Pilipae 1:23 - Tataroha Diana

²³ E ro mei ola nge saeku ko eune i suliꞌi, uri ne ke mae mola hunie ne ke iiꞌo peꞌie a Kraes, aena aana tohungei leu diana nakue otona,

Pilipae 1:23 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 12:50

Nou manataꞌinie oto uri ne kei sapesalu oto hiitoꞌo hule aana maenga, na ne kei tolahiꞌe oto hiitoꞌo i sulie sapesalunge ngeena lae hule aana kei oa.

Tataroha Diana I Sulie A Jisas Kraes Nge A Luk E Uusue 23:43

Oto a Jisas ko teꞌuri hunie a mwaena, “No ko unue oto huniꞌo uri siꞌiri o kei iiꞌo peꞌieu i Lengi.”

Tataroha Diana I Sulie A Jisas Kraes Nge A Luk E Uusue 8:38

Oto mwane nge mo liꞌoa aaela e iisitaa mwaanie ngeena ko eitanaie a Jisas uri ke hakusie, taꞌe a Jisas e uusungeꞌi eelihoꞌi mola aana, na ko unue hunie uuri,

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

Tataroha Diana I Sulie A Jisas Kraes Nge A Jon E Uusue 13:1

Oto mola i naꞌona Houlaa Ni Liumwaanie, a Jisas e manataꞌinie uri e hule oto aana maholo hunie ke hoꞌalaꞌi mwaanie walumalau ie, na ke ooli i saana Aamana. A Jisas e manata diana oto tarau hunie mo iini ingeie nge kire ko lulu i sulie mai welumalau, na e hahuꞌei manata diana hunire lai hule oto aana ooretalana.

Tataroha Diana I Sulie A Jisas Kraes Nge A Jon E Uusue 14:3

Na i purine no ko lae i deu aakau aana nga leu talamiu, ne kei heꞌi ooli loꞌu mei, hunie uri omu ke iiꞌo peꞌieu aana leu ne kei iiꞌo aana.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

Palonga 7:59

Na maholo kire ko uuꞌi-uuꞌie ue a Stivin aani heu, a Stivin ko si soi peine hunie Aalaha, ko teꞌuri, “Jisas, Aalaha ineu, o ke tola konie mangoku.”

2 Korinit 5:8

Oto kie kaꞌa maꞌu ike, taꞌe kie loꞌongaꞌi meꞌutaꞌa mola uri e lae oto i diana liutaa huni toliꞌaasie mola mei sape ni welumalau ngeena, na hunie kie ke lai iiꞌo aana tohungei henue ikie i saana a Aalaha.

2 Korinit 6:12

Iꞌemeelu maraameelu melu kaꞌa rohu ike aani manata-diananga huniꞌomu, taꞌe iꞌomu maraamiu mola omu kaꞌa haataꞌinie ike manata-diananga iꞌomu huniꞌemeelu.

Pilipae 1:24

taꞌe e diana noꞌone uri ne ke suꞌuri mae kaꞌu, hunie uri ne ke peꞌiꞌomu.

1 Tesalonaeka 2:1

Maeni eesiku maaꞌi, omu manataꞌinie oto noꞌone, uri laenga iꞌemeelu weu i seemiu ngeena e kaꞌa totowai ike mola, taꞌe nga tohungei mei ola diana e maau taane mai mwaanie laenga ngeena.

1 Tesalonaeka 2:13

Melu ko lae peꞌi paalahea God oto liutaa haahie maholo melu lae mai haꞌarongoꞌomu aana walana God, omu rongo peꞌi hiiwalaimolinge aana uri walana God toꞌohuu na e kaꞌa walana ike mola iinoni. Na walana God ngeena ko esu taane oto i lalo aamiu mo iini omu hiiwalaimoli aana.

1 Tesalonaeka 4:17

Oto purihaꞌana, a God ke si tarakonikie mo iini nge kie mauri ue aana maholona peꞌire taꞌau i laona mei uuru huni lae honosie Aalaha taꞌau i Lengi. Na kie ke si iiꞌo huu oto peꞌie Aalaha ikie.

2 Timoti 4:6

Oto aana ineu maraaku, o saie taane uri mauringe ineu nou niie kaꞌu oto i naꞌo mala uuraaꞌinge hunie a God, na oto ie e hule oto aana leu ooreta, aana e hule oto aana maholo ineu huni mae.

Haataꞌinge 14:13

Oto nou rongoa loꞌu mei wala uure mwaanie i Lengi ko teꞌuri, “O ke uusue uri aehota siꞌiri pwau weu, mo iini nge kire mae i lalo aana Aalaha kire deidehie oto liutaa.” Na a Liꞌoa e teꞌuri, “Iau, e toꞌohuu oto. Kire kei ile-ilenimwaꞌe mola maholo kire kei mamalo oto taꞌau i Lengi mwaanie mo esunge e aasa ikire, aena aana waaitada haahie mo esunge diana kire asuiꞌi ngeena e iiꞌo aakau oto hunire.”