Uusu-uusu A Pol Hurula'aa Hunie Mo Rom 14:1 - Tataroha Diana

¹ Omu ke takuhie taꞌena nga iinoni ko hiiwalaimoli aana Jisas, maꞌalana hiiwalaimolinge ingeie e kaꞌa susu ue. Na omu ke suꞌuri ere haitelili loꞌu peꞌie haahie mo ola ko neꞌisae rue-ruaꞌa aani uri kire aapu wa kire kohi taane mola.

Uusu-uusu A Pol Hurula'aa Hunie Mo Rom 14:1 ပူးပေါင်းရင်းမြစ်များ

Matiu 12:20

Taꞌe kei maneko peꞌie mo iini kire mamaelaꞌa, na kei toli rako peꞌie mo iini kire saꞌa peꞌire ike maraada. Kei esu susuleꞌi lai hule aana oodo-oodonga kei tola hehesie aaelanga.

Matiu 14:31

Oto a Jisas ko tolana tapo oto i nimana na ko unue, “Hiiwalaimolinge iꞌoe e oꞌoruꞌe hiitoꞌo. ?E ue ni o ko neꞌisae rue-ruaꞌa?”

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

Tataroha Diana I Sulie A Jisas Kraes Nge A Mak E Uusue 7:19

i sulie kire kaꞌa lae ike i laona manatana, taꞌe kire lae taraꞌasi mola hao i laona oopwana. Oto ko si iisitaa loꞌu mola mwaanie sapena.” (Maholo a Jisas e ere urine e haataꞌinie uri ahutana mo ola ngau-ngeu kire mani rereꞌa mola i maana God.)

Tataroha Diana I Sulie A Jisas Kraes Nge A Luk E Uusue 17:2

Oto mala nga iini ko haꞌatataroa nga kele iini aana mo iini ko hiiwalaimoli eeku ienini, e lae otoi diana hunie iini urine pwarolana nga hau peine ke lae mola i luana, oto kulu-aasilana ke lae mola i laona aasi.

Tataroha Diana I Sulie A Jisas Kraes Nge A Jon E Uusue 13:20

No ko unue oto huniꞌomu uri a tei ko tekuhie nga iini no ko uusungeꞌinie wau, nge ko tekuhieu noꞌone oto. Na a tei ko tekuhieu, ko tekuhie noꞌone iini e uusungeꞌinieu mei.”

Palonga 28:2

Na mwala aana mala-malau ngeena kire tohungei peꞌiꞌemeelu aani lio i sulilameelu. Maholona mone ko nemo na e tohungei wawai, oto kire rurue dunge hunie melu ke rakani.

Uusu-uusu A Pol Hurula'aa Hunie Mo Rom 11:15

Oto aana mo Jiu kire iiꞌo poꞌoi sinaha mala ie, nge e niie maholo oto hunie ahutana mwala loꞌu aana walumalau hunie kire ke uure ruru peꞌie a God. ?Haꞌalaa nga taa nge kei reu mala uri mo Jiu kire kei lae loꞌu mei i saana a God? !Ngeena kei urihana uri kire mauri eelihoꞌi loꞌu mwaanie maenga!

Uusu-uusu A Pol Hurula'aa Hunie Mo Rom 14:2

Ne ke haꞌamalaa aana mo iini nge hiiwalaimolinge ikire e kaꞌa susu ue, nge kire kaꞌa sai ngaa ike hasiꞌona taꞌena nga ola mauri aana kire loꞌongaꞌinie uri e aapu. Taꞌe mo iini nge hiiwalaimolinge ikire e susu kire saie taane uri e diana mola huni ngeue taꞌe-taꞌena nga mei ngeulaa.

Uusu-uusu A Pol Hurula'aa Hunie Mo Rom 14:21

Oto e lae otoi diana uri omu ke suꞌuri ngaa loꞌu nga mei sapei ola mauri, wa omu ke inuhie loꞌu nga ewei wei ni pweunge, wa omu ke da loꞌu nga mei ola nge e sai haꞌatataroa aasimiu takoie oorahaꞌaa.

Uusu-uusu A Pol Hurula'aa Hunie Mo Rom 14:3

Oto iinoni nge e sai ngaa mola taꞌena nga mei ola, ke suꞌuri leledie iini nge e kaꞌa sai ngeu urine. Na iini nge e kaꞌa sai ngaa ike hasiꞌona taꞌena nga ola mauri, ke suꞌuri leledie iini nge e sai ngaa mola taꞌena nga mei ola. Haꞌa-erenga urine ke suꞌuri, aana a God e takuhie mola ahutadarue.

Uusu-uusu A Pol Hurula'aa Hunie Mo Rom 15:1

Oto ikie, mo iini kie saie taane uri a God e saꞌa leikie ike haahie mo ola urine, nge kie ke suꞌuri deu mola i sulie walu ola mala saeka maraaka. !Haꞌike! Taꞌe leu i sapeka oto hunie kie ke toli rako peꞌie mwala nge hiiwalaimolinge ikire e mamaelaꞌa na kire ko meꞌu mwaanie ohe mo ola urine kire aapu hunire.

Uusu-uusu A Pol Hurula'aa Hunie Mo Rom 15:7

Omu ke tau-tekuhiꞌomu heiliu mala kaꞌu a Kraes e takuhiꞌomu oto, uri hunie mwala ke si haꞌamanikuluꞌaa God aana.

Uusu-uusu A Pol Hurula'aa Hunie Mo Rom 4:19

A Ebraham karaꞌinie oto tangalai helisi kei ehu aana na sapena kaꞌa aꞌailaꞌa oto. Na a Sera huꞌe ingeie, e amara mola. Maꞌalana e urine oto mola, a Ebraham e kaꞌa mamaelaꞌa ike aana hiiwalaimolinge ingeie.

1 Korinit 9:22

Na maholo nou iiꞌo peꞌie mo iini nge ko lulu i sulie mola mo haꞌatolanga ni iinoni aana hiiwalaimolinge ikire e mamaelaꞌa, nou iiꞌo noꞌone mala ikire hunie ne ke peꞌire hunie kire ke hiiwalaimoli toꞌohuu. Oto nou iiꞌo oto i sulie ahutana mo tolahai iinoni nge kire toꞌo aani huni deu aahonga huni peꞌire hunie kire ke toꞌo aana maurihe huu.

Pilipae 2:29

Aena urine, omu ke takuhie peꞌi ilenimwaꞌenga mala aasikaelu i lalo aana Kraes. Na omu ke haꞌamaꞌu noꞌone aana mo iini mala ingeie.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

Hibru 5:14

Taꞌe iini nge e lio saie mo haꞌa-uusulinge kokoro a Kraes, e urihana oto iini ko ngeu-ngeue oto mo ngeulaa maꞌutaꞌa, aana iini urine helelana e diana na e lio saie oto diananga na aaelanga.

2 Jon 1:10

Mala uri nga haꞌa-uusuli ko hule i seemiu na haꞌa-uusulinge ingeie ko lae aaopa mwaanie haꞌa-uusulinge a Kraes ienini, nge omu ke suꞌuri tola konie i nume iꞌomu, na hule aana omu ke suꞌuri unue loꞌu nga mei wala ni saediananga hunie.