Uusu-uusu A Pol Hurula'aa Hunie Mo Rom 10:16 - Tataroha Diana

¹⁶ Taꞌe maꞌalana e urine, tootaꞌi iini mola ko saetoꞌo aana Tataroha Diana, na e urihana mola nga taa a Propet Aesaea e unue aana e teꞌuri, Aalaha, e lio mala nga iini e kaꞌa hiiwalaimoli ike aana nga taa melu ko unu-unue oodoire. Aesaea 53:1

Uusu-uusu A Pol Hurula'aa Hunie Mo Rom 10:16 ပူးပေါင်းရင်းမြစ်များ

Matiu 13:14

Aena ngeena mo erenga a God e unuꞌi aana a Propet Aesaea ko oa oto aana e unue uuri, Iꞌomu, omu ko rorongo, taꞌe omu kaꞌa rongo sai ola ike, na omu ko lio-lio na omu kaꞌa lio sai ola ike loꞌu.

Tataroha Diana I Sulie A Jisas Kraes Nge A Jon E Uusue 10:26

Taꞌe omu saꞌa hiiwalaimoli ike aaku aena aana iꞌomu nga mo sipu ineu haꞌike.

Palonga 28:24

Oto ngaeta mo iini ko hiiwalaimoli oto aana, taꞌe ngaeta mo iini haꞌike loꞌu.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Uusu-uusu A Pol Hurula'aa Hunie Mo Rom 11:17

Kira Ebraham kire urihana mo imi-imine nga tohungei ei hungu-hungu nge a God e saetoꞌo aana oto liutaa. Taꞌe maꞌalana mo Jiu kire neꞌie ai diana a God urine, a God e hali aasie oto mo sasarai ola hunge mwaanie ai ngeena, aena aana e leledie oto mo Jiu nge kire sereꞌinie a Kraes. Na iꞌomu, maꞌalana uri omu urihana mola mo sasarai ola aana ai ni meꞌesu, taꞌe a God e neꞌiꞌomu aana leu oolisie mo sasarai ola e taꞌaasiꞌi oto, na e ladoꞌomu oto aana ai diana ngeena. Oto aana maholo ienini, iꞌomu noꞌone omu sai helesie taꞌena nga ola diana ko lae-lae mai uure mwaanie mo Jiu.

Uusu-uusu A Pol Hurula'aa Hunie Mo Rom 16:26

Taꞌe mala mo propet kire ere lalai aana, na mala a God Mau-meuriꞌe e unue, mei wala ienini ko lae oto hunie mo Aapoloa Aaopa aana taꞌena nga leu hunie uri kire ke hiiwalaimoli aana God na kire ke lulu i sulie.

Uusu-uusu A Pol Hurula'aa Hunie Mo Rom 2:8

Taꞌe mwala nge saeda e aaela aana kire ko neꞌisae paine mola haahire maraada, na kire kaꞌa saetoꞌo aana ike walaimolinge, taꞌe kire ko lulu i sulie mola mo tolahai ola aaela, ikire ngeena nge a God kei tohungei saewasulire na kei haꞌaletehire oto hiitoꞌo.

Uusu-uusu A Pol Hurula'aa Hunie Mo Rom 3:3

Maꞌalana ngaeta mo iini aamami mo Jiu kaꞌa hiiwalaimoli ike aana walana, taꞌe leune e kaꞌa da ike uri a God ke toliꞌaasie mola mo heiholotaꞌinge ingeie.

Uusu-uusu A Pol Hurula'aa Hunie Mo Rom 6:17

Holaꞌinaꞌo, iꞌomu mo koni-konihe a oorahaꞌaa ni ngeena. Taꞌe ienini omu ko tohungei lulu i suli diana aana oto walaimolinge nge haꞌa-uusulilemiu e lae aana, na aena leune kie ko tohungei paalahea God.

Kalesia 3:1

!Iꞌomu mo mweꞌu-mweꞌule ni Kalesia! Haꞌarongolamiu e lae haadaꞌi kaꞌu taane oto i sulie maelana a Jisas i lengine poꞌu-poꞌu. ?Oto e ue omu ko si aatopuri aana? ?Ohe nga iini e siꞌohiꞌomu hunie pwaumiu ke aaela urine?

Kalesia 5:7

Holaꞌinaꞌo omu lae-lae kohi taane oto peꞌie hiiwalaimolinge aana a Kraes. ?A tei ni e heꞌi da loꞌu omu rohu mwaanie lulu i sulilana mo wala toꞌohuu ngeena?

2 Tesalonaeka 1:8

Na ke lae mai peꞌie dunge oto paine huni haꞌaloie mwala nge kire ko sereꞌinie a God na kire kaꞌa sare tola i sulie ike Tataroha Diana i sulie Aalaha ikie a Jisas.

Hibru 11:8

Aani hiiwalaimolinge mone, nge a Ebraham e tola i sulie a God maholo e soie. A Ebraham e toliꞌaasie hanue ingeie huni lae aana ngaeta hanue nge a God kei niie hunie. E lae mola, maꞌalana uri e kaꞌa saie uri leu nge ko lae takoie.

Hibru 4:2

Aana kie rongoa kaꞌu oto mei tataroha diana mala ikire mwala oto i naꞌo kire rongoa noꞌone. Taꞌe aana maꞌalana kire rongoa kaꞌu tataroha ngeena, e kaꞌa peꞌire ike, aena aana kire kaꞌa rongo peꞌi hiiwalaimolinge aana.

Hibru 5:9

Oto urine a God e haataꞌinie uri nga mei ola e kaꞌa aaela ike aana a Jisas, na a Jisas e si neꞌie tala hunie maurihe aana mwala ko tola i sulie.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 2:8

Na aana ngaeta leu loꞌu, mo Uusu-uusu Maaꞌi e ere loꞌu i sulie uuri, Hau ngeena oto ola huni haꞌatataroa mwala, na kire sai domu aaela i tehulaꞌana. Aesaea 8:14 Kire ko domu aaela urine, aena aana kire kaꞌa tola ike i sulie walana God. Na mwala hai-heitohe urine kire kei domu aaela oto urine, aana taꞌa-taꞌa tala mola hunie haꞌamangolada.

1 Pita 3:1

Na iꞌomu mo huꞌe noꞌone, omu ke tola i sulie mo poro iꞌomu. Urine, maꞌalana poro iꞌoe e kaꞌa hiiwalaimoli ike aana God, taꞌe ohe tolahamu kei haꞌa-aaliꞌue mai takoie hiiwalaimolinge. E kaꞌa ilisie ike uri o ke haro unue loꞌu nga mei ola hunie, taꞌe poro iꞌoe kei hiiwalaimoli mola