Pilipae 2:30 - Tataroha Diana

³⁰ Aana ingeie e toliꞌaasie maraana, mala oto e karaꞌi mae i tehulaꞌana asunge a Kraes, hunie ke peꞌieu oolisiꞌomu, aana e aasa oto huniꞌomu huni peꞌieu aana maholona.

Pilipae 2:30 ပူးပေါင်းရင်းမြစ်များ

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Uusu-uusu A Pol Hurula'aa Hunie Mo Rom 16:4

Na kirerue karaꞌi mae aana kirerue lauhieu. Oto no ko tohungei paalaherarue oto hiitoꞌo, na kaꞌa ike mola taꞌe ineu haliꞌite, taꞌe ahutana oto mo soihaadaꞌinge aana mo Aapoloa Aaopa noꞌone kire ko sare paalaherarue.

1 Korinit 15:53

Aana nga taa nge e sai kesu mola, kei hei-oolisi oto hunie leu kei iiꞌo huu. Na nga taa e sai mae, kei hei-oolisi oto hunie leu kei iiꞌo huu na e saꞌa heꞌi mae loꞌu.

1 Korinit 16:10

Mala uri a Timoti ko hule i seemiu, omu ke lio i suli diana aana, aena aana ingeie ko esu noꞌone nana Aalaha ikie mala ineu.

1 Korinit 16:17

No ko tohungei saemango oto hiitoꞌo haahie a Stepanas, na a Fotiunetas, na a Akaikas aana kire lae mai hule i seeku oolisiꞌomu.

2 Korinit 12:15

Oto no ko tohungei ilenimwaꞌe mola huni niie ahutana mo ola nou toꞌo aani namiu, hule oto aana ineu maraaku, huni peꞌiꞌomu huni hele aana maurihe huu. ?Oto aana ineu no ko manata diana liutaa huniꞌomu urine, uri iꞌomu, omu kei manata aaela mola hunieu?

2 Korinit 4:12

Melu ko lae peꞌi sapesalu takoie maenga urine, hunie uri iꞌomu omu ke manataꞌinie maurihe toꞌohuu i lalo aamiu.

Pilipae 2:17

Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

Pilipae 2:27

Na e toꞌohuu oto, aana e tohungei mweri hiitoꞌo, hule aana e karaꞌi mae. Taꞌe a God e aamasie, na e haꞌa-uurie. Na kaꞌa taꞌe ike ingeie haliꞌite, aana a God e aamasieu noꞌone mwaanie uri saehuunge haahie maenga ingeie ke hite haahie loꞌu ahutana saehuunge ineu.

Pilipae 4:10

No ko tohungei ilenimwaꞌe oto liutaa na no ko paalahea a Aalaha ikie aana omu ko heꞌi haataꞌinie loꞌu uri omu manata diana taane ue hunieu aana mo ola omu haꞌatolaꞌi mei hunieu. Nou kaꞌa unue ike uri omu rohu oto mwaanieu, taꞌe uri omu kaꞌa toꞌo maholo mola huni peꞌieu.

Pilipae 4:18

Nou leesie taane nga taa omu haꞌatolaa mai, na niinge iꞌomu e lae liutaa aana loꞌu nga taa nou saetoꞌo aana. Oto nou kaꞌa saetoꞌo aana ike loꞌu nga mei ola, aena aana a Epaprodaetas e pwani niie oto peꞌinge iꞌomu hunieu. Niinge iꞌomu e urihana oto uuraaꞌinge e wasu mangoni nge a God ko ilenimwaꞌe haahie.

Pilimon 1:13

Nou sae haahie ue hunie ke iiꞌo kaꞌu peꞌieu oolisiꞌo hunie ke peꞌieu aana maholo nou iiꞌo i laona nume ni hoꞌo i tehulaꞌana tarohaꞌinilana a Jisas.

Haataꞌinge 12:11

Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.