Pilipae 1:7 - Tataroha Diana

⁷ Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

Pilipae 1:7 ပူးပေါင်းရင်းမြစ်များ

Palonga 20:23

Nou saie mola aana ahutana mo huilume nge no ko hule aani, Liꞌoa Maaꞌi ko haꞌapasulieu taane aana uri kire kei haꞌaloieu na neꞌileku kei lae i laona nume ni hoꞌo.

Palonga 21:33

Maholo poro paine e lae mai hule i saana Pol oto e unue mo ramo ingeie kire ke tapolie na kire ke pwasue aana e ro iieli heu. Oto ko si dolosi aana mwala uuri, “?A tei mwane ni ie? ?Na nga taa ni e asuie?”

1 Korinit 13:7

Iinoni e manata diana hunie mwala e sai lae taraꞌasi mola maꞌalana nga taa ko reu. Kei hiiwalaimoli, na kei maaꞌoohi susutoꞌo, na kei esu susuleꞌi oto mola.

1 Korinit 9:23

No ko euꞌesuie ue mo olana hunie Tataroha Diana tarohaꞌinilana ke lae taraꞌasi, na hunie ke mwadaꞌusieu hunie ne ke toolea haꞌadianaꞌanga mwaanie Tataroha Diana.

2 Korinit 3:2

?Mei ola urine huni taa? Aana mauringe iꞌomu oto domana uusu-uusu huni unu haadaꞌi aana uri iꞌemeelu mo tohungei koni-konihe a God. Ahutana mwala kire ko leesie uri tolahamiu e hai-oolisi diana oto, na i leune kire si lio saie asunge diana iꞌemeelu.

2 Korinit 7:3

Nou kaꞌa ere ike urine huni ere aaelasiꞌomu, aana nou unue kaꞌu oto huniꞌomu uri melu manata diana huniꞌomu toꞌohuu. Na maꞌalana uri kolu ke mauri wa kolu ke mae loꞌu, taꞌe saemeelu hunie kolu ke iiꞌo tararuru oto tarau.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Epesas 3:1

Aena mei olana, nge ineu a Pol nou iiꞌo oto i nume ni hoꞌo ie, aena aana ineu iinoni a Jisas Kraes na nou esu talamiu mo iini nge iꞌomu nga mo Jiu haꞌike.

Epesas 4:1

Ineu mwane nge nou iiꞌo i laona nume ni hoꞌo haahie uri no ko esu nana Aalaha, no ko unue oto huniꞌomu uuri. Omu ke iiꞌo oodotaꞌi i sulie tolahai iinoni nge e malisine mo iini nge a God e soire hunie kire ke neꞌie mo iinoni ingeie.

Epesas 6:20

Ineu i laona nume ni hoꞌo aana maholo ie aena aana nou tarohaꞌinie Tataroha Diana ngeena mala mwane auꞌesu oalana a God. Oto omu ke aarengaꞌi talaku mwaanie uri nou meꞌu ni tarohaꞌi loꞌu.

Pilipae 1:12

Maeni eesiku, nou saetoꞌo aana omu ke sai diana aana uri sapesalunge ineu i nume ni hoꞌo ie e kohi taane mola, aena aana leune mone, mwala hunge kire ko si rongoa Tataroha Diana.

Pilipae 1:13

Aana ahutana mo ramo nge kire ko kakakali i leu aana nume paine a inemauri, na ahutana mwala kire iiꞌo i leu, kire mani saie uri nou iiꞌo i nume ni hoꞌo aena aana ineu koni-konihe a Kraes.

Pilipae 1:14

Na loꞌu, iiꞌonga ineu i nume ni hoꞌo ie, e haꞌasusue mwala hunge aana mwala e hiiwalaimoli aana Kraes, uri hunie kire ke aꞌailaꞌa na mwaanie kire maꞌu huni laeliwala aana Tataroha Diana.

Pilipae 1:5

Aena aana omu ko peꞌi diana aaku i laona asunge aana Tataroha Diana, uure oto wau aana maholo omu aehota hiiwalaimoli aana hule mai siꞌiri.

Pilipae 2:22

Taꞌe omu lio saie oto asunge diana a Timoti, aana ko peꞌi diana aaku aani laeliwalanga aana Tataroha Diana, mala e ro heꞌi-aamana ko esuie taꞌa-taꞌa mei esunge.

Pilipae 4:14

Oto aana maꞌalana e urine, na e tohungei diana aana omu peꞌi diana aaku i laona maholo e aasa hunieu.

