Uusu-uusu A Pol Hurula'aa Hunie Mo Rom 16:25 - Tataroha Diana

²⁵ !Kie ke soi haꞌamanikuluꞌaa God! Ingeie ni e si da hunie omu ke uure maꞌutaꞌa mala mo kalena, aena aana omu hiiwalaimoli aana Tataroha Diana nge nou tarohaꞌinie i sulie a Jisas Kraes. Uure oto wau i naꞌo, mei wala ienini i sulie a Kraes na oalaꞌinge a God huni haꞌa-uurie noꞌone mo Aapoloa Aaopa, e iiꞌo mumuni mola.

Uusu-uusu A Pol Hurula'aa Hunie Mo Rom 16:25 ပူးပေါင်းရင်းမြစ်များ

Matiu 13:17

Aana no ko unue oto huniꞌomu uri hungelana mo propet na mo mwane oodotaꞌi kire tohungei sasare leesie mo ola omu ko leesiꞌi ie, taꞌe kire kaꞌa lio mangini, na uri huni rongoa mo ola omu ko rongoꞌi ie, taꞌe kire kaꞌa rongo lelengani.”

Matiu 13:35

E ere-ere urine huni haꞌa-oaie nga taa a propet e unue uuri, Ne kei ere aani aalahuunge maholo ne kei ere-ere peꞌire. Ne kei haꞌarongora aana mo ola nga iini kaꞌa saiꞌi, uure oto aana haꞌaholalana walumalau. Sam 78:2

Matiu 20:7

“Oto kire ko aalamie uuri, ‘Sulie nga iini huni esu nana haꞌike.’ “Oto ko unue hunire uuri, ‘Nge ko urine, omu ke lae noꞌone i hohola ineu huni esu nekue.’

Palonga 20:32

Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie.

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

Uusu-uusu A Pol Hurula'aa Hunie Mo Rom 14:4

?Haꞌalaa o ko loꞌo-loꞌongaꞌinie uri iꞌoe a tei, aana o ko sare leie iinoni euꞌesu ngaeta iinoni? E kaꞌa malisi ike hunie o ke leie asunge iinoni euꞌesu ngaeta iinoni, taꞌe leu oto i sapena aalaha ingeie ni huni unue uri iinoni ngeena ko esu diana taane wa haꞌike. Na mo iinoni euꞌesu Aalaha ikie kire kei meni esu diana taane mola, maꞌalana kire ko ngeu-ngeu urine wa haꞌike, aena aana a Aalaha oto ko peꞌire hunie kire ke toꞌohie saena.

Uusu-uusu A Pol Hurula'aa Hunie Mo Rom 2:16

Na mala Tataroha Diana no ko tatarohaꞌinie ko unu tahangaꞌinie, a God ke si haataꞌinie kira tei nge kire oodotaꞌi aana maholo a Jisas Kraes kei leie taꞌe-taꞌena nga ola e iiꞌo mumuni i lalo aana mau-meuringe mo iinoni.

1 Korinit 1:23

Taꞌe ienini mone melu ko laeliwala aana uri kire horo maesie a Kraes i lengine poꞌu-poꞌu. Mei ola oto hule aana mo Jiu na kire kaꞌa sasare rongoa ike, na mei ola ngeena kei neꞌi pweu-pweuaꞌanga mola hunie mo Aapoloa Aaopa.

1 Korinit 2:7

Mei wala ni saenanaunge a God nge no ko tarohaꞌinie ienini, mei saenanaunge e iiꞌo mumuni mwaanie iinoni. Taꞌe a God e pwani lodoa oto i naꞌo na haꞌaholanga haꞌike ue, huni niie saenanaunge ie hunikie, hunie kie ke saie uri tala huni iiꞌo aana manikuluꞌanga peꞌie a God otona.

1 Korinit 4:1

Oto omu ke neꞌisae aameelu mala uri iꞌemeelu mo koni-konihe a Kraes, mo mwane auꞌesu nge ko lio i sulie tarohaꞌinilana saehaahinge a God.

2 Korinit 4:3

Mala uri Tataroha Diana melu ko laeliwala aana ko iiꞌo mumuni ue, wa e aasa hunie nga iini ke rongo saie, nge e iiꞌo mumuni urine mola mwaanie mo iini kire ko lae hunie maenga huu eena.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

Kalesia 2:2

Nou lae taꞌau aena aana a God e haataꞌinie oto hunieu uri ne ke lae urine. Na aana lokonga peꞌie mo naꞌohai mwane aana soihaadaꞌinge maraada, nou unu tahangaꞌinie oto Tataroha Diana nge no ko lae peꞌi tarohaꞌinie hunie mo Aapoloa Aaopa. Nou deu urine mwaanie kire neꞌisae ni uure honosieu, aana nou sereꞌinie uri kire ke waelie asunge nou esuie oto nana Kraes, wa kire ke da asunge nge no ko lae-lae ue peꞌie ienini e waetaꞌi mola.

Epesas 1:9

nge e haataꞌinie oalaꞌinge ingeie oto hunikie. Wau i naꞌo, oalaꞌinge ngeena e oꞌoꞌo mumuni mola, aana a God e loꞌongaꞌi aakau oto aana mai naꞌo hunie uri a Kraes ke si haꞌa-oaie.

Epesas 3:11

A God e asuie oto mei olana i sulie oalaꞌinge ingeie uure oto mai naꞌo, na e haꞌa-oaie leune oto aana asunge Aalaha ikie a Jisas Kraes.

