Uusu-uusu A Pol Hurula'aa Hunie Mo Rom 12:8 - Tataroha Diana

⁸ Mala uri niinge a God ko lae oto huniꞌo huni ere haꞌasusue saena mwala, nge o ke asu diana oto urine. Na mala uri niinge a God ko lae oto huniꞌo huni peꞌie mwala aani niilana mo ola hunire, nge o ke nii mwaakule oto hiitoꞌo hunire. Na mala uri niinge a God ko lae oto huniꞌo huni naꞌona mwala, nge o ke asu peꞌi lio i sulinge waaꞌiniꞌini oto toꞌohuu. Na mala uri niinge a God ko lae oto huniꞌo huni hei-hei-aamasi, nge o ke aama-aamasie mwala oto peꞌie ilenimwaꞌenga.

Uusu-uusu A Pol Hurula'aa Hunie Mo Rom 12:8 ပူးပေါင်းရင်းမြစ်များ

Matiu 25:40

“Oto ineu a Inemauri ne ke si aalamire uuri, ‘No ko unue oto huniꞌomu uri nga taa nge omu da urine hunie nga kele iini aana mo eesiku ienini, omu da hunieu ni otona.’

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 13:12

Maholo poro paine ngeena e leesie nga taa e raune, nge e si hiiwalaimoli aana God na ko tohungei pangataꞌi noꞌone aana haꞌa-uusulinge i sulie Aalaha.

Palonga 13:15

Maholo mo mwane paine haahie nume ni palo-palo kire saaie uusu-uusu aana mo Haꞌatolanga a Mosis na mo Uusu-uusu Mo Propet, oto kire ko si dolosi aana Pol na mo malahune uuri, “Mo eesimeelu, mala uri omu ko toꞌo aana nga mei wala huni haꞌasusue saena mwala ie, na omu ke unue oto molana.”

Palonga 15:32

A Jiudas na a Saelas ikirerue nga ro propet noꞌone, oto kire ere-ere nada ni ere haꞌasusure huni haꞌa-aꞌailaꞌaa hiiwalaimolinge ikire.

Palonga 20:2

E liuhie mo henue hunge i laona poꞌo ni henue i Masedonia ni ere haꞌasusure, na lae-lae e si lai hule aana poꞌo ni henue i Akaea

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 4:36

Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

Uusu-uusu A Pol Hurula'aa Hunie Mo Rom 12:13

Omu ke peꞌie mo iinoni a God aana maholo kire ko lae oodoie aasanga, na omu ke tola konie mo awataa i laona mo nume iꞌomu.

Uusu-uusu A Pol Hurula'aa Hunie Mo Rom 13:6

Aena leune noꞌone kaꞌu omu ke wili toꞌoha oto hunie kahamani. Na omu ke niie hunire mala nga taa mo haꞌatolanga aana hanuena e unue. Aana mo naꞌohai mwane ngeena, ikire mwala auꞌesu a God ni ngeena, na kire ko esu susuleꞌi huni lio i sulie mwala.

1 Korinit 12:28

Na i laona soihaadaꞌinge, a God e haꞌa-uuresie mwala huni peꞌi-peꞌire hailiu—eetana mo hurulaꞌaa, ruana mo iini ko tarohaꞌinie walana God, na oolune mo haꞌa-uusuli, na ngaeta mo iini nge a God e niie nanamanga hunire huni esuie mo huꞌi-huꞌite, na loꞌu nga mo iini kire sai haꞌa-uurie taꞌena nga iinoni mwaanie mo maelaa ikire, na ngaeta mo iini kire sai peꞌie kira siꞌohaꞌa, na nga mo iini kire saenanau ni lio i sulie taꞌena nga ola, na nga mo iini kire sai ere aana taꞌena nga erenga hai aaopaꞌi.

1 Korinit 14:3

Taꞌe iini nge ko unu tahangaꞌinie walana God ko ere nana mo iinoni, na ko ere haꞌadodoa saeda na ko haꞌasusue hiiwalaimolinge ikire hunie ke aꞌailaꞌa.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

2 Korinit 11:3

Taꞌe no ko maarara, mwaanie nga mo iini e waelie manata-diananga iꞌomu hunie a Kraes na mei sae manola huni lulu i sulie. Na no ko maarara mwaanie e si urihana mola maholo mwaa e eeroa a Iv aana mo eeronga ingeie oto i naꞌo.

2 Korinit 8:12

Mala uri omu ko mwaꞌe-mwaꞌe toꞌohuu huni niie nga mei ola, nge a God kei tohungei ilenimwaꞌe haahie leune. Na mwaanie omu tolahiꞌe mala uri niinge e kaꞌa paine ike, aana e kaꞌa unue ike uri kie ke niie mo ola kie kaꞌa toꞌo aani ike.

2 Korinit 9:11

A God ke si da hunie omu ke toꞌo aana taꞌena nga ola e malisine omu ke toꞌo aani hunie ke mwadaꞌusie niinge ke paine loꞌu. Oto mwala hunge ke si paalahea God haahie niinge iꞌomu maholo melu kei toolea taꞌau hunire.

