Uusu-uusu A Pol Hurula'aa Hunie Mo Rom 11:11 - Tataroha Diana

¹¹ Oto ne ke dolosi loꞌu uuri. ?Uri maholo mo Jiu kire teke i aano urine, loꞌongaꞌinge aana uri kire aaela taraꞌasi oto ni ngeena? !Haꞌike taane! Taꞌe i sulie mo Jiu kire dau aaela, oto a God ko lae peꞌi haꞌa-uurie mola mwala nge ikire nga mo Jiu haꞌike hunie mo Jiu ke saehanalie nga taa a God e asuie aada.

Uusu-uusu A Pol Hurula'aa Hunie Mo Rom 11:11 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 20:16

Maholo kei lae mai, nge kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana ngaeta mwala aaopa.” Maholo mwala e rongo urine, kire si meni teꞌuri, “!Haꞌike, ke suꞌuri urine!”

Palonga 13:42

Maholo a Pol na Banabas kirerue ko iisitaa oto mwaanie nume ni palo-palo ngeena, nge mwala ko eitanairerue uri kire ke aalihoꞌi loꞌu mei aana ngaeta Dinge Maaꞌi Mo Jiu hunie kire ke ere-ere loꞌu i sulie walu ola ienini.

Palonga 18:6

Taꞌe maholo mwala ni Jiu kire ko leledie na kire ko ere aaelasie, a Pol e si tataaꞌinie mola mo wasa-wasa aana toꞌoni ingeie mala nga tolimaa uri tolahada e tohungei aaela liutaa. Oto ko haꞌapasulire ko teꞌuri, “Mala uri a God ko haꞌaloiꞌomu, na roroꞌanga iꞌomu oto maraamiu eena. Nga roroꞌanga ineu haꞌike aana leune. Uure siꞌiri pwau weu ne kei lai tarohaꞌinie Tataroha Diana oto hunie mo Aapoloa Aaopa.”

Uusu-uusu A Pol Hurula'aa Hunie Mo Rom 10:19

?Oto e ue kire kaꞌa lulu i sulie ike? ?Uri kire kaꞌa rongo saie ike? !Haꞌike! Kire rongo saie taane, aena aana mo Aapoloa Aaopa nge kire kaꞌa saenanau ike, taꞌe kire rongo saie mola. A God e holaꞌi ere i sulie leune aana pongine a Mosis aana e teꞌuri, Mo Aapoloa Aaopa, ikire mwala mwaakule mola, taꞌe maholo ne kei haꞌa-uurire, nge iꞌomu mo Jiu, omu kei heotaꞌinire mola. Na omu kei saewasu mola aana omu kei leesie ne kei peꞌie mwala nge hule aana kire kaꞌa saenanau ike mala iꞌomu. Diutronomi 32:21

Uusu-uusu A Pol Hurula'aa Hunie Mo Rom 11:1

Oto no ko heꞌi dolosi loꞌu. ?Uri a God e sereꞌinie oto mwala ingeie mo Jiu? !Haꞌike oto ooꞌoo! Ineu maraaku oto mwane ni Jiu aana nou hute mai aana komu a Ebraham uure aana poꞌo ni iinoni a Benjamin.

Uusu-uusu A Pol Hurula'aa Hunie Mo Rom 11:12

A God e niie oto dianahaꞌana mo ola nana mo Aapoloa Aaopa maholo mo Jiu kire dau tekelaꞌinie oalaꞌinge a God aana kire sereꞌinie Tataroha Diana a Kraes. ?Taꞌe nga taa kei reu maholo mo Jiu kire kei hiiwalaimoli aana, na kire kei haꞌa-oaie neꞌisaenga a God? !Nou saie a God kei tohungei haꞌadianaꞌaa ahutana mwala aana walumalau loꞌu liutaa!

Uusu-uusu A Pol Hurula'aa Hunie Mo Rom 11:14

aena aana no ko sare asuie mola mwala ineu mo Jiu ke saehanalie haꞌa-uuringe omu toꞌo aana, hunie uri nga mo iini aada ke aaliꞌu mei takoie a God hunie haꞌa-uurilada ke lae noꞌone.

Uusu-uusu A Pol Hurula'aa Hunie Mo Rom 11:31

Oto kei urine noꞌone hunire mo Jiu nge kire kaꞌa sare lulu i sulie a God aana maholo ienini. A God e sai aamasire noꞌone mala kaꞌu e aamasiꞌomu.