Epesas 3:9

Na iini nge e haꞌaholaa walu ola, e asuie uri hunie ne ke peꞌie ahutana mwala hunie kire ke lio saie loꞌongaꞌinge a God i sulie mei oalaꞌinge ingeie ngeena nge e iiꞌo mumuni.

Epesas 6:19

Na omu ke aarengaꞌi noꞌone talaku, hunie a God ke niie mo wala huni tarohaꞌiniꞌi hunieu. Mala uri kei lae urine, nge nou saꞌa maꞌu ike maholo ne kei tarohaꞌinie Tataroha Diana nge e iiꞌo mumuni kaꞌu mwaanie mo iinoni ni welumalau.

Kolosi 2:2

No ko esu urine huni haꞌadodoa saemiu, na hunie omu ke mani manata diana huniꞌomu heiliu. Saeku uri omu ke manataꞌinie taꞌingelu tohungana saenanaunge, na omu manataꞌinie taane mala uri omu ko sai diana aana a Kraes. Ingeie oto aahuꞌine mei saehaahinge a God nge e iiꞌo mumuni keꞌu holaꞌinaꞌo.

Kolosi 4:3

Omu saie taane uri ineu i laona nume ni hoꞌo siꞌiri aena aana nou lae peꞌi houleꞌinie Tataroha Diana i sulie a Kraes. Taꞌe maꞌalana ineu i nume ni hoꞌo urine, omu ke aare-aarengaꞌi noꞌone talameelu mo oaku uri hunie a God ke niie nga mo maholo diana nameelu huni houleꞌinie a Kraes i saana ngaeta mwala.

1 Tesalonaeka 3:13

Melu ko eitanai uri saemiu ke susu aani loꞌongaꞌinge diana, na omu ke iiꞌo maaꞌi, na mwaanie nga iini e pwelu wala i lengimiu, hunie maholo Aalaha ikie a Jisas kei ooli mei peꞌie mo iinoni maaꞌi ingeie, na omu ke suꞌuri masa ni uure i naꞌona God Aamaka.

2 Tesalonaeka 2:14

Mo wala toꞌohuu nge a God e haaraiꞌomu mei eeni ngeena, nge oto Tataroha Diana nge melu lae peꞌi tarohaꞌinie huniꞌomu. Na e haaraiꞌomu urine ngeena aana e saetoꞌo aana uri omu ke toꞌo aana noꞌone manikuluhaꞌana a Jisas Kraes Aalaha ikie.

2 Tesalonaeka 3:3

Taꞌe a Aalaha mone kei deu i sulie walana, na ingeie kei haꞌa-aꞌailaꞌaꞌomu na kei lio i suli diana aamiu mwaanie uri nanamanga a Satan e waeliꞌomu.

2 Timoti 1:9

Aana a God e haꞌa-uurikie na e lio hilisikie oto hunie kie ke neꞌi iinoni maaꞌi ingeie. E kaꞌa asuie ike mola leune aena aana kie malisi wa uri kie asuie nga mei ola diana adongana. !Haꞌike! Taꞌe e oalaꞌinie urine mola aana e tohungei sare haꞌadianaꞌakie. Uure oto wau i naꞌo na haꞌaholanga haꞌike ue, a God e oalaꞌinie oto uri a Jisas Kraes kei haꞌadianaꞌakie oto urine.

2 Timoti 2:8

O ke loꞌo-loꞌongaꞌinie mola a Jisas, aana ingeie a Kraes, iini a God e haiholotaꞌinie kei haꞌa-uurie mo iinoni ingeie. E haꞌa-oaie walana mo propet aana e uure mwaanie komu a Deved Inemauri. Na e taꞌelaꞌi mwaanie maenga mala no ko unu-unue oto tarau maholo no ko laengaꞌinie Tataroha Diana

Taetas 1:2

Aena leune kire ko maa-maaꞌoohie peꞌi norutoꞌonga toꞌohuu hunie maurihe huu nge a God e haiholotaꞌinie hunikie oto waite. Na haiholotaꞌinge ngeena e toꞌohuu oto, aana a God e kaꞌa sai eero ike.

Hibru 7:25

Aena urinena, nge e toꞌo aana tohungei nanamanga huni haꞌa-uuri taꞌingelu hunie ahutaka mo iini nge kie ko lae mai saana a God, aena aana kie hiiwalaimoli aana. Na aena aana a Jisas mone e iiꞌo huu, oto e kaꞌa mou-mou ike aani aarengaꞌinge talaka.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

1 Pita 5:10

Maholo ienini, omu ko sapesalu mola hunie kele maholo oꞌoruꞌe, taꞌe a God e manata diana huniꞌomu oto liutaa. Ingeie ni oto e soiꞌomu huni lado peꞌie a Kraes na huni iiꞌo peꞌie aana manikuluhaꞌana nge e saꞌa mango ike loꞌu aana taꞌena nga maholo. Oto a God maraana kei haꞌasusue taane hiiwalaimolinge iꞌomu na kei niie nanamanga huniꞌomu hunie omu ke uure maꞌutaꞌa tarau mala iini e neꞌi rato oto aana oodo-oodonga.

Haataꞌinge 10:7

Aana maholo nge hiune nga ensel kei uuhie aahuri ingeie, nge a God kei haꞌa-oaie oto mei saehaahinge ingeie, mala kaꞌu e unue oto hunie mo koni-konihe ingeie, mo propet maaꞌi.”