Uusu-uusu A Pol Hurula'aa Hunie Mo Rom 16:10 - Tataroha Diana

¹⁰ Mei wala ni saediananga ineu noꞌone hunie a Apelis, iini e haataꞌinie oto uri e lulu i sulie a Kraes toꞌohuu. Na mei wala ni saediananga ineu noꞌone hunie mwala aana uluhe a Aristobiulas.

Uusu-uusu A Pol Hurula'aa Hunie Mo Rom 16:10 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 14:18

Na taꞌena nga iini ko esu nana Kraes aana tala diana urine, nge a God kei ilenimwaꞌe haahie na hule aana mwala noꞌone kire kei haꞌamaꞌu aana.

Uusu-uusu A Pol Hurula'aa Hunie Mo Rom 16:3

Omu ke niie mei wala ni saediananga ineu hunie a Prisila na Akuila, e ro ola nge kirerue asu loko-loko peꞌieu nana Jisas Kraes.

Uusu-uusu A Pol Hurula'aa Hunie Mo Rom 16:7

Na omu ke niie noꞌone mei wala ni saediananga ineu hunie a Andronikas na a Jiunia. A mwane ngeena na a keni ngeena, ikirerue ngaeta ro Jiu noꞌone mala ineu, na kirerue oꞌoꞌo kaꞌu peꞌieu i nume ni hoꞌo. Ikirerue ngaeta ro naꞌohai hurulaꞌaa, na ikirerue oto kire holaꞌi hiiwalaimoli aana a Kraes i naꞌoku.

Uusu-uusu A Pol Hurula'aa Hunie Mo Rom 8:11

Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.

1 Korinit 11:19

Saꞌa mola mo oopanga ngeena ko haataꞌi diana aana taane mo iini ko lulu i sulie a God toꞌohuu, na mo iini ko lupweꞌi deu-deu mola.

2 Korinit 12:2

Ola mala aawalai helisi mwana hai e mango, a God e tooleau oto hunie hahuꞌana leu taꞌau i Lengi nge e iiꞌo aana. Nou kaꞌa sai diana aana, ohe nou lae toꞌohuu aana sapeku wa ohe taꞌe maurihaꞌaku mola e lae. Taꞌe a God mola e saie.

2 Korinit 2:9

Maholo nou uusue uusu-uusu ngeena huniꞌomu oto i naꞌo, nou kaꞌa loꞌongaꞌinie mola haꞌa-oodohilana a mwaena, taꞌe nou sare manataꞌinie noꞌone uri ohe omu kei mwaꞌe-mwaꞌe taane huni tola i sulie walu ola no ko unu-unuꞌi huniꞌomu, wa haꞌike.

2 Korinit 5:17

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

2 Korinit 8:22

Na melu ko uusungeꞌinie ngaeta aasikaelu loꞌu noꞌone hao peꞌirerue. Aana mo maholo oto hunge oolune nga aasikaelu ienini e haataꞌinie huniꞌemeelu uri e mwaꞌe-mwaꞌe toꞌohuu huni peꞌi-peꞌi aana taꞌena nga ola. Na oto ienini ko si mwaꞌe-mwaꞌe loꞌu liutaa huni peꞌi, aena aana e norutoꞌo oto aamiu uri iꞌomu noꞌone omu ke nii-nii peꞌi saediananga.

Kalesia 1:22

Aana maholona, mwala aana mo soihaadaꞌinge i Jiudia kire kaꞌa manataꞌinieu ike ue.

Pilipae 2:22

Taꞌe omu lio saie oto asunge diana a Timoti, aana ko peꞌi diana aaku aani laeliwalanga aana Tataroha Diana, mala e ro heꞌi-aamana ko esuie taꞌa-taꞌa mei esunge.

1 Timoti 3:10

Mo iini nge kire ko sare hai raretaꞌi i laona soihaadaꞌinge, nge soihaadaꞌinge ke haro leie kaꞌu tolahada holaꞌinaꞌo. Oto mala uri nga mei ola omu kaꞌa dau oodoie ke aaela aada, nge omu sai tolimaaie hunie kire ke neꞌi mwane peꞌi-peꞌi i laona soihaadaꞌinge.

2 Timoti 4:19

O ke niie mei wala ni saediananga ineu hunie a Prisila na poro ingeie a Akuila, na noꞌone hunie uluhe ni iinoni a Onesiporas.

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.