Uusu-uusu A Pol Hurula'aa Hunie Mo Rom 12:11 - Tataroha Diana

¹¹ Omu ke suꞌuri lalawa, taꞌe omu ke asu aꞌailaꞌa mola i suli maholo, na omu ke toliꞌaasie ahutana maurihaꞌamiu ke aꞌailaꞌa aani esunge nana Aalaha.

Uusu-uusu A Pol Hurula'aa Hunie Mo Rom 12:11 ပူးပေါင်းရင်းမြစ်များ

Matiu 24:12

Mwala urine nge kire kei da aaelanga ke si peine i laona walumalau, na mwala hunge saꞌa manata diana oto hunie nga iini.

Matiu 25:26

“Oto aalaha ingeie e aalamie ko teꞌuri, ‘Iꞌoe oto mwane auꞌesu aaela na o tohungei lalawaꞌa. O unue uri nou sai soꞌokonie mo ola nou kaꞌa hasiꞌi.

Palonga 18:25

Kire haꞌa-uusulie aana hiiwalaimolinge aana a Aalaha na e tohungei mwaꞌe-mwaꞌe ni tarohaꞌinie Tataroha Diana na mo haꞌa-uusulinge i sulie a Jisas. Nga taa ko haꞌa-uusulie mwala aani i sulie a Jisas e tohungei oodo, maꞌalana e saie mola laladonga i sulie loto-maaꞌinge a Jon Loto Maaꞌi.

Palonga 20:19

No ko esuie asunge Aalaha aani haꞌamwai-mweiꞌalaku na peꞌie ngaranga. Na nou sapesalu hiitoꞌo aana maholo mo Jiu kire ko deu ni horoꞌieu.

1 Korinit 7:22

Aena aana nga iini nge Aalaha ko soie, maꞌalana ingeie koni-konihe nga iinoni, taꞌe e iiꞌo luhetaꞌi mola i lalo aana Kraes. E urine loꞌu aana iini nge Aalaha ko soie na e iiꞌo luhetaꞌi mola, taꞌe e neꞌi koni-konihe oto nana Kraes.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

Kolosi 4:1

Iꞌomu mo poro paine, omu ke tohungei lio i suli diana aana mo koni-konihe iꞌomu na mwaanie omu pwelo-pwelora mwaanie waaite nge e malisine auꞌesunge ikire. Omu ke aama-aamasitoꞌo aana uri iꞌomu noꞌone, omu toꞌo aana nga iini taꞌau i Lengi nge e aalaha haahiꞌomu.

1 Timoti 5:13

Na loꞌu kire kei lalawasie mola asunge na kire kei talei waetaꞌinie mola maholo ikire aani walo liunge mola i sulie mo nume. Na e kaꞌa taꞌe ike mola waetaꞌinilana maholo ikire, taꞌe peꞌi sihoai-olanga na kire kei oho dauhe mola aana mo esunge diana ngaeta mwala loꞌu aani unulana mola mo ola kire kaꞌa malisi.

Hibru 12:28

Aena urine, kie ke paa-paalahea God haahie kie helesie oto aalahanga nge nunuilana e aasa kei lae loꞌu. Kie ke paalahea God tarau na kie ke palo-paloa oto aana tala nge e toꞌohie saena na kie ke haꞌamaꞌu oto aana peꞌi meꞌunge.

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 4:8

Mei naꞌohai ola e malisine omu ke asuie oto uri omu ke mana-manata diana toꞌohuu huniꞌomu heiliu, sulie tolahai ola urine nge e sai da omu ke saeꞌaasie mo roroꞌanga iꞌomu heiliu noꞌone huniꞌomu.

Haataꞌinge 2:4

“Taꞌe nga taa nge nou lio oodoie aamiu na nou kaꞌa saetoꞌo aana mola uri omu kaꞌa manata diana ike oto hunieu mala holaꞌinaꞌo.