Pilipae 1:20 - Tataroha Diana

²⁰ Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

Pilipae 1:20 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 21:19

A Jisas e ere urine huni haataꞌinie uri kire kei horo maesie a Pita uri taa, na uri maenga ngeena kei tohungei haꞌamanikuluꞌaa oto a God. Oto a Jisas e ere mango urine, ko si teꞌuri hunie, “O ke lulu i sulieu mola.”

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Palonga 21:13

Taꞌe a Pol e teꞌuri mola, “?E ue ni omu ko ngarasieu na omu ko haꞌasaehuuꞌaau urine? Nou deu aakau taane mola hunie hoꞌosileku ke lae urine, na nou deu aakau mola huni mae i Jerusalem mala uri mei ola ienini kei haꞌamanikuluꞌaa satana Jisas Aalaha ikie.”

Palonga 4:31

Maholo kire aarengaꞌi mango, nge nume kire loko i laona ko si eenu-eenuleꞌi heiliu, na kire si honu oto aana Liꞌoa Maaꞌi. Oto purihaꞌana kire ko si tohungei aꞌailaꞌa loꞌu liutaa ni houleꞌinie walana God.

Uusu-uusu A Pol Hurula'aa Hunie Mo Rom 12:1

Oto aena urinena, maeni eesiku maaꞌi, aena aana mei sae ni aamasinge a God hunikie, no ko eitanaiꞌomu hunie omu ke niiꞌomu maraamiu mala nga uunu-olanga e mauri hunie a God aani niilana sapemiu suli dinge huni esuie mo esunge e oodo i maana God. Mala maurihaꞌamiu ke urine, nge omu kei urihana nga uunu-olanga e maaꞌi na a God e sai ilenimwaꞌe haahie. Taꞌa-taꞌa tohungei tala hunikie mo iinoni kie ke palo-paloa God aana ni otona.

Uusu-uusu A Pol Hurula'aa Hunie Mo Rom 5:5

Na norutoꞌonga ikie ngeena e saꞌa da ike hunie kie ke talei maa-maaꞌoohi mola mwaakule. Aana a God e haataꞌinie oto manata-diananga ingeie hunikie aana e uusungeꞌinie mai Liꞌoa Maaꞌi hunikie.

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

Uusu-uusu A Pol Hurula'aa Hunie Mo Rom 6:19

No ko unu haꞌamalaa aana mo koni-konihe na mo poro paine urine, aena aana omu meni saie oto tolahada na e mwadaꞌu mola hunie omu kei rongo saie neꞌisaenga nge no ko haꞌa-uusuliꞌomu aana. Holaꞌinaꞌo, omu toliꞌaasie mola mo aapa aana sapemiu huni deu esunge mala koni-konihe nana oorahaꞌaa na tataꞌalanga, hunie aaelanga ke paine loꞌu liutaa. Taꞌe maholo ienini ke suꞌuri urine loꞌu. Omu ke toliꞌaasie oto mo aapa aana sapemiu mola huni deu esunge mala koni-konihe nana God huni esuie mo ola e oodo, hunie omu ke iiꞌo maaꞌi.

Uusu-uusu A Pol Hurula'aa Hunie Mo Rom 8:19

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.

Uusu-uusu A Pol Hurula'aa Hunie Mo Rom 9:33

A God e ere i sulie maenga a Kraes i laona mo Uusu-uusu Maaꞌi uuri, !Omu ke rongo kaꞌu! No ko haꞌa-uuresie nga iini i Jerusalem nge e urihana hau ni haꞌatataro, na kei da mwala kei dou-domu. Taꞌe nga iini nge ko hiiwalaimoli aana, e saꞌa roroꞌa norudile ike. Aesaea 8:14, 28:16

1 Korinit 15:31

Maeni eesiku, ineu nou iiꞌo ni maenga oto mola i suli dinge eena. !E toꞌohuu oto! E toꞌohuu oto mala mei wala nou unue kaꞌu aana nou toohaꞌiniꞌomu haahie iiꞌo-rurunge ikie peꞌie a Kraes Jisas, Aalaha ikie.

