Pilipae 4:20 - Tataroha Diana

²⁰ Aena urine, kie ke haꞌamanikuluꞌaa God Aamaka taraureꞌi. !Iau, ke urine oto!

Pilipae 4:20 ပူးပေါင်းရင်းမြစ်များ

Matiu 28:20

Omu ke haꞌa-uusulire hunie kire ke tola i sulie oto taꞌena nga ola nou hatongaꞌinie huniꞌomu. Na omu sai norutoꞌo aana uri ne ke iiꞌo peꞌiꞌomu oto tarau, lai hule aana haꞌamangolana walumalau.”

Matiu 6:9

Taꞌe omu ko aarea God omu ke aarengaꞌi uuri. Mamaꞌa i Lengi, mwala ke haꞌamaꞌu aana satamu.

Uusu-uusu A Pol Hurula'aa Hunie Mo Rom 11:36

A God oto e haꞌaholaa ahutana walu ola, na ahutana walu ola ngeena e uure mola aana nanamanga ingeie, na walu ola ngeena walu ola ingeie haliꞌite. !Oto kie ke haꞌamanikuluꞌaa God taraureꞌi! Ke urine oto.

Uusu-uusu A Pol Hurula'aa Hunie Mo Rom 16:27

A God maraana oto e toꞌo aana ahutana mo saenanaunge, na aena aana nga taa a Jisas Kraes e asuie hunikie, kie ke soi haꞌamanikuluꞌaa God oto di, na oto di. !Iau, ke urine oto!

Epesas 3:21

Oto no ko eitanai uri mwala ke haꞌamanikuluꞌaa God haahie soihaadaꞌinge ingeie na aena aana a Jisas Kraes oto di, oto di. Ke urine oto.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 4:23

No ko eitanaie a God uri hahuꞌana manata-diananga a Jisas Kraes Aalaha ikie ke iiꞌo peꞌiꞌomu.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.

Haataꞌinge 1:6

Ingeie oto aalaha ikie, na e asuie uri kie ke mani neꞌi pris oto huni haꞌapainaꞌaa Aamana, a God. Oto aena urine kie ke haꞌamanikuluꞌaa a Jisas Kraes haahie hahuꞌana nanamanga ingeie oto di oto di. Ke urine oto.

Haataꞌinge 11:13

Na aana maholona nunu oto paine e nunu, na tangahuluꞌana ngaeta poꞌo ni leu aana huilume i Jerusalem ngeena e aaꞌoho oto, na e hiu sinolai iinoni kire mae aana nunu ngeena. Oto mo iini nge kire kaꞌa mae ike, kire ko tohungei meꞌu, na kire ko soi haꞌamanikuluꞌaa oto a God taꞌau i Lengi.

Haataꞌinge 14:7

Ensel ngeena ko ere aana mei wala paine uuri, “Omu ke haꞌamaꞌu aana God na omu ke haꞌapainaꞌaa. E hule oto aana maholo a God huni leie ahutana mwala. Oto omu ke haꞌamanikuluꞌaa God aana ingeie oto iini nge e haꞌaholaa salo, na aano huu, na aasi, na mo huulaa mauri, na taꞌena nga ola loꞌu i laona walumalau.”

Haataꞌinge 5:12

Mo ensel ngeena kire ko kana paine uuri, “A Kalei Sipu nge horoꞌilana e lae, e adona kie ke haꞌapainaꞌaa haahie nanamanga paine ingeie, na haahie toꞌo-toꞌonga ingeie, na haahie saenanaunge ingeie, na haahie aꞌailaꞌanga ingeie. Na e adona oto kie ke haꞌamaꞌu aana, na kie ke haꞌamanikuluꞌaa, na kie ke haꞌapainaꞌaa.”

Haataꞌinge 7:12

Kire ko teꞌuri, “Iau. Haꞌapainaꞌanga, na manikuluꞌanga, na manatanga, na paalahenga, na haꞌamaꞌunge, na nanamanga, na aꞌailaꞌanga, mo ola a God ikie otona na oto huu. Ke urine oto.”