Pilimon 1:19 - Tataroha Diana

¹⁹ Ineu a Pol nge no ko uusue uusu-uusu ienini weu huniꞌo maraaku huni haꞌawalaimoliꞌaa uri ineu nge ne ke si suꞌue oolisie a Onesimas nga mei ola urine. Taꞌe nou saie o kaꞌa pupulongosie ike mei meu-meuringe haalu nge o toolea noꞌone i tehulaꞌaku.

Pilimon 1:19 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 16:22

Ineu a Tetias, iini nou uusue nga taa a Pol e unue hunie ne ke uusue i laona uusu-uusu ienini, ineu noꞌone no ko hiiwalaimoli aana Kraes na no ko niie noꞌone wau mei wala ni saediananga huniꞌomu.

1 Korinit 4:15

Maꞌalana uri omu ke toꞌo aana loꞌu nga mo iini hunge huni haꞌa-uusuliꞌomu aana tolahana a Kraes, taꞌe omu ke suꞌuri pulongosie uri ineu oto taꞌa-taꞌa aamamiu. Aana ineu oto nou tooleꞌomu mei i saana a Kraes maholo nou laeliwala aana tataroha diana namiu.

2 Korinit 10:1

Oto ineu a Pol maraaku no ko eitanaiꞌomu hunie uri omu ke rongo hunieu. Nou rongoa uri ngaeta mo iini eemiu kire ko unue uri nou sai ere hiitoꞌo huniꞌomu mola aani uusu-uusu maholo nou iiꞌo haꞌatauliꞌomu, taꞌe no ko meꞌu ni ere urine maholo nou iiꞌo peꞌiꞌomu. !Haꞌike! Taꞌe no ko heimaanie tolahana a Kraes aana ingeie e saemamae na e lai maneko

2 Korinit 3:2

?Mei ola urine huni taa? Aana mauringe iꞌomu oto domana uusu-uusu huni unu haadaꞌi aana uri iꞌemeelu mo tohungei koni-konihe a God. Ahutana mwala kire ko leesie uri tolahamiu e hai-oolisi diana oto, na i leune kire si lio saie asunge diana iꞌemeelu.

2 Korinit 9:4

Aana mala uri nga mo iini aana mwala mai Masedonia kei lae hao i seemiu peꞌieu, na kire kei lio oodoie mola uri omu kaꞌa dau aakau mala nou unuena, nge ne kei tohungei masa aana nou norutoꞌo mone oto aamiu. Na iꞌomu noꞌone, omu kei masa oto hiitoꞌo.

Kalesia 5:2

Ineu a Pol no ko unue oto huniꞌomu, mala uri omu kei ooli takoie mo Haꞌatolanga aana omu toliꞌaasiꞌomu maraamiu hunie torihesiꞌonga, a Kraes e saꞌa peꞌiꞌomu oto eena.

Kalesia 6:11

Leesie kaꞌu mo uusu-uusu peine no ko esuiꞌi ie aana no ko uusu-uusu huniꞌomu oto aana kiꞌiku maraaku.

1 Timoti 1:2

No ko uusue oto ie huniꞌo kaleku Timoti, aana iꞌoe oto mwela maaꞌi ineu aani hiiwalaimolinge. No ko eitanaie a God Aamaka na Aalaha ikie a Kraes Jisas, uri hahuꞌana manata-diananga, na aamasinge, na hanuelamanga ingeie ke iiꞌo peꞌiꞌo.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Pilimon 1:18

Na mala uri e asuie nga mei ola aaela takoiꞌo wa e toolea nga mei ola mwaaniꞌo, nge o ke toliꞌaasie hunieu, na ineu ne ke si suꞌue huniꞌo.