Uusu-uusu A Pol Hurula'aa Hunie Mo Rom 16:5 - Tataroha Diana

⁵ No ko sare niie noꞌone mei wala ni saediananga ineu hunie mwala aana soihaadaꞌinge nge kire ko rururu i nume ikirerue. Mei wala ni saediananga ineu noꞌone hunie aasiku maaꞌi a Epaenetas, iini e holaꞌi hiiwalaimoli aana Kraes wau i laona poꞌo ni henue i Esia.

Uusu-uusu A Pol Hurula'aa Hunie Mo Rom 16:5 ပူးပေါင်းရင်းမြစ်များ

Matiu 18:20

Aana nga ro iini wa e oolu eemiu kei ruru aana sataku aana taꞌena nga leu, nge ineu oto noꞌone i matolamiu i leune.”

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 18:12

Oto aana maholo nge a Galio e aalaha haahie poꞌo ni henue i Akaea, mo rato ni Jiu kire ruru, kire si tapolie a Pol na kire toolea i saana a Galio hunie ke leie.

Palonga 18:27

Oto purihaꞌana, maholo a Apolos ko sare lae loꞌu holosie aasi hunie poꞌo ni henue i Akaea, mo mwaasine i lalo aana Kraes i Epesas kire si peꞌie ni uusue uusu-uusu hunie mwala aana soihaadaꞌinge i Akaea uri kire ke lio i suli diana aana maholo kei lae wau i saada. Oto maholo a Apolos e lai hule wau i Akaea, e si peꞌie mo iini nge a God e si niie hiiwalaimolinge hunire aena aana manata-diananga ingeie e paine hunire.

Palonga 2:9

Aana ikolu, kolu uure mola mwaanie mo henue mala i Patia na i Midia na i Elam na i Mesopotemia na i Jiudia na i Kapadosia na i Pontas na i Esia,

Uusu-uusu A Pol Hurula'aa Hunie Mo Rom 11:16

Loꞌongaꞌi keꞌu i sulie maholo kie ko niie nga kele makakaꞌai ngeulaa mala nga uuraaꞌinge hunie a God. Aena leune, nge ahutana oto ho ngeulaa ngeena haꞌamaaꞌilana e lae oto noꞌone. Na mala uri imi-imine nga ai e maaꞌi, nge ahutana mo sasarana na kire mani maaꞌi oto noꞌone. Oto mo Jiu kire urine noꞌone, aana a God e lio hilisie mo weuwada oto i naꞌo huni neꞌie mo iinoni ingeie, na nou saie lio-hilisinge ngeena e aaluhie oto komu nge e aehota aada.

Uusu-uusu A Pol Hurula'aa Hunie Mo Rom 15:26

Aana mo eesike aana hiiwalaimolinge wau aana mo poꞌo ni henue i Masedonia na i Akaea, kire ko sasare niie mei toꞌoha huni peꞌie mo iinoni meitale a God taꞌau i Jerusalem.

Uusu-uusu A Pol Hurula'aa Hunie Mo Rom 16:12

Mei wala ni saediananga ineu noꞌone hunie a Traefina na Traefosa, e ro keni kire asu aꞌailaꞌa nana Aalaha, na hunie tohungei malahuku a Pesis, ngaeta keni loꞌu e asu aꞌailaꞌa nana Aalaha.

Uusu-uusu A Pol Hurula'aa Hunie Mo Rom 16:4

Na kirerue karaꞌi mae aana kirerue lauhieu. Oto no ko tohungei paalaherarue oto hiitoꞌo, na kaꞌa ike mola taꞌe ineu haliꞌite, taꞌe ahutana oto mo soihaadaꞌinge aana mo Aapoloa Aaopa noꞌone kire ko sare paalaherarue.

Uusu-uusu A Pol Hurula'aa Hunie Mo Rom 16:6

Na omu ke niie noꞌone mei wala ni saediananga ineu hunie a Meri, iini e asu aꞌailaꞌa huni peꞌilemiu.

