Pilipae 1:14 - Tataroha Diana

¹⁴ Na loꞌu, iiꞌonga ineu i nume ni hoꞌo ie, e haꞌasusue mwala hunge aana mwala e hiiwalaimoli aana Kraes, uri hunie kire ke aꞌailaꞌa na mwaanie kire maꞌu huni laeliwala aana Tataroha Diana.

Pilipae 1:14 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 3:3

Oto a Jisas ko teꞌuri hunie mwane kiꞌine e heko ngeena, “O ke uure kaꞌu i naꞌona mwala.”

Tataroha Diana I Sulie A Jisas Kraes Nge A Luk E Uusue 1:74

Aana e haiholotaꞌi uri kei haꞌa-uurikie mwaanie mo maelonga ikie, mwaanie kie maꞌuteꞌinire. Taꞌe kie ke asu mamanutoꞌo mola nana,

2 Korinit 3:12

Oto melu kaꞌa maꞌu ike huni tarohaꞌinie Tataroha Diana, aena aana melu norutoꞌo mola aana uri manikuluhaꞌana haiholotaꞌinge haalu a God ngeena e saꞌa aiꞌaa ike.

2 Korinit 7:4

Suli maholo nou sai unu tahangaꞌinie mola saeku huniꞌomu, na no ko ere toohaꞌiniꞌomu mola tarau. Maꞌalana melu sapesalu aana mo ola oto hiitoꞌo, taꞌe mo maholo no ko loꞌongaꞌiniꞌomu, nge no ko si ilenimwaꞌe na saeku e susu oto.

Epesas 3:13

Oto no ko sare ere haꞌasusuꞌomu mola mwaanie omu aakohe aana maholo omu ko leesie uri no ko sapesalu haahiꞌomu, aana no ko esuie urine uri hunie omu ke iiꞌo ni menikuluꞌe taꞌau i Lengi ni ngeena.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

Pilipae 1:7

Loꞌongaꞌinge ineu eemiu e paine liutaa. Na e malisine oto noꞌone ne ke hii urine aamiu, aena aana omu ko peꞌieu aana asunge nge a God e niie hunieu. Asunge ngeena huni haataꞌinie Tataroha Diana uri mei ola toꞌohuu hunie mwala ke CAF - hiiwalaimoli aana. Na omu ko peꞌieu suli maholo, uure oto mai na nou kaꞌa lae ue i nume ni hoꞌo, lai hule aana ineu oto i nume ni hoꞌo siꞌiri ie.

Pilipae 4:1

Maeni eesiku maaꞌi, nou manata diana huniꞌomu toꞌohuu, na saeku uri ne ke tohungei lae kaꞌu mei leesiꞌomu. Iꞌomu oto domana rorodara manikuluꞌe nakue, na no ko tohungei ilenimwaꞌe hiitoꞌo haahiꞌomu. Oto aena aana walu ola urine, maeni eesiku maaꞌi, nge omu ke iiꞌo susu mola peꞌie hiiwalaimolinge aana a Aalaha.

Kolosi 4:4

Oto omu ke aarengaꞌi talaku uri hunie ne ke unu tahangaꞌinie aana mo wala kire malisi hunie ne ke tohungei haataꞌi diana aana hunie mwala.

Kolosi 4:7

Maholo a Tikikas kei hule i seemiu, ingeie ke si haꞌarongoꞌomu taane loꞌu aana nga moi taa ko reu eeku aana maholo ienini. Ingeie ngaeta malahuku diana na ko tohungei peꞌi diana aaku aana asunge ienini nana Aalaha ikie.

1 Tesalonaeka 2:2

Omu saie taane uri i naꞌona melu lae mai seemiu i Tesalonaeka, mwala e tohungei teungeꞌiniꞌemeelu na kire ere aaelasiꞌemeelu oto hiitoꞌo wau i Pilipae. Taꞌe maꞌalana mwala hunge kire sare uure honosiꞌemeelu, a God ikie e peꞌi diana aameelu taane mola huni aatopuri aana maꞌunge na huni haꞌarongoꞌomu aana Tataroha Diana a God.

2 Timoti 2:9

Na i tehulaꞌana Tataroha Diana ngeena mola nge hoꞌosileku e lae aani iieliheu ie. Taꞌe haꞌa-uusulinge a God nga walo hoꞌo-hoꞌo haꞌike aana.