1 Korinit 6:20

aena aana a Kraes e pwani holiꞌomu oto aana holite oto paine. Oto walu ola omu ko esuiꞌi aana sapemiu, omu ke asuiꞌi hunie mwala ke soi haꞌamanikuluꞌaa a God haahiꞌi.

1 Korinit 7:34

na neꞌisaenga ingeie oto aana e ro mei ola. Taꞌe keni nge e kaꞌa toꞌo poro, ko tolahiꞌe mola aana asunge nana a Aalaha, aana ko sare niie oto mauringe ni sape na maurihaꞌai oto hunie a God. Taꞌe huꞌe nge e toꞌo poro, ko tolahiꞌe aana mo ola aana walumalau ie, aena aana ko sare da hunie poro ingeie ke ilenimwaꞌe.

2 Korinit 10:8

E lio mala uri no ko ere toohaꞌi oto i sulie nanamanga aana iiꞌo-iiꞌoha a Aalaha e niie hunieu, taꞌe aana ke urine na nou saꞌa masa ike huni ere i sulie, aena aana nanamanga ngeena ola huni haꞌamaꞌutaꞌaa hiiwalaimolinge iꞌomu, kaꞌa ola ike huni waeliꞌomu.

2 Korinit 3:12

Oto melu kaꞌa maꞌu ike huni tarohaꞌinie Tataroha Diana, aena aana melu norutoꞌo mola aana uri manikuluhaꞌana haiholotaꞌinge haalu a God ngeena e saꞌa aiꞌaa ike.

2 Korinit 4:10

Sapemeelu ko deu oodoie sapesalunge oto noꞌone tarau mala a Jisas e dau oodoie kaꞌu na hule aana e maesie oto. Taꞌe maꞌalana melu ko sapesalu urine, melu meuri taane mola ue, na aena leune ahutana mwala kire ko si lio saie uri a Jisas e mauri taane ue, aana ingeie oto ni ko lio i sulie sapemeelu.

2 Korinit 5:15

Na a Kraes e mae toꞌohuu huni peꞌie ahutana mo iinoni, uri hunie ahutaka mo iini kie toꞌo aana maurihe haalu kie ke suꞌuri lae loꞌu i sulie mo loꞌongaꞌinge ikie maraaka, taꞌe hunie kie ke lulu i sulie mola a Kraes, iini e mae kaꞌu na e taꞌelaꞌi eelihoꞌi loꞌu i tehulaꞌaka.

2 Korinit 7:14

Na mo ola nou ere toohaꞌiniꞌomu eeni i saana Taetas, nou kaꞌa masa ike aani, aana ahutana walu ola nge nou unu-unuꞌi i suliꞌomu kire mani toꞌohuu mango, mala ahutana walu ola nge nou unu-unuꞌi huniꞌomu kire mani toꞌohuu mango noꞌone.

2 Korinit 7:4

Suli maholo nou sai unu tahangaꞌinie mola saeku huniꞌomu, na no ko ere toohaꞌiniꞌomu mola tarau. Maꞌalana melu sapesalu aana mo ola oto hiitoꞌo, taꞌe mo maholo no ko loꞌongaꞌiniꞌomu, nge no ko si ilenimwaꞌe na saeku e susu oto.

Pilipae 1:14

Na loꞌu, iiꞌonga ineu i nume ni hoꞌo ie, e haꞌasusue mwala hunge aana mwala e hiiwalaimoli aana Kraes, uri hunie kire ke aꞌailaꞌa na mwaanie kire maꞌu huni laeliwala aana Tataroha Diana.

Pilipae 2:17

Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

1 Pita 4:16

Taꞌe mala uri nga iini ko sapesalu i tehulaꞌana ko lulu i sulie a Kraes, nge ke suꞌuri masa haahie leune, taꞌe ke paalahea mola a God aena aana mwala kire lio saie oto uri ingeie ngaeta iini a Kraes.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.