Uusu-uusu A Pol Hurula'aa Hunie Mo Rom 16:8

Mei wala ni saediananga ineu noꞌone hunie a Ampliatas, tohungei malahuku i lalo aana Aalaha.

1 Korinit 16:15

Oto maeni eesiku maaꞌi, omu saie taane a Stepanas na uluhe ni iinoni ingeie. Omu saie uri ikire oto eetana nga mwala kire hiiwalaimoli aana Jisas aana poꞌo ni henue iꞌomu wai Akaea, na kire toliꞌaasire maraada huni peꞌi-peꞌi aani esunge nana mo iini e hiiwalaimoli. No ko eitanaiꞌomu uri

1 Korinit 16:19

Mo soihaadaꞌinge i leu aana poꞌo ni henue i Esia, kire ko niie saediananga ikire huniꞌomu. A Akuila na Prisila oto peꞌie mo iini ko rururu peꞌire tarau wau i nume ikirerue, kire ko niie mei wala ni saediananga huniꞌomu i lalo aana satana Aalaha

2 Korinit 1:1

Saediananga mwaanieu a Pol, iini nge a God maraana e lio hilisieu uri hunie ne ke neꞌi hurulaꞌaa nana a Jisas Kraes. Iꞌemereꞌi aasikaelu a Timoti, nge ni mere ko uusu-uusu hao huniꞌomu mwala aana soihaadaꞌinge a God hao i Korinit, na noꞌone hunie ahutana mo iinoni maaꞌi a God aana taꞌena nga leu hao i laona poꞌo ni henue iꞌomu i Akaea.

2 Korinit 9:2

Nou saie oto uri omu mwaꞌe-mwaꞌe huni peꞌire, oto nou lae peꞌi ere laheꞌomu i saana mwala mai aana poꞌo ni henue i Masedonia uuri, “Kira hiiwalaimoli hao i Korinit i laona poꞌo ni henue i Akaea, na oto ahutana kira hiiwalaimoli aana poꞌo ni henue ngeena, kire aehota dau aakau oto huni peꞌi aana halisi e mango haona.” Na mwaꞌe-mwaꞌenga iꞌomu e taꞌelaꞌinie saena mo iini hunge mai leu i Masedonia, oto kire ko meni sare nii oto noꞌone.

Kolosi 4:15

Omu ke niie noꞌone saediananga ineu hunie mo eesikaelu i Leodisia. Na noꞌone hunie a Nimpa na mo iini hiiwalaimoli nge kire ko loo-loko huni rihungeꞌi weu i nume ingeie.

Pilimon 1:2

Mere ko uusu-uusu noꞌone hunie tohungei eesimeelu a Apia, na a Akipas, nge ko esu noꞌone nana a Jisas mala ikolu. Na mere ko uusu-uusu noꞌone hunie mo iini aana soihaadaꞌinge nge kire ko lae-lae mai huni aarea God noꞌone wau i nume iꞌoe.

Jemes 1:18

Uure oto aana hari-huninge ingeie, nge kolu neꞌi kalena. E haꞌahutekie aana mei wala toꞌohuu ingeie, hunie kie ke mani neꞌie oto naꞌohai ola aana ahutana mo ola nge e haꞌaholaꞌi.

3 Jon 1:1

Saediananga mwaanieu Rato ni mwane aana soihaadaꞌinge, huniꞌo Kaeas. Nou tohungei manata diana huniꞌo, malahuku diana ineu,

Haataꞌinge 14:4

Mo mwane ienini kire kinetaꞌinire maraada hunie kire ke iiꞌo rereꞌa taꞌingelu mala mo iini nge kire kaꞌa hele roroꞌanga ike peꞌie nga keni. Na kire lulu i sulie a Kalei Sipu aana ahutana mo tolahai ola diana ingeie. E tapa oolisire mwaanie walumalau, na ikire oto domana niinge aani hiki-olanga nge niileni e lae hunie a God na a Kalei Sipu.