Pilipae 4:11 - Tataroha Diana

¹¹ No ko ere urine, kaꞌa ike i sulie uri nou kaꞌa toꞌo aana walu ola nou saetoꞌo aani. !Haꞌike! Taꞌe a God e haataꞌinie mola aaku tala hunie uri ne ke iiꞌo ni saemangonga, maꞌalana iiꞌonga ineu e uri taa.

Pilipae 4:11 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 3:14

Ngaeta mo ramo ko dolosi noꞌone aana a Jon uri, “?Nge iꞌemeelu? ?Melu kei ue?” Oto ko teꞌuri hunire, “Mwaanie omu deu-deu rarahie nga iini hunie mo toꞌoha ingeie, wa omu ke ere-ere aana mola tototala. Taꞌe omu ke ilenimwaꞌe mola haahie holitemiu.”

2 Korinit 11:27

Nou iiꞌo mola aani weonga, na nou oodoie mo aasanga oto hunge aena aana asunge nana Kraes. Mo maholo oto hunge asunge ngeena ko haapilingaꞌa haahieu hule aana nga maholo ni maꞌahunge na haꞌike loꞌu. Mo maholo hunge nou hiolo na nou maarou, na ngaeta mo dinge nga kele mei ngeulaa ne ke hikana na haꞌike loꞌu. Mo maholo hunge no ko maꞌahu mola mala iiola, na aana mo maholo hunge no ko maesie mola mamaꞌudi aana wawai e paine, na nou kaꞌa toꞌo aana ike nga mei ola ni eeluhieu aana.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

2 Korinit 9:8

Na a God e sai haꞌadianaꞌaꞌomu oto liutaa, hunie uri omu ke toꞌo aana ahutana walu ola e malisine omu ke toꞌo aani, hunie ke mwadaꞌusie taꞌena nga asunge diana suli maholo.

Pilipae 3:8

Na e kaꞌa ike taꞌe mola mo ola ie. Ineu nou loꞌongaꞌinie uri ahutana oto taꞌe-taꞌena nga ola nou esuiꞌi oto i naꞌo, toliꞌaasileni kei lae mango, hunie ne ke hele aana mo tohungei ola diana aana tolahana Aalaha ineu a Jisas Kraes. Oto aena aana no ko lulu i sulie oto a Kraes, no ko toliꞌaasie oto ahutana walu ola mango i eelitehu,

Hibru 10:34

Omu sapesalu tararuru peꞌie ngaeta mo iini eemiu kire iiꞌo i nume ni hoꞌo. Na maholo mwala e too-toolea toꞌo-toꞌolamiu, omu ilenimwaꞌe mola i sulie omu saie oto uri omu toꞌo aana taane mo ola diana loꞌu liutaa na kire sai iiꞌo huu.