Uusu-uusu A Pol Hurula'aa Hunie Mo Rom 15:31 - Tataroha Diana

³¹ Omu ke aarea God noꞌone talaku aana maholo ne kei hule i Jerusalem, mwaanie mwala ni Jiudia nge kire kaꞌa hiiwalaimoli ike kire waelieu. Na omu ke aarea God loꞌu talaku uri hunie mwala a God taꞌau i Jerusalem, kire ke ilenimwaꞌe huni hele konie mei toꞌoha nge no ko toolea taꞌau huni peꞌilada.

Uusu-uusu A Pol Hurula'aa Hunie Mo Rom 15:31 ပူးပေါင်းရင်းမြစ်များ

Palonga 22:24

Oto poro paine haahie mae ngeena e unue hunie mo ramo kire ke toolea a Pol i laona nume maꞌutaꞌa kire oꞌoꞌo aana ngeena. Na ko unue hunire uri kire ke rapusie a Pol, na hunie kire ke dolosi aana hunie kire ke saie uri nga taa ni mo Jiu kire ko teangie haahie.

Palonga 25:2

Oto mo naꞌohai pris na mo rato ni mwane ni Jiu kire lae wau i saana, kire ko haꞌarongoa aana walu ola nge a Pol e dau huꞌisiꞌi.

Palonga 25:24

Oto a Festas ko teꞌuri, “Akripa Inemauri na ahutemiu mwala nge omu loko ngeena, omu ke leesie kaꞌu a mwane e uure ngeena. Ahutana mo Jiu i Sisaria na i Jerusalem kire lae mai seeku huni pwelu wala i lengine a mwane ngeena na kire ko soingeꞌinie uri a mwane ngeena horoꞌilana ke lae oto.

Palonga 9:13

Oto a Ananaeas ko aalamie uuri, “Aalaha, nou rongoa mo laladonga hunge i sulie mo ola aaela a mwane ngeena ko esuiꞌi aana mwala iꞌoe taꞌau i Jerusalem.

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Uusu-uusu A Pol Hurula'aa Hunie Mo Rom 15:25

Taꞌe no ko holaꞌi lae kaꞌu taꞌau i Jerusalem peꞌie kele mei toꞌoha huni peꞌie mo eesike maaꞌi taꞌau.

1 Korinit 16:15

Oto maeni eesiku maaꞌi, omu saie taane a Stepanas na uluhe ni iinoni ingeie. Omu saie uri ikire oto eetana nga mwala kire hiiwalaimoli aana Jisas aana poꞌo ni henue iꞌomu wai Akaea, na kire toliꞌaasire maraada huni peꞌi-peꞌi aani esunge nana mo iini e hiiwalaimoli. No ko eitanaiꞌomu uri

2 Korinit 1:10

Na maholo melu karaꞌi mae ngeena, a God e haꞌa-uuriꞌemeelu oto toꞌohuu, na kei haro haꞌa-uuriꞌemeelu taane ue. Melu maaꞌoohi susutoꞌo peꞌie hiiwalaimolinge aana uri kei haro haꞌa-uuriꞌemeelu taane mola ue.

2 Korinit 8:4

Ikire maraada nge kire lae peꞌi eitanaiꞌemeelu uri hunie melu ke toliꞌaasie hunire uri ikire noꞌone kire ke peꞌie mo iinoni a God taꞌau i Jerusalem.

2 Korinit 9:1

Nou saie uri omu saenanau taane oto aana niinge nge kolu ko uusungeꞌinie taꞌau huni peꞌie mwala a God i Jerusalem, na nou kaꞌa sare ere hiitoꞌo ike loꞌu i sulie leune.

2 Korinit 9:13

Na i tehulaꞌana mei esunge diana iꞌomu ngeena ko haataꞌinie hiiwalaimolinge iꞌomu e toꞌohuu, nge mwala oto hunge kei paalahea God. Omu hiiwalaimoli aana Tataroha Diana a Kraes na omu tola i sulie Tataroha Diana ngeena aani peꞌinge hunire na ahutana mwala loꞌu. Oto mwala hunge kei haꞌamanikuluꞌaa God haahie mwaꞌe-mwaꞌenga iꞌomu.

1 Tesalonaeka 2:15

Mwala ngeena kire horo maesie mo propet na Aalaha ikie a Jisas, na kire taungeꞌiniꞌemeelu noꞌone aana kire oohe aasiꞌemeelu mwaanie hanuena. Kire haꞌasaewasuliꞌaa God na kire tohungei waelie taꞌena nga iinoni,

2 Tesalonaeka 3:2

Na omu ke aarengaꞌi noꞌone hunie a God ke kinetaꞌiniꞌemeelu mwaanie nimana mwala aaela nge tolahada e tataꞌala. Aana ahutana mwala saꞌa mani hiiwalaimoli ike aana Tataroha Diana.

2 Timoti 3:11

O saie kaꞌu mola haꞌaloileku e lae na nou sapesalu oto hiitoꞌo mala o leesie aana mo huilume i Antiok, na i Aekoniam, na i Listra. Nou tohungei sapesalu oto hiitoꞌo, taꞌe no ko paalahea a Aalaha oto liutaa aana e haꞌa-uurieu mola mwaanie walu olana.

2 Timoti 4:17

Taꞌe a Aalaha e lae peꞌi haꞌa-uurieu na e niie nanamanga hunieu uri hunie ne ke tarohaꞌinie Tataroha Diana hunie mo Aapoloa Aaopa kire ke rongoa. Na e peꞌieu noꞌone aana maholona hunie kira lei-lei ke suꞌuri lei mae aaku.