Uusu-uusu A Pol Hurula'aa Hunie Mo Rom 16:17 - Tataroha Diana

¹⁷ Oto no ko eitanaiꞌomu, maeni eesiku maaꞌi, uri omu ke lio talamiu mwaanie mwala nge kire ko sare oopaa soihaadaꞌinge, na kire ko waelie hiiwalaimolinge iꞌomu peꞌie haꞌa-uusulinge nge ko lae aaopa mwaanie nga taa haꞌa-uusulilemiu e lae oto aana. Oto omu ke suꞌuri rorongo hunire.

Uusu-uusu A Pol Hurula'aa Hunie Mo Rom 16:17 ပူးပေါင်းရင်းမြစ်များ

Matiu 18:17

Na mala uri e kaꞌa rongo oto noꞌone huniꞌomoolu, unue loꞌu mei olana hunie soihaadaꞌinge. Na leu ooreta mola uri, mala e kaꞌa rongo oto hunie soihaadaꞌinge, toliꞌaasie hunie ke iiꞌo oto mola i sinaha mala iinoni ni puꞌo wa mala iini peli-peli.

Matiu 18:7

Aama-aamasilana mo iinoni aana walumalau ie aena aana mo ola ni haꞌatataro e hunge huni taꞌaasie hiiwalaimolinge ikire. Walu ola urine kei reu-reu tarau taane, taꞌe aama-aamasilana iini nge ko neꞌie hau ni haꞌatataro.

Matiu 7:15

“Omu ke lio talamiu aana mo propet eero-eero, kire kei lae mai seemiu na kire kei lupweꞌi deu mala mo sipu e rako-rako, taꞌe i laona saeda, ikire mo wawaulo ni meꞌesu oto toꞌohuu.

Tataroha Diana I Sulie A Jisas Kraes Nge A Luk E Uusue 17:1

Oto a Jisas ko teꞌuri loꞌu hunie mo pwaarongoisuli ingeie, “Mo ola huni haꞌatataroa mwala hunie oorahaꞌaa kei reu oto. Taꞌe aama-aamasilana iini nge kei esuie mo olana hunie kire ke rau.

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

1 Korinit 11:18

Eetana nga mei ola, nou rongoa uri maholo omu ko loko mala nga soihaadaꞌinge, omu ko oopa-oopa mola, na leune nou hiiwalaimoli uri e kele toꞌohuu kaꞌune.

1 Korinit 3:3

Omu ko lae-lae mola ue mala mo iinoni aana walumalau ienini. !Lio kaꞌu! Omu iiꞌo mola ue peꞌie upwanga na heotaꞌinge. Mo ola ngeena kire haataꞌi diana aana uri iꞌomu nga mo iinoni aana Liꞌoa Maaꞌi haꞌike, aana tolahamiu e sada mola ue peꞌie mo iinoni ni welumalau.

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Pilipae 3:17

Hoe, iꞌomu maeni eesiku, omu ke lulu i sulieu, na omu ke lio susulie mo iini nge kire ko lae i sulie tala nge melu haataꞌinie aamiu.

Kolosi 2:8

Omu ke lio talamiu noꞌone mwaanie nga iini e haꞌatakaloꞌomu aana mo haꞌa-uusulinge eero-eero na mo loꞌongaꞌinge ni iinoni mola. Aana maꞌalana mo loꞌongaꞌinge mala ngeena ke rongo ni saenanau oto uri taa, taꞌe kire kaꞌa uure ike mai mwaanie a Kraes, taꞌe mo ola mola aana nanamanga ni welumalau.

2 Tesalonaeka 3:6

Maeni eesiku maaꞌi, melu ko eitanaiꞌomu aana satana a Jisas Kraes Aalaha ikie, uri omu ke suꞌuri hikusie mo eesike nge kire ko lalawa huni esu, na kire kaꞌa tola i sulie ike mo ola melu ko unu-unuꞌi huniꞌomu.

1 Timoti 1:3

Mala oto nou unue kaꞌu huniꞌo aana maholo nou lae mai hunie poꞌo ni henue i Masedonia, saeku hunie uri o ke oore kaꞌu mola wau aana huilume i Epesas. O ke iiꞌo oto i leune hunie o ke uure honosie mwala nge kire ko lae peꞌi haꞌa-uusuli mola aana mo ola aaopa mwaanie hiiwalaimolinge toꞌohuu.

2 Timoti 3:5

Kire kei lupweꞌi esu taane huni haataꞌinie uri ikire mo iinoni maaꞌi, taꞌe e kaꞌa toꞌohuu ike, na hule aana kire kaꞌa kele saetoꞌo aana ike nanamanga a God ke lio i sulie maurihaꞌada. Mwala urine, o ke suꞌuri lae i sulire, taꞌe o ke iiꞌo haꞌataulire mola.

Taetas 3:10

Mala nga iini ko da oopanga hunie mwala, nge o ke haꞌa-oodohie mola. Taꞌe mala uri o ko haꞌa-oodohie oto haꞌarue na e kaꞌa sare rongo huniꞌo, nge o ke aatopuri mola aana.

1 Jon 2:19

Mwala ngeena kire kaꞌa hiiwalaimoli ike mala ikie, na ikire nga mo tohungei iinoni ikie haꞌike. Kire auꞌesu tararuru taane peꞌikie, taꞌe kire oopa oto mwaanikie. Ikire nga mwala haꞌike loꞌu aaka. Mala uri kire ke neꞌie nga mwala aaka, haꞌalaa kire iiꞌo oto peꞌikie taraꞌasi. Taꞌe aana kire oopa oto mwaanikie urine, e haataꞌinie oto uri nga taꞌa-taꞌa iini aada e kaꞌa neꞌie loꞌu iinoni a Kraes mala ikie.

Jiud 1:19

Mwala urine, nge loꞌongaꞌinge ni welumalau mola aada. Ikire oto kire ko da oopanga i matolamiu aana kire kaꞌa toꞌo aana ike Liꞌoa Maaꞌi i lalo aada.