Palonga 8:39 - Tataroha Diana

³⁹ Oto mola aana kele maholoi sato kirerue ko uulutaa poi mwaanie wai, Liꞌoa a Aalaha e lae mai toolea a Pilip oto mwaanie leune. Na poro paine ngeena e kaꞌa leesie ike loꞌu a Pilip, taꞌe ko heꞌi lae loꞌu i sulie laenga ingeie peꞌie ilenimwaꞌenga.

Palonga 8:39 ပူးပေါင်းရင်းမြစ်များ

Matiu 13:44

Oto a Jisas ko heꞌi unue loꞌu ngaeta mei aalahuunge hunire uuri, “Aalahanga a God e urihana mwaꞌii toꞌoha mumunilana e lae kaꞌu i laona mei aano. Oto nga mwane e lai lio oodoie, oto ko neꞌi eelihoꞌi aana hunie ke iiꞌo mumuni. A mwaena ko tohungei neꞌisae paine mone aana mwaꞌii toꞌoha ngeena, oto hule aana e ilenimwaꞌe mola huni toliꞌaasie ahutana toꞌo-toꞌolana i tehulaꞌana. Oto e si lai haꞌaholingeꞌinie toꞌo-toꞌolana, na ko eelihoꞌi loꞌu huni holie mei aano ngeena peꞌie mwaꞌii toꞌoha nge e lai lio oodoie.

Matiu 3:16

Maholo a Jon e loto maaꞌi mango aana a Jisas, a Jisas e si lae poi uure i reune wai, na i Lengi ko taha oto, na ko leesie oto Liꞌoa a God ko siho mai mala hiroikuu, na ko lae mai ooꞌa oto i lengine a Jisas.

Tataroha Diana I Sulie A Jisas Kraes Nge A Mak E Uusue 1:10

Aana maholo a Jisas e taꞌelaꞌi poi mwaanie wai, e lio na ko leesie taꞌau i Lengi e taha, na Liꞌoa Maaꞌi ko siho oto i lengine mala hiroikuu.

Palonga 13:52

Taꞌe mo iini haalu kire hiiwalaimoli i Antiok kire ko tohungei ilenimwaꞌe na kire ko aꞌailaꞌa loꞌu aana Liꞌoa Maaꞌi.

Palonga 16:34

E toolea a Pol na Saelas wau i nume ingeie, ko si nii ngeulaa adarue. Na ahutana mwala aana nume ingeie kire ko ilenimwaꞌe oto aana kire mani hiiwalaimoli aana a God.

Palonga 8:29

Oto Liꞌoa Maaꞌi ko teꞌuri hunie a Pilip, “O ke lae i hekusie mwane aana taetahe waune.”

Palonga 8:38

Oto poro paine ngeena ko unue hunie mwane nge ko toolea taetahe hunie ke mamalo. Oto a Pilip na poro paine ngeena kirerue siho hao i laona wai, na a Pilip ko loto maaꞌi oto aana poro paine ngeena.

Palonga 8:8

Oto mwala oto hunge aana huilume paine ngeena kire ko tohungei ilenimwaꞌe.

Uusu-uusu A Pol Hurula'aa Hunie Mo Rom 5:2

aana ingeie mone e si da kie ko saie hahuꞌana manata-diananga a God nge kie iiꞌo i lalo aana siꞌiri. Na kie ko tohungei ilenimwaꞌe oto aana kie norutoꞌo mola uri kie kei iiꞌo ruru peꞌie a God aana manikuluhaꞌana.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

Pilipae 4:4

Omu ke ile-ilenimwaꞌe tarau haahie a Aalaha. Na no ko heꞌi unue loꞌu uri omu ke ile-ilenimwaꞌe.

Jemes 4:16

Taꞌe ie omu ko haꞌapainaꞌaꞌomu mola maraamiu, na omu ko si ere toohaꞌiniꞌomu mola. Na mo toohaꞌinge urine e tohungei aaela.