Uusu-uusu A Pol Hurula'aa Hunie Mo Rom 14:21 - Tataroha Diana

²¹ Oto e lae otoi diana uri omu ke suꞌuri ngaa loꞌu nga mei sapei ola mauri, wa omu ke inuhie loꞌu nga ewei wei ni pweunge, wa omu ke da loꞌu nga mei ola nge e sai haꞌatataroa aasimiu takoie oorahaꞌaa.

Uusu-uusu A Pol Hurula'aa Hunie Mo Rom 14:21 ပူးပေါင်းရင်းမြစ်များ

Matiu 13:21

Taꞌe e kaꞌa susuꞌimi diana ike mone i manatada, oto e saꞌa iiꞌo tewa ike. Maholo siꞌohaꞌanga kei toolera wa taungeꞌinilada kei lae i tehulaꞌana mei wala ngeena, oto kire ko tolana mamalo oto mwaanie.

Matiu 16:23

Taꞌe a Jisas e aaliꞌu i lengine a Pita oto ko si unue mola hunie uuri, “!Tahi mwaanieu Satan! O ke suꞌuri neꞌie hau ni haꞌatataro hunieu. O kaꞌa saie ike neꞌisaenga a God, taꞌe o ko ere mola i sulie lio-lionga mo iinoni.”

Uusu-uusu A Pol Hurula'aa Hunie Mo Rom 14:13

Aena urinena, kie ke rohu oto mwaanie leilaka hailiu. Na omu ke suꞌuri da loꞌu nga mei ola huni haꞌatataroa nga aasimiu maaꞌi hunie ke domu i laona oorahaꞌaa.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

1 Korinit 8:13

Aena urinena, maeni eesiku, mala uri ngaulana nga mei ngeulaa ko aaela oto hunie aasiku, nge nou saꞌa ngau hikeni loꞌu mala no ko meu-meuri ue, aena aana nou kaꞌa sare dau huꞌisie ike aasiku hunie ke domu i laona oorahaꞌaa.

1 Korinit 8:9

Maꞌalana urine na omu ke lio talamiu mola, mwaanie asuilana nga taa omu saie e kaꞌa roroꞌa ngeena e haꞌatataroa mola mo iini hiiwalaimolinge ikire e kaꞌa susu, na kire domu mola i laona oorahaꞌaa.

Pilipae 1:10

No ko eitanaie a God urine hunie omu ke lio hilisie tohungei tala diana. Urine nge omu ke si iiꞌo rereꞌa na oodotaꞌi hule aana hai dinge nge a Kraes kei ooli loꞌu mei.

Hibru 12:13

Na omu ke huru i sulie tala e oodo, hunie mo iini nge ko lae mai purimiu ngeena nge hiiwalaimolinge ikire e kaꞌa susu ike ue, kire ke sai kohie tala na mwaanie kire lae takalo.

Haataꞌinge 2:14

“Taꞌe tootaꞌi kele mei ola mola nou kaꞌa saetoꞌo aani eemiu. Aana ngaeta mwala ikire peꞌiꞌomu kire ko hele i sulie haꞌa-uusulinge aaela a Balaam, iini nge e haꞌa-uusulie a Balak oto waite aana tala huni naꞌona mwala ni Israel hunie oorahaꞌaa. Aana e da kire ngaa mo ngeulaa kire uunuꞌi i saana mo nunui ola mo liꞌoa aaela, na hunie kire ke hele roroꞌanga peꞌi keni na peꞌi mwane.