Pilimon 1:22 - Tataroha Diana

²² Ngaeta leu loꞌu, nou saetoꞌo aana o ke dau aakau aana nga leu talaku i nume iꞌoe, sulie nou norutoꞌo aana uri a God kei rongo mola hunie mo aarengaꞌinge iꞌomu hunie ne ke lae wau i seemiu.

Pilimon 1:22 ပူးပေါင်းရင်းမြစ်များ

Palonga 27:24

oto ko teꞌuri, ‘Suꞌuri meꞌu Pol. O kei haro lai uure i naona Inemauri Peine ni Rom. Na aana a God e rongo hunie aarengaꞌinge iꞌoe, oto ke si haꞌa-uurie ahutana mwala nge kire ko lae peꞌiꞌo ngeena.’

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Uusu-uusu A Pol Hurula'aa Hunie Mo Rom 15:24

nge nou neꞌisae mouteꞌi oto ie huni lae wau i seemiu. Nou loꞌo-loꞌongaꞌi uri aana maholo ne kei lae wau hunie poꞌo ni henue i Spen, ne ke holaꞌi liu weu i seemiu hunie nga kele maholo, aana nou saetoꞌo aana uri omu ke si peꞌieu aana laenga ineu hunie i Spen.

2 Korinit 1:11

Na omu sai peꞌiꞌemeelu noꞌone aani aarengaꞌinge talameelu. Urine mwala oto hunge ke si paalahea a God, aena aana kire kei meni leesie uri a God e sai rongo hunie aarengaꞌinge mo iini hunge na e sai haꞌadianaꞌaꞌemeelu i tehulaꞌana mo aarengaꞌinge ikire ngeena.

Pilipae 1:19

aena aana nou saie uri, mwaanie aarengaꞌinge iꞌomu talaku na mwaanie peꞌinge aana Liꞌoa Maaꞌi a Jisas Kraes, a God kei luhesieu taane mwaanie nume ni hoꞌo ie.

Pilipae 2:24

Na nou hiiwalaimoli uri e saꞌa tewa taane na a Aalaha ikie kei peꞌieu hunie ineu maraaku ne ke hule wau i seemiu.

Hibru 13:19

Na no ko eitanaiꞌomu oto liutaa uri omu ke aarea God talaku hunie ke uusungeꞌinieu loꞌu weu i seemiu lau-leu.

Hibru 13:23

Na saeku uri omu ke saie uri aasikaelu a Timoti kire haꞌa-iisitaangaꞌinie oto mwaanie nume ni hoꞌo. Na mala uri ko hule aaku lau-leu, nge mere kei meni lae oto wau huni leesiꞌomu.

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

2 Jon 1:12

Mo ola hunge taane huni haꞌarongoꞌomu eeni, taꞌe nou kaꞌa sare ere ike aani uusu-uusunge. Taꞌe nou norutoꞌo mola aana uri nga maholo ne kei haro lae wau huni leesiꞌomu na huni ere peꞌiꞌomu maraaku, hunie uri ilenimwaꞌenga ikolu ke paine.

3 Jon 1:14

aana nou norutoꞌo mola uri karaꞌinie oto ne kei leesiꞌo, na maholona kure ke si meni ere-ere loꞌu.