Uusu-uusu A Pol Hurula'aa Hunie Mo Rom 12:16 - Tataroha Diana

¹⁶ Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

Uusu-uusu A Pol Hurula'aa Hunie Mo Rom 12:16 ပူးပေါင်းရင်းမြစ်များ

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Matiu 26:11

Aana mo iinoni meitale kire kei iiꞌo peꞌiꞌomu mola tarau, taꞌe ineu nge nou saꞌa iiꞌo ike peꞌiꞌomu taraureꞌi.

Tataroha Diana I Sulie A Jisas Kraes Nge A Luk E Uusue 14:13

Taꞌe maholo o ko esuie nga ngauhe, o ke haaraie mai kira maitale, na kira toꞌu, na kira rarasi, na kira ulu.

Tataroha Diana I Sulie A Jisas Kraes Nge A Luk E Uusue 6:20

Na a Jisas e toꞌo-toꞌomaaie mo pwaarongoisuli ingeie, ko si unue hunire uuri, “Deidehiꞌomu mo iini nge omu meitale, aena aana Aalahanga a God oto toꞌolamiu.

Palonga 4:32

Oto ahutana mo iini kire hiiwalaimoli kire si meni neꞌisae tararuru i sulie walu ola. Nga iini e kaꞌa loꞌongaꞌinie ike uri mo ola e toꞌo aani uri mo ola oto ingeie maraana, taꞌe mo ola nge nga iini e toꞌo aani mo ola ahutada mango.

Uusu-uusu A Pol Hurula'aa Hunie Mo Rom 11:20

Leune e toꞌohuu taane, taꞌe a God e hali aasiꞌi aena aana kire kaꞌa hiiwalaimoli ike. Na iꞌomu oto, omu iiꞌo aana ai diana ngeena mola i sulie omu hiiwalaimoli. Oto mwaanie omu too-toohaꞌiniꞌomu haahie leune, taꞌe omu ke lio talamiu mola.

Uusu-uusu A Pol Hurula'aa Hunie Mo Rom 11:25

Maeni eesiku maaꞌi, saeku uri omu ke sai diana aana oalaꞌinge a God nge mwala kire kaꞌa saie ike oto i naꞌo. No ko ladoa namiu oto ienini mwaanie omu toohaꞌiniꞌomu maraamiu na omu loꞌo-loꞌongaꞌinie uri omu diana loꞌu liutaa aana mo Jiu. Tolahai ola nge e da saena mo Jiu e hau ngeena e kaꞌa maꞌutaꞌa ike, taꞌe kei iiꞌo haꞌawali mola. A God ko maaꞌoohie mola iidu-iidunge ke ahu aana mo iinoni e lio hilisire mwaanie mo Aapoloa Aaopa,

Uusu-uusu A Pol Hurula'aa Hunie Mo Rom 12:3

Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

Uusu-uusu A Pol Hurula'aa Hunie Mo Rom 15:5

A God oto ni ko peꞌi-peꞌikie hunie hiiwalaimolinge ikie ke aꞌailaꞌa hunie kie ke uure maꞌutaꞌa taraꞌasi. Na no ko aarea God hunie ke peꞌiꞌomu urine hunie omu ke iiꞌo diana peꞌie taꞌa-taꞌa mei sae aani lulu i sulilana tolahana Jisas Kraes.

Uusu-uusu A Pol Hurula'aa Hunie Mo Rom 6:2

!Haꞌike oto ooꞌoo! !Mau-meuringe ikie i laona oorahaꞌaanga e mae oto! Kie mae oto uri hunie kie ke toliꞌaasie tolaha ni oorahaꞌaanga ngeena. ?Oto kie ke si lae loꞌu peꞌi iiꞌo i laona oorahaꞌaa uri taa eena?

1 Korinit 1:10

Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

1 Korinit 3:18

Oto omu ke suꞌuri neꞌi-neꞌisae aaela i sulie mei ola ienini. Mala uri nga iini eemiu ko neꞌi-neꞌisae uri e saenanau aana saenanaunge ni welumalau, e diana oto liutaa hunie iinoni ngeena ke tohungei toli puri aana saenanaunge ngeena maꞌalana mwala ko haaraꞌinie aana “Pweu.” Oto ke si hule aana saenanaunge toꞌohuu.

1 Korinit 4:10

Oto mwala nge kire leesiꞌemeelu kire ko loꞌongaꞌinie uri melu ko pweu aana melu iiꞌo peꞌie a Kraes. ?Taꞌe e ue aana iꞌomu? ?Uri omu saenanau oto aena aana iꞌomu peꞌie a Kraes? !Neꞌewau oto! Iꞌemeelu, melu tataku mola, taꞌe iꞌomu nge omu aꞌailaꞌa.

1 Korinit 6:5

!Mei ola ni masanga ni ngeena! ?Uri nga taꞌa-taꞌa mwane saenanau haꞌike oto i seemiu huni haꞌa-oodohiꞌomu aana mo ola urine?

1 Korinit 8:2

Mala nga iini ko unue uri e saenanau, e kaꞌa tohungei sai diana aana ike ue nga taa e malisine uri ke saie.

2 Korinit 13:11

Oto leu ooreta, maeni eesiku maaꞌi, ne ke unue mola hao huniꞌomu uri omu ke iiꞌo ni ilenimwaꞌenga mola. Omu ke dau aahonga hunie nga mei tolahai iinoni diana ke suꞌuri eiꞌaa mwaaniꞌomu, na omu ke tola i sulie walaku. Omu ke neꞌie taꞌa-taꞌa mei sae, na omu ke iiꞌo ni henuelama. Oto a God, iini nge ingeie aahuꞌine manata-diananga na hanuelamanga, ke si iiꞌo peꞌiꞌomu.

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.

Pilipae 3:16

Taꞌe maꞌalana uri kie kaꞌa mani neꞌisae mouteꞌi ue, e roroꞌa oto liutaa hunie ahutaka kie ke hele susuleꞌi aani lulu i sulilana walaimolinge nge kie hiiwalaimoli oto aana.

Pilipae 4:2

Na iꞌomoreꞌi a Iuodia na Sintiki, no ko eitanaiꞌomoreꞌi uri more ke uure ruru, na more ke neꞌie taꞌa-taꞌa mei sae loꞌu i lalo aana a Aalaha mala e ro mwaasine keni.

Hibru 13:5

Tolahamiu ke suꞌuri iiꞌo oto mola aani saehanalilana toꞌoha, na omu ke sae-saemango mola haahie nga taa omu toꞌo aana oto. Aana a God e unue kaꞌu uri kei niie nga taa e adongamiu, aana e teꞌuri, Nou saꞌa toliꞌaasiꞌo ike aana taꞌena nga maholo, na nou saꞌa roroꞌa pulongosiꞌo ike. Diutronomi 31:6

1 Pita 3:8

Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

1 Pita 5:3

Na mwaanie omu haꞌapainaꞌaꞌomu maraamiu mala mo aalaha. Urine e kaꞌa kohi ike, taꞌe e diana oto liutaa uri omu ke haataꞌinie nga tala diana hunire aana iiꞌonga diana iꞌomu, hunie kire ke sai lae i suliꞌomu mala mo sipu e sai lae i sulie kakali sipu nge ko lio i sulire.

3 Jon 1:9

Nou uusu-uusu keꞌu hunie soihaadaꞌinge i sulie leune, taꞌe a Daeotrepis, iini nge ko sare neꞌi naꞌohai mwane aana soihaadaꞌinge, e kaꞌa sare rongo ike hunie nga taa nou unue.