Pilipae 1:15 - Tataroha Diana

¹⁵ Siꞌue, ngaeta mo iini aada kire ko laeliwala i sulie a Kraes aena aana kire ko upwesieu, na kire ko sare paine liutaa aaku i laona soihaadaꞌinge.

Pilipae 1:15 ပူးပေါင်းရင်းမြစ်များ

Matiu 23:5

“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’

Palonga 10:36

Omu saie taane oto Tataroha Diana a God e uusungeꞌinie hunie mwala ni Israel uri ikie mo iinoni kie sai toꞌo aana hanuelamanga mola aena aana a Jisas Kraes, iini ko aalaha haahie walu ola.

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 5:42

Na kire ko haꞌa-uusulie mwala oto tarau i laona Nume Maaꞌi Peine na i laona mo nume ikire. Na kire ko lae peꞌi houleꞌinie Tataroha Diana i sulie a Jisas uri ingeie a Kraes, a Haꞌa-uuri nge a God e haiholotaꞌinie hunie ke uusungeꞌinie mai welumalau.

Palonga 8:35

Oto a Pilip ko aehota oto aana mei wala ngeena, na ko haꞌarongoa oto poro paine ngeena aana Tataroha Diana i sulie a Jisas Kraes.

Palonga 8:5

Na a Pilip e lae noꞌone hao aana ngaeta huilume i Samaria huni tarohaꞌinie a Kraes hunie mwala.

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

Uusu-uusu A Pol Hurula'aa Hunie Mo Rom 2:8

Taꞌe mwala nge saeda e aaela aana kire ko neꞌisae paine mola haahire maraada, na kire kaꞌa saetoꞌo aana ike walaimolinge, taꞌe kire ko lulu i sulie mola mo tolahai ola aaela, ikire ngeena nge a God kei tohungei saewasulire na kei haꞌaletehire oto hiitoꞌo.

1 Korinit 1:23

Taꞌe ienini mone melu ko laeliwala aana uri kire horo maesie a Kraes i lengine poꞌu-poꞌu. Mei ola oto hule aana mo Jiu na kire kaꞌa sasare rongoa ike, na mei ola ngeena kei neꞌi pweu-pweuaꞌanga mola hunie mo Aapoloa Aaopa.

1 Korinit 13:3

Maꞌalana uri ne ke nii mangoa loꞌu toꞌo-toꞌolaku huni peꞌie kira maitale, wa maꞌalana uri no ke toliꞌaasie loꞌu sapeku hunie mo maelonga ke aasieu i laona dunge, taꞌe manata-diananga e kaꞌa iiꞌo oto aaku, nge nou saꞌa tarie ike oto nga mei ola aani.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,

2 Korinit 11:13

Aana mwala urine, ikire nga mo hurulaꞌaa toꞌohuu haꞌike na asunge ikire mei ola toꞌohuu haꞌike noꞌone. Ikire mwala eero-eero na kire ko lupweꞌi deu mola mala uri ikire mo hurulaꞌaa maaꞌi a Kraes.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

Kalesia 2:4

Melu ere i sulie leune mola aena aana ngaeta mo iini kire lae kaꞌu mei i laona pulitaa iꞌemeelu mala mo wao-wao. Kire eeroꞌemeelu uri ikire mo eesimeelu i lalo aana Kraes, taꞌe haꞌike. Kire lae mola mai huni haitale mumuni mola aana tolahaka, mo iini kie lado oto peꞌie a Jisas na kie iiꞌo luhetaꞌi oto mwaanie mo Haꞌatolanga i naꞌo. Kire dau mala mo wao-wao urine aena aana kire ko sare da mola uri kie ke iiꞌo ni hoꞌo loꞌu i sulie mo Haꞌatolanga a Mosis.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

1 Timoti 3:16

Kie ko unu haꞌa-oaie uri mo haꞌa-uusulinge nge a God e haataꞌiniꞌi oto aaka kire toꞌohuu taꞌingelu, na kie ko kana i sulie walaimolinge ngeena uuri. Nou hiiwalaimoli aana iini nge e neꞌi iinoni, e haataꞌi hunikie, a Liꞌoa Maaꞌi e haataꞌinie uri e oodotaꞌi. Mo ensel kire leesie, houleꞌinilana e lae hunie mo Aapoloa Aaopa. Ahutana walumalau e hiiwalaimoli aana, tahelaꞌinilana e lae oto taꞌau i Lengi.