Uusu-uusu A Pol Hurula'aa Hunie Mo Rom 11:36 - Tataroha Diana

³⁶ A God oto e haꞌaholaa ahutana walu ola, na ahutana walu ola ngeena e uure mola aana nanamanga ingeie, na walu ola ngeena walu ola ingeie haliꞌite. !Oto kie ke haꞌamanikuluꞌaa God taraureꞌi! Ke urine oto.

Uusu-uusu A Pol Hurula'aa Hunie Mo Rom 11:36 ပူးပေါင်းရင်းမြစ်များ

Matiu 6:13

Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Tataroha Diana I Sulie A Jisas Kraes Nge A Luk E Uusue 19:38

Na kire ko teꞌuri, “!God ke haꞌadianaꞌaa inemauri ko lae mai nunuhaꞌana satana Aalaha! !Hanuelamanga i Lengi na manikuluꞌanga hunie a God!” Sam 118:26

Tataroha Diana I Sulie A Jisas Kraes Nge A Luk E Uusue 2:14

“Manikuluꞌanga hunie a God i Lengi, na hanuelamanga mai aano hunie mo iini e ilenimwaꞌe haahire.”

Palonga 17:28

Mala kaꞌu ngaeta mwane saenanau iꞌomu e uusue wau i naꞌo uuri, ‘Aena aana a God mola e da kie iiꞌo i laona walumalau, na kie ko meu-meuri, na kie sai lae hailiu.’ Na e uusue noꞌone uuri, ‘Ahutaka kie mani neꞌie mo mwela ingeie haliꞌite.’

Uusu-uusu A Pol Hurula'aa Hunie Mo Rom 16:27

A God maraana oto e toꞌo aana ahutana mo saenanaunge, na aena aana nga taa a Jisas Kraes e asuie hunikie, kie ke soi haꞌamanikuluꞌaa God oto di, na oto di. !Iau, ke urine oto!

1 Korinit 11:12

Aena aana maꞌalana keni haꞌaholalana e lae taane mwaanie sapena mwane, taꞌe ahutana mo mwane ko hute mai welumalau kire ko hute mola aani keni. Na a God oto iini ko esuie ahutaka, mwane na keni, na loꞌu ahutana mo ola.

1 Korinit 8:6

Taꞌe maꞌalana e urine, kie toꞌo aana mola e taꞌa-taꞌa God. Ingeie oto Aamaka nge e haꞌaholaa taꞌena nga ola, na ingeie oto iini kie ko meu-meuri huni haꞌapainaꞌaa. Na kie toꞌo aana mola e taꞌa-taꞌa Aalaha. Ingeie oto a Jisas Kraes nge haꞌaholalana taꞌena nga ola e lae aana, na aena aana ingeie mone kie ko si meu-meuri.

Kalesia 1:5

Aena urine, kie ke soi haꞌamanikuluꞌaa God taraureꞌi na oto di. Iau, ke urine oto.

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.

Pilipae 4:20

Aena urine, kie ke haꞌamanikuluꞌaa God Aamaka taraureꞌi. !Iau, ke urine oto!

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

1 Timoti 6:16

Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

2 Timoti 4:18

Nou tohungei norutoꞌo mola aana uri a Aalaha kei lio i suli diana aaku maꞌalana mei aaelanga uri taa ke rau loꞌu eeku, na ingeie kei tola konieu taane oto taꞌau i laona aalahanga ingeie taꞌau i Lengi. !Iau! Kie ke haꞌamanikuluꞌaa taraureꞌi oto di. Ke urine oto.

Hibru 2:10

A God oto iini e haꞌaholaa taꞌena nga ola, na ingeie oto tohungei aalaha haahie ahutana mo olana. Na nga taa e asuie aana e toliꞌaasie Kalena ke sapesalu, e tohungei oodo na e malisi, aana saena God hunie Kalena ke haꞌa-uurie mo iinoni oto hunge. Oto aana a Kraes e sapesalu honotaka mo iinoni urine, nge e haꞌamangoa oto asunge ingeie mala a Haꞌa-uuritaka, na e haꞌa-uurie mo iini oto hunge hunie kire ke mani iiꞌo oto peꞌie aana manikuluhaꞌana taꞌau i Lengi.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

1 Pita 5:11

Kie ke paalahea God haahie nanamanga ingeie e saꞌa mango loꞌu. Iau, ke urine oto.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.

Haataꞌinge 19:1

Oto i purine walu ola ngeena, nou rongoa aawa-aawatai ola mala walana mwala hunge taꞌau i Lengi ko unue uuri, “!Lahea God ikie! Taꞌe ingeie mola e manikuluꞌe na e nanama. Taꞌe ingeie mola ni e sai haꞌa-uuri.

Haataꞌinge 21:6

Oto e heꞌi teꞌuri loꞌu, “E mango oto eena. Ineu oto a A na a Z, aana ineu oto aehotalana na haꞌamangolana walu ola. Ne kei nii mwaakule mola aana wai mwaanie huulaa ni meurihe hunie taꞌena nga iini ko sare inu.

Haataꞌinge 7:10

na kire ko soi aana mei wala paine uuri, “Haꞌa-uuringe e uure mai mwaanie a God ikie, iini nge e iiꞌo i lengine naunekume, na mwaanie a Kalei Sipu.”

Haataꞌinge 7:12

Kire ko teꞌuri, “Iau. Haꞌapainaꞌanga, na manikuluꞌanga, na manatanga, na paalahenga, na haꞌamaꞌunge, na nanamanga, na aꞌailaꞌanga, mo ola a God ikie otona na oto huu. Ke urine oto.”