Pilipae 4:6 - Tataroha Diana

⁶ Omu ke suꞌuri tolahiꞌe loꞌu aana nga mei ola, taꞌe omu ke aarea mola a God. Na omu ke sukaa taꞌena nga ola omu saetoꞌo aana, peꞌi paalahelana wau i saemiu.

Pilipae 4:6 ပူးပေါင်းရင်းမြစ်များ

Matiu 10:19

Maholo kire ko tooleꞌomu i laona leinge, omu ke suꞌuri tolahiꞌe hiitoꞌo aana nga taa omu kei unue wa omu kei ere luhesie uri taa, aena aana a God kei niie taane huniꞌomu nga taa ni unue iꞌomu aana maholona.

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Matiu 6:34

Aena ngeena mwaanie omu lae oto i totolahiꞌe liutaa aana nga taa kei reu i hoꞌowa. Toliꞌaasie oto hunie i hoꞌowa mo neꞌisaenga aana. Aana ahutana mo dinge e mani ado oto aani aaelanga aana.”

Matiu 6:8

Omu ke suꞌuri heimaanie mo iini urine, aana Aamamiu e manataꞌinie oto nga moi taa omu saetoꞌo aani na omu kaꞌa suke ue aana.

Tataroha Diana I Sulie A Jisas Kraes Nge A Luk E Uusue 10:41

Oto a Jisas e aalamie mola uuri, “Maata, Maata. O ko lae otoi tolahiꞌe aana mo ola hunge.

Tataroha Diana I Sulie A Jisas Kraes Nge A Luk E Uusue 12:22

Oto a Jisas ko unue hunie mo pwaarongoisuli ingeie uuri, “Aena urinena, no ko unue oto huniꞌomu uri mwaanie omu neꞌi-neꞌisae paine aana mei ngeulaa ni meuri aana iꞌomu, wa mo toꞌoni huni toꞌoni haahie sapemiu.

Tataroha Diana I Sulie A Jisas Kraes Nge A Luk E Uusue 12:29

Omu ke suꞌuri lae otoi tolahiꞌe hiitoꞌo loꞌu aani loꞌongaꞌinge aakau i sulie nga taa omu kei ngaa na nga taa omu kei inuhie.

Tataroha Diana I Sulie A Jisas Kraes Nge A Luk E Uusue 18:1

Oto a Jisas e ere ni aalahuunge huni haataꞌinie aana mo pwaarongoisuli ingeie uri kire ke aarengaꞌi tarau mwaanie kire aakohe na mwaanie kire mou-mou mwaanie.

Tataroha Diana I Sulie A Jisas Kraes Nge A Luk E Uusue 18:7

?Uri omu loꞌongaꞌinie a God e saꞌa haꞌa-oodohie ike nga mei ola urine hunie mo iini kire hiiwalaimoli aana, aena aana kire ko ngarasie i suli rodo na aatowaa huni peꞌinge? ?Na e ue? ?Uri omu loꞌongaꞌinie e saꞌa peꞌire ike lau-leu?

1 Korinit 7:21

Mala uri o oꞌoꞌo kaꞌu mola mala nga koni-konihe aana maholo a God e soiꞌo, ngeena o ke suꞌuri tolahiꞌe aana leune. Taꞌe mala uri o ko saie nga tala hunie o ke iiꞌo luhetaꞌi aana, nge e diana taane hunie o ke lae mola i sulie.

1 Korinit 7:32

Oto nou saetoꞌo aana omu ke suꞌuri tolahiꞌe i sulie taꞌena nga mei ola. Aana nga iini nge e kaꞌa toꞌo poro wa ke tola huꞌe, neꞌisaenga ingeie mola aana asunge nana a God aena ko sare haꞌasaedianaꞌaa a God.

2 Korinit 1:11

Na omu sai peꞌiꞌemeelu noꞌone aani aarengaꞌinge talameelu. Urine mwala oto hunge ke si paalahea a God, aena aana kire kei meni leesie uri a God e sai rongo hunie aarengaꞌinge mo iini hunge na e sai haꞌadianaꞌaꞌemeelu i tehulaꞌana mo aarengaꞌinge ikire ngeena.

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Epesas 6:18

Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.

Kolosi 3:15

A God e soiꞌomu tararuru hunie omu ke iiꞌo aana hanuelamanga i lalo aana taꞌa-taꞌa mei sape, na mwaanie omu kele waelie hanuelamanga nge a Kraes e niie huniꞌomu ngeena, taꞌe hanuelamanga ngeena ke aalaha haahie neꞌisaenga iꞌomu. Na omu ke paa-paalahea God tarau.

Kolosi 3:17

Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

1 Timoti 2:1

No ko holaꞌi unue kaꞌu huniꞌo uri o ke aarengaꞌi talana ahutana mwala. O ke paalahea God haahire, na o ke aitanaie a God hunie ke peꞌire na ke haꞌadianaꞌara.

1 Timoti 5:5

Mala nga nao keni e iiꞌo mola maraana na nga iini peꞌie haꞌike, taꞌe e norutoꞌo mola aana a God na ko aarea susue rodo na aatowaa hunie ke peꞌie, nge ingeie nao keni toꞌohuu eena.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Pita 5:7

Oto omu ke neꞌie ahutana mo tolahiꞌanga iꞌomu i laona nimana, aena aana ingeie oto ko lio i suli diana aamiu.