Pilipae 2:16 - Tataroha Diana

¹⁶ aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.

Pilipae 2:16 ပူးပေါင်းရင်းမြစ်များ

Matiu 10:27

Nga taa no ko unu-unu mumuni aana huniꞌomu, omu ke si unu haadaꞌi aana. Na loꞌu nga taa omu ko rorongoa mola maraamiu, omu ke si soingeꞌinie hunie ahutana mwala ke rongoa.

Tataroha Diana I Sulie A Jisas Kraes Nge A Luk E Uusue 12:8

“Ineu, no ko unue oto huniꞌomu uri taꞌena nga iini kei unu tahangaꞌinieu i naꞌona mo iinoni uri ingeie iinoni ineu, nge ineu a Kale Ni Iinoni, ne kei unu tahangaꞌinie iinonine noꞌone urine i naꞌona mo ensel a God, uri ingeie iinoni ineu.

Tataroha Diana I Sulie A Jisas Kraes Nge A Jon E Uusue 6:63

Liꞌoa Maaꞌi mone ko niie maurihe, nge mei ola mo iinoni saꞌa roroꞌa ni hele aana ike aana nanamanga ikire maraada. Oto omu ke rongo diana mola hunie walaku, aana kire toꞌo aana nanamanga a Liꞌoa Maaꞌi hunie maurihe.

Tataroha Diana I Sulie A Jisas Kraes Nge A Jon E Uusue 6:68

A Saemon Pita e aalamie oto ko teꞌuri, “?Melu ke si lae loꞌu i tei, Poro paine? Iꞌoe oto o toꞌo aana mo wala nge ko niie maurihe huu hunie iinoni.

Palonga 13:26

“Rongo kaꞌu, iꞌomu mo weuwana a Ebraham na mo Aapoloa Aaopa nge omu lae mai huni aarea God. Ikie oto, a God e lio hilisikie huni haataꞌi diana aana tala ni haꞌa-uuringe hunikie.

1 Korinit 1:8

Na a Jisas oto kei haꞌasusuꞌomu hunie omu ke iiꞌo oodotaꞌi lai hule aana hai dinge nge Aalaha ikie a Jisas Kraes kei ooli loꞌu mei.

1 Korinit 9:26

Oto aena urinena, nou kaꞌa talei huru heiliu ike mola, taꞌe no ko huru oodo-oodo mola hunie leu nge iinoni kei holaꞌi lai hule aana kei toolea waaite. Oto mala mwane hai-heiseuni ko sare aꞌailaꞌasie maelonga ingeie, nge ineu noꞌone nou saꞌa talei kumu taꞌewau ike.

Kalesia 2:2

Nou lae taꞌau aena aana a God e haataꞌinie oto hunieu uri ne ke lae urine. Na aana lokonga peꞌie mo naꞌohai mwane aana soihaadaꞌinge maraada, nou unu tahangaꞌinie oto Tataroha Diana nge no ko lae peꞌi tarohaꞌinie hunie mo Aapoloa Aaopa. Nou deu urine mwaanie kire neꞌisae ni uure honosieu, aana nou sereꞌinie uri kire ke waelie asunge nou esuie oto nana Kraes, wa kire ke da asunge nge no ko lae-lae ue peꞌie ienini e waetaꞌi mola.

Kalesia 4:11

Oto no ko tohungei maarara mola mwaanie uri nou haꞌaweoau mola peꞌiꞌomu.

Pilipae 1:10

No ko eitanaie a God urine hunie omu ke lio hilisie tohungei tala diana. Urine nge omu ke si iiꞌo rereꞌa na oodotaꞌi hule aana hai dinge nge a Kraes kei ooli loꞌu mei.

Pilipae 1:6

Na nou norutoꞌo uri a God nge e aehotaa mei esunge diana i laona maurihaꞌamiu, kei lae peꞌi esu taraꞌasi oto urine i lalo aamiu, lai hule aana hai dinge a Jisas Kraes kei ooli loꞌu mei.

1 Tesalonaeka 2:19

Iau, melu tohungei sare hule i seemiu loꞌu, aena aana melu tohungei norutoꞌo aamiu uri aana maholo a Jisas Aalaha ikie kei ooli mei, taꞌe omu sai uure maꞌutaꞌa mola, na melu sai ilenimwaꞌe haahiꞌomu hule aana melu uure aana totomwameelu.

1 Tesalonaeka 3:5

Aena mei olana nge nou tohungei tolahiꞌe aana, na nou uusungeꞌinie oto wau a Timoti hunie ke lae oto wau i leesie hiiwalaimolinge iꞌomu e uri taa. Aana nou maarara mwaanie uri omu domu aana maholo a Pwelu Eero-eero e malaahongamiu, na urine asunge iꞌemeelu namiu e totowai mola.

Hibru 4:12

Kie ke asu toꞌohuu urine, aana walana God ola e mauri na ko euꞌesu aꞌailaꞌa oto liutaa, na e tohungei ala loꞌu liutaa aana naihi e ala rue-rue. Na e sai hoaikie mo iinoni lai hule oto aana suisulike, na e sai lae kokoro i laona saena iinoni huni lio oodoie mo neꞌisaenga ingeie, na ko leie walu ola nge saena iinoni ko peinesiꞌi.

1 Pita 1:23

Iau, omu ke teteꞌurine aena aana omu hute haalu hunie iiꞌonga haalu. Walana God e si esuie omu ko hute hunie iiꞌonga haalu ngeena, na mei wala ngeena mei ola nge e kaꞌa sai mae ike, taꞌe e iiꞌo huu oto di na oto di.

1 Jon 1:1

Ie melu ko uusue uusu-uusu huniꞌomu i sulie tohungei iinoni e uure oto mai aehotalana, nge ingeie mei Wala ni Meurihe. Melu ko uusue oto mala melu rongoa aana aalingameelu, na melu leesie aana maameelu. Melu toꞌomaaie, na melu hele aana oto aana kiꞌimeelu.

Haataꞌinge 22:17

Oto Liꞌoa Maaꞌi e unue uuri, “O ke lae mai.” Huꞌe a Kalei Sipu, nge oto soihaadaꞌinge, e unue noꞌone uuri, “O ke lae mai.” Na e malisine noꞌone hunie taꞌena nga iini ko rongoa mo wala ienini ke unue uuri “O ke lae mai.” Na mei wala ko lae noꞌone hunie mo iini kire sare toꞌo aana maurihe huu. “Omu ke lae mai.” Mo iini nge omu ko maarou hunie maurihe, omu ke lae mai tola mwaakule mola aana wai ni meurihe ienini.