Uusu-uusu A Pol Hurula'aa Hunie Mo Rom 1:30 - Tataroha Diana

³⁰ na kire ko ere-ere aaelasie mola mwala. Kire tohungei leledie a God, na kire kaꞌa haꞌamaꞌu ike aana nga iini. Kire ko ere mwakataꞌinie mwala oto tarau, na kire sai ere toohaꞌinire mola maraada. Saeda e painesie mola mo tolahai ola aaela haalu huni sapeie mo tolahai ola aaela lalahuꞌe nge kire sai esuiꞌi hunie aaelanga ke paine loꞌu. Kire sai heitohea mo aamada na mo nikada,

Uusu-uusu A Pol Hurula'aa Hunie Mo Rom 1:30 ပူးပေါင်းရင်းမြစ်များ

Matiu 15:4

Aana a God e unue uuri, O ke haꞌamaꞌu aana aamamu na nikemu. Eksodas 20:12 Na e unue noꞌone uuri, Nga iini nge ko ere aaelasie aamana wa nikana, e malisine uri horo-aasilana ke lae oto. Eksodas 21:17

Matiu 16:21

Uure aana maholona nge a Jisas e si talaꞌai unu diana aana hunie mo pwaarongoisuli ingeie uuri, “E malisine uri ne ke tohungei lae oto hunie i Jerusalem. I leune mo rato ni mwane aana mo Jiu na mo naꞌohai pris na mo haꞌa-uusuli aana mo Haꞌatolanga a Mosis, kire kei haꞌasapesaluꞌaau aana mo ola hunge, na kire kei horo maesieu. Taꞌe aana oolune nga hai dinge ne kei taꞌelaꞌi loꞌu mwaanie maenga.”

Tataroha Diana I Sulie A Jisas Kraes Nge A Luk E Uusue 21:16

Ahutana mwala kei meni lelediꞌomu. Maꞌalana mo aamamiu, na mo nikemiu, na mo eesimiu, mo tekihemiu, na mo malahumiu, na kire kei teungeꞌiniꞌomu noꞌone. Hule aana kire kei horo maesie ngaeta mo iini eemiu.

Tataroha Diana I Sulie A Jisas Kraes Nge A Jon E Uusue 7:7

Mwala aana walumalau ie kire saꞌa maalelediꞌomu ike, taꞌe ineu ni kire ko maaleledieu, aena aana no ko lae peꞌi unu haataꞌinie uri nga taa kire ko esuie e aaela.

Palonga 5:36

Omu saie oto aana mo helisi e mango, a Tiudas e unue uri ingeie ngaeta naꞌohai mwane, oto lae-lae hai tangalai mwane ko lae loꞌu mei peꞌie. Taꞌe mae ni Rom kire horoꞌie, oto mo mwane ingeie kire tatanga hailiu mola na hari-huninge ingeie e kaꞌa oa ike.

Uusu-uusu A Pol Hurula'aa Hunie Mo Rom 2:17

?Oto e ue aana iꞌomu mo Jiu? Omu tohungei norutoꞌo uri a God ke haꞌa-uuriꞌomu aena aana omu toꞌo aana mo Haꞌatolanga a Mosis ngeena, na omu ko toohaꞌiniꞌomu uri iꞌomu oto mo iinoni a God.

Uusu-uusu A Pol Hurula'aa Hunie Mo Rom 2:23

Omu ko ere toohaꞌiniꞌomu aana uri omu toꞌo aana mo Haꞌatolanga a God, taꞌe omu ko si haꞌamasaa loꞌu mola a God aani hele huꞌisilana mo Haꞌatolanga ingeie.

Uusu-uusu A Pol Hurula'aa Hunie Mo Rom 3:27

?Oto uri kure sai ere toohaꞌinikure uri kure da mei ola diana hunie a God ke saetoꞌo aakarue? !Haꞌike oto ooꞌoo! ?Wa uri kure sai iiꞌo oodotaꞌi i maana a God aena aana kure ko lulu i sulie mo Haꞌatolanga? !Haꞌike loꞌu! Taꞌe oodotaꞌinge ikure mei niinge a God mola aana kure hiiwalaimoli aana Jisas.

2 Korinit 10:15

Na melu kaꞌa ere toohaꞌiniꞌemeelu ike haahie mei esunge nge ngaeta mwala kire asuie. Taꞌe saemeelu hunie uri hiiwalaimolinge iꞌomu ke paine, na asunge iꞌemeelu i matolamiu ke paine loꞌu na ke hungu diana.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

2 Tesalonaeka 2:4

Mwane tataꞌala ngeena kei ere aaelasie ahutana mo god na taꞌena nga ola nge mwala ko palo-paloa. Na kei haꞌapainaꞌaa maraana uri hunie ke paine loꞌu liutaa aana taꞌena nga ola, na hule aana kei lae iiꞌo i laona Nume Maaꞌi Peine a God na ni unue uri ingeie oto a God.

2 Timoti 3:2

Mwala kei loꞌo-loꞌongaꞌinire oto mola maraada. Kire kei neꞌi-neꞌisae paine oto hiitoꞌo aana toꞌoha, na kire kei lae-lahera maraada, na kire kei too-toohaꞌinire oto hiitoꞌo. Kire kei talei ere-ere aaela mola, na kire saꞌa totola i sulie ike mo nikada na mo aamada. Kire saꞌa paa-paalahea ike nga iini haahie nga mei ola nge niilana e lae oto hunie, na kire saꞌa loꞌo-loꞌongaꞌinie ike loꞌu a God.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

Jemes 3:5

Oto mea, na e urine noꞌone mola. Aana e mwai-mwei liutaa aana ahutana mo sasarai ola aana sapeka, taꞌe e sai ere toohaꞌinie aana mo ola paine. Na omu saie mola uri nga koho oto paine aani ei, e sai weru mola aana nga kele kakahuꞌei dunge.

Jemes 4:16

Taꞌe ie omu ko haꞌapainaꞌaꞌomu mola maraamiu, na omu ko si ere toohaꞌiniꞌomu mola. Na mo toohaꞌinge urine e tohungei aaela.

2 Pita 2:18

Kire sai haꞌa-olaa mwala mola hunie aaelanga peꞌie mo wala mwaakule ni toohaꞌinge, aana kire ko unu-unue uri e diana mola huni deu i sulie mo heri-huninge aana sape. Na urine kire ko weꞌi eelihoꞌi mola aana mwala nge kire ko si aehota huni lae i sulie tala oodo mwaanie mo tolahai ola aaela ngeena.

Jiud 1:16

Mwala ngeena kire sai upwe mola tarau, na kire ko haro iꞌie mola ahutana ola, na kire ko lae oto mola i sulie mo loꞌongaꞌinge aaela ikire maraada. Kire ko ere toohaꞌinire mola, na maholo kire ko lahea nga iini, kire ko eeroa mola hunie hari-huninge ikire maraada ke oa.