie noꞌone saediananga ingeie huniꞌomu.

1 Jon 4:13

A God e niie oto Liꞌoa Maaꞌi ingeie naka, na aena leune kie sai diana aana uri kie iiꞌo susu oto i lalo aana God na ingeie oto i lalo aaka.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.