Pilipae 4:15

Iꞌomu mo Pilipae, omu saie mola maholo nou aehota laeliwala aana Tataroha Diana wau aana poꞌo ni henue iꞌomu i Masedonia. Omu saie mola uri maholo nou lae mwaanie leune, nga taꞌa-taꞌa soihaadaꞌinge e kaꞌa peꞌieu ike aana maholona. Taꞌe iꞌomu haliꞌite nge omu sai loꞌongaꞌinieu aani niinge.

Pilipae 4:3

Na iꞌoe a oaku toꞌohuu, nou saetoꞌo aana uri o ke peꞌie e ro keitaꞌaa ngeena. Aana kirerue tohungei peꞌi diana aaku huni tarohaꞌinie Tataroha Diana, peꞌie a Klemen na mo iini loꞌu weu nge iidumilana satada e lae oto i laona uusu-uusu ni meurihe huu.

Kolosi 4:18

Ineu a Pol ni no ko niie saediananga ienini huniꞌomu, na no ko uusue oto mo wala ooreta ienini maraaku. Omu ke aamasitoꞌo aaku aana ineu i nume ni hoꞌo. No ko eitanaie a God hunie hahuꞌana manata-diananga ingeie ke iiꞌo peꞌiꞌomu.

Kolosi 4:3

Omu saie taane uri ineu i laona nume ni hoꞌo siꞌiri aena aana nou lae peꞌi houleꞌinie Tataroha Diana i sulie a Kraes. Taꞌe maꞌalana ineu i nume ni hoꞌo urine, omu ke aare-aarengaꞌi noꞌone talameelu mo oaku uri hunie a God ke niie nga mo maholo diana nameelu huni houleꞌinie a Kraes i saana ngaeta mwala.

1 Tesalonaeka 5:5

Aana iꞌomu, omu meni iiꞌo oto i laona matapwanga na omu meni neꞌi iinoni aana raa-raa. Na ikie nga mwala haꞌike loꞌu aana rodo wa nga mwala aana rodohono.

2 Timoti 1:8

Oto aena ngeena o ke suꞌuri masa ni houleꞌinie a Jisas Kraes oodoie mwala. Na o ke suꞌuri masa honosieu i sulie uri nou iiꞌo i nume ni hoꞌo haahie asunge nana. Taꞌe o ke hele maꞌutaꞌa mola aana nanamanga a God, na o ke mwaꞌe-mwaꞌe mola ni sapesalu aana o ko tarohaꞌinie Tataroha Diana a Jisas mala ineu.

2 Timoti 2:9

Na i tehulaꞌana Tataroha Diana ngeena mola nge hoꞌosileku e lae aani iieliheu ie. Taꞌe haꞌa-uusulinge a God nga walo hoꞌo-hoꞌo haꞌike aana.

Pilimon 1:13

Nou sae haahie ue hunie ke iiꞌo kaꞌu peꞌieu oolisiꞌo hunie ke peꞌieu aana maholo nou iiꞌo i laona nume ni hoꞌo i tehulaꞌana tarohaꞌinilana a Jisas.

Hibru 3:1

Oto maeni eesiku maaꞌi, a God e mani soikie oto i saana taꞌau i Lengi, oto omu ke lolodosae i sulie a Jisas, iini nge kie ko meni houleꞌinie uri ingeie oto naꞌohai Hurulaꞌaa nge ko tarohaꞌinie walana God hunikie, na ingeie oto Hahuꞌana Naꞌohai Pris ikie.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

1 Pita 5:1

Oto no ko sare unue ngaeta mei wala ni haꞌananaunge huniꞌomu mo naꞌohai mwane aana soihaadaꞌinge. Ineu ngaeta naꞌohai mwane aana soihaadaꞌinge noꞌone mala iꞌomu, na hule aana nou sai ere haꞌawalaimoliꞌaa uri Tataroha Diana i sulie a Kraes e toꞌohuu aana ineu maraaku nou leesie kaꞌu sapesalunge a Kraes. Na nou saie uri ineu noꞌone ne kei toꞌo aana manikuluꞌanga a God aana maholo a Kraes kei ooli loꞌu mei.

2 Pita 1:13

Aana no ko loꞌongaꞌi uri e lae oto i diana hunie ne ke haꞌa-haꞌa-aamasitoꞌoꞌomu aana walu ola ngeena maholo no ko meu-meuri ue, mwaanie omu pulongosiꞌi mola.

1 Jon 3:14

Kie manataꞌinie oto uri kie tahisie nanamanga aana maenga na uri kie toꞌo aana oto maurihe. Kie manataꞌinie leune aena aana kie manata diana hunie mo eesike. Taꞌe iini nge manata-diananga haꞌike aana, iini urine e iiꞌo susu ue i mamalutana maenga.