2 Korinit 9:13

Na i tehulaꞌana mei esunge diana iꞌomu ngeena ko haataꞌinie hiiwalaimolinge iꞌomu e toꞌohuu, nge mwala oto hunge kei paalahea God. Omu hiiwalaimoli aana Tataroha Diana a Kraes na omu tola i sulie Tataroha Diana ngeena aani peꞌinge hunire na ahutana mwala loꞌu. Oto mwala hunge kei haꞌamanikuluꞌaa God haahie mwaꞌe-mwaꞌenga iꞌomu.

2 Korinit 9:7

Oto nga iini na e nii-nii oto i sulie saena, na mwaanie e nii mola aana kire ko deu rarahie, na ingeie e lalawa huni nii. Taꞌe ke nii oto aani mwaꞌe-mwaꞌenga, aana a God e manata diana hunie iini ko nii aani ilenimwaꞌenga.

Epesas 6:5

Iꞌomu mo koni-konihe, omu ke tola i sulie mo poro paine iꞌomu mei welumalau, na omu ke maꞌuteꞌinire peꞌi haꞌamaꞌunge aada. Na omu ke tola i sulire oto mala omu ko tola i sulie a Kraes peꞌie mei sae toꞌohuu.

Kolosi 3:22

Iꞌomu mo koni-konihe, omu ke tola i sulie mo poro paine iꞌomu aana ahutana walu ola, kaꞌa ike mola aana maholo kire iiꞌo peꞌiꞌomu. Taꞌe omu ke asu diana nada tarau peꞌi saediananga, aena aana omu ko haꞌamaꞌu aana a God.

1 Tesalonaeka 2:3

Oto omu sai kohie mola uri melu kaꞌa haꞌa-olaꞌomu ike aani loꞌongaꞌinge takalo, wa aani eeronga, wa aani pwelonga.

1 Tesalonaeka 2:8

Na aena aana melu tohungei manata diana huniꞌomu, melu ko ilenimwaꞌe mola huni peꞌiꞌomu, kaꞌa ike mola aani unulana Tataroha Diana a God huniꞌomu, taꞌe noꞌone aani toliꞌaasilana maurihaꞌameelu i tehulaꞌamiu.

1 Timoti 4:13

O ke hele susuleꞌi mola aani saailana mo Uusu-uusu Maaꞌi hunie mo iinoni lai hule aana ne kei lae loꞌu weu. O ke laeliwala hunire i sulie neꞌisaenga a God, na o ke haꞌananaure lai hule aana maholo ne kei ooli loꞌu weu i seemu.

1 Timoti 5:17

Mo naꞌohai mwane nge kire ko lio i suli diana aana soihaadaꞌinge, na kire ko tohungei esu hiitoꞌo aani laeliwalanga na haꞌa-uusulinge, e tohungei diana oto liutaa hunie ruruhaa ke haꞌamaꞌu aada na ke waai diana aada noꞌone.

1 Timoti 6:18

O ke unue hunire loꞌu uri kire ke asuie mola mo ola diana hunie kire ke toꞌo-toꞌo aana toꞌo-toꞌonga ni Lengi. Kire ke peꞌi-peꞌi, na kire ke iiꞌo aakau huni nii,

Hibru 10:25

Nga mo iini kire lalawasie oto lokonga tararuru hunie palonga, taꞌe kie ke suꞌuri lalawa urine, na kie ke peꞌikie hailiu huni uure maꞌutaꞌa loꞌu, aena aana hai dinge a Aalaha ko karaꞌini oto mai.

Hibru 13:17

Omu ke totola i sulie mo naꞌohai mwane aana soihaadaꞌinge iꞌomu peꞌi mwaꞌe-mwaꞌenga i sulie walada, aana ikire ni kire ko lio i sulie maurihaꞌamiu. Na a God ke iꞌie asunge ikire. Oto omu ke tola i sulire hunie kire ke asu ni ilenimwaꞌenga aana mei esunge ngeena, na mwaanie kire asu mola peꞌie saehuunge. Aana mala uri asunge ngeena kei hiꞌe hiitoꞌo hunire aana omu kaꞌa peꞌire, nge e saꞌa peꞌiꞌomu oto ooꞌoo.

Hibru 13:22

No ko eitanaiꞌomu, maeni eesiku maaꞌi, uri omu ke rongo diana aana mei wala ni haꞌasusulemiu ienini, aana nou kaꞌa uusu-uusu tewa ike.

Hibru 13:24

Omu ke niie mei wala ni saediananga iꞌemeelu hunie ahutana mo naꞌohai iinoni iꞌomu na loꞌu hunie ahutana mo iinoni maaꞌi a God wau i seemiu. Mo eesikaelu mai leu aana poꞌo ni henue i Italia kire ko niie noꞌone wau saediananga ikire huniꞌomu.

Hibru 13:7

Omu ke aamasitoꞌo aana mo iini nge kire unu-unue kaꞌu walana God huniꞌomu na kire naꞌomiu i sulie tala diana ngeena. Omu ke toꞌomaaie iiꞌonga diana ikire lai hule oto aana kire mae, hunie iꞌomu noꞌone omu ke hiiwalaimoli diana loꞌu mala ikire.