Pilipae 3:10 - Tataroha Diana

¹⁰ Oto saeku mola hunie ne ke saie a Kraes, na ne ke toꞌo aana nanamanga aana taꞌelaꞌinge ingeie i laona mauringe haalu ineu ie. Nou sare sapesalu noꞌone mala ingeie, na ne ke lae oto i sulie tala nge e lae i sulie hule aana maelana.

Pilipae 3:10 ပူးပေါင်းရင်းမြစ်များ

Matiu 20:23

Oto a Jisas ko unue loꞌu hunirerue uuri, “Toꞌohuu more kei hotelaꞌinie taane iiola ne kei hotelaꞌinie, taꞌe uri hunie iiꞌonga i pwalo-pwaloku na i meu-meuliku, e kaꞌa leu ike i sapeku huni niie hunie nga iini, aana e ro iiꞌo-iiꞌoha ngeena kire iiꞌo oto loosie mo iini Aamaku e lio hilisire.”

Tataroha Diana I Sulie A Jisas Kraes Nge A Jon E Uusue 10:18

Nga iini kaꞌa taꞌaasie ike maurihaꞌaku mwaanieu. Ineu, nou toliꞌaasie mola maraaku. Nou toꞌo aana nanamanga huni toliꞌaasie mola maraaku, na nou toꞌo aana nanamanga noꞌone huni tola aalihoꞌi loꞌu aana. Na nga taa Aamaku e unue mei ola ne kei esuie ni otona.”

Tataroha Diana I Sulie A Jisas Kraes Nge A Jon E Uusue 17:3

Na loꞌongaꞌinge aana maurihe huu ngeena, uri hunie mwala ke sai diana aamu, taꞌa-taꞌa God oto toꞌohuu, na uri kire ke saieu noꞌone, a Jisas Kraes, iini o uusungeꞌinie mai.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Uusu-uusu A Pol Hurula'aa Hunie Mo Rom 8:36

Mwala kei waelikie taane urine, aana nga iini e ere takoie a God i laona mo Uusu-uusu Maaꞌi uuri, Mwala ko sare horoꞌiꞌemi mola i suli hei dinge i tehulaꞌamu, na kire ko loꞌo-loꞌongaꞌiniꞌemi mola mala mo sipu huni hunu maesiꞌi. Sam 44:22

2 Korinit 1:10

Na maholo melu karaꞌi mae ngeena, a God e haꞌa-uuriꞌemeelu oto toꞌohuu, na kei haro haꞌa-uuriꞌemeelu taane ue. Melu maaꞌoohi susutoꞌo peꞌie hiiwalaimolinge aana uri kei haro haꞌa-uuriꞌemeelu taane mola ue.

2 Korinit 1:5

Iꞌemeelu, melu ko sapesalu oto hiitoꞌo i tehulaꞌana melu ko lulu i sulie a Kraes, taꞌe maholo ko lae urine, nge a God ko si haꞌadodoa saemeelu oto hiitoꞌo i tehulaꞌana a Kraes.

2 Korinit 13:4

E toꞌohuu taane uri e lio mala a Kraes e mamaelaꞌa kaꞌu, aana kire rapu taalengasie i lengine poꞌu-poꞌu. Taꞌe leune e si haataꞌinie mola nanamanga paine a God, aana e mauri loꞌu mwaanie maenga. Na iꞌemeelu noꞌone, melu lio mamaelaꞌa mala ingeie. Taꞌe melu kaꞌa mamaelaꞌa ike, aana melu ko meuri tararuru peꞌie a Kraes aana nanamanga paine a God, mei nanamanga nge melu ko esu oto aana huni peꞌiꞌomu huni lulu i sulie tolahana.

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

Kalesia 6:17

Oto uure siꞌiri pwau weu, mwaanie nga iini e heꞌi kotahieu loꞌu haahie leune, aena aana mo reo i sapeku e haataꞌinie oto uri ineu koni-konihe a Jisas toꞌohuu.

Epesas 4:13

Aana saena hunie kie ke neꞌie taꞌa-taꞌa iinoni aena aana kie mani hiiwalaimoli aana Kalena God, na kie mani sai diana aana. Na hunie kie ke neꞌi rato aana tolahana Kraes, na hunie kie ke haꞌa-ahue taꞌena nga tolaha nge kire kaꞌa sada ue i sulie tolahana.

Pilipae 3:8

Na e kaꞌa ike taꞌe mola mo ola ie. Ineu nou loꞌongaꞌinie uri ahutana oto taꞌe-taꞌena nga ola nou esuiꞌi oto i naꞌo, toliꞌaasileni kei lae mango, hunie ne ke hele aana mo tohungei ola diana aana tolahana Aalaha ineu a Jisas Kraes. Oto aena aana no ko lulu i sulie oto a Kraes, no ko toliꞌaasie oto ahutana walu ola mango i eelitehu,

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Kolosi 2:13

Holaꞌinaꞌo e urihana uri omu mae oto mola i tehulaꞌana mo takalonga iꞌomu, na aena aana mo loꞌongaꞌinge aaela mo puꞌo ko oꞌoꞌo aamiu. Taꞌe a God e da omu ke mauri eelihoꞌi loꞌu peꞌie a Kraes, na e saeꞌaasie oto mo oorahaꞌaa ikie mwaanikie.

Kolosi 3:1

Maholo a Kraes e mauri eelihoꞌi mwaanie maenga, a God e haꞌa-uuriꞌomu noꞌone mwaanie maenga i tehulaꞌana oorahaꞌaa, hunie iꞌomu noꞌone omu ke toꞌo aana maurihe. Oto aena urinena, omu ke neꞌi-neꞌisae paine aana mauringe taꞌau i Lengi, leu nge a Kraes e iiꞌo i lengine naunekume ingeie aana taꞌau i pwalo-pwalona God.

1 Pita 1:3

E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

2 Pita 1:13

Aana no ko loꞌongaꞌi uri e lae oto i diana hunie ne ke haꞌa-haꞌa-aamasitoꞌoꞌomu aana walu ola ngeena maholo no ko meu-meuri ue, mwaanie omu pulongosiꞌi mola.

1 Jon 2:3

Kie ke si saie uri kie manataꞌinie a God, mala uri kie ko tola i sulie mo haꞌatolanga ingeie.

1 Jon 2:5

Taꞌe iinoni nge ko tola i sulie walana a God, ingeie oto iini nge ko tohungei manata diana hunie a God toꞌohuu. Aana urine nge kie ke si manataꞌinie uri ikie mo iinoni ingeie toꞌohuu.

Haataꞌinge 1:18

Ineu oto iini meu-meuriꞌe. Nou mae kaꞌu, taꞌe ie nou meuri oto hunie iiꞌonga huu. Iau, na ineu oto nou saka liutaa aana maenga, na nou toꞌo aana kii aana mo kilipweꞌu.