Palonga 8:35 - Tataroha Diana

³⁵ Oto a Pilip ko aehota oto aana mei wala ngeena, na ko haꞌarongoa oto poro paine ngeena aana Tataroha Diana i sulie a Jisas Kraes.

Palonga 8:35 ပူးပေါင်းရင်းမြစ်များ

Matiu 5:2

Oto a Jisas ko aehota haꞌa-uusulire oto uuri:

Tataroha Diana I Sulie A Jisas Kraes Nge A Luk E Uusue 24:27

Oto a Jisas ko aehota luhesie hunirerue mo ola uusuleni e lae i sulie maraana i laona mo Haꞌatolanga a Mosis lae hule aana mo Uusu-uusu Maaꞌi mo propet.

Palonga 10:34

Oto a Pita ko si aehotaa ere na ko teꞌuri, “E tohungei toꞌohuu oto, maholo ienini nou si lio saie oto uri a God e kaꞌa saehaahie ike mola nga mo iini.

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 17:18

I Atens mo pulitaa oto hunge mala mo Epikiurian na mo Stoek kire ko ere-ere oto hiitoꞌo i sulie nga taa e tohungei roroꞌa hunie maurihaꞌana iinoni. Oto ngaeta mo haꞌa-uusuli aana e ro pulitaa ngeena kire rongoa ere-erenga a Pol, oto kire ko teꞌuri, “?Nga taa ni e rongo mala wisi ko nore-nore ngeena? ?Nga taa ni a mwaena ko sare unuena?” Na ngaeta mo iini ko teꞌuri, “Ohe ko ere i sulie ngaeta god aana mo poꞌo ni henue hai aaopaꞌi ni ngeena.” Kire ko ere urine aena aana a Pol ko tarohaꞌinie Tataroha Diana i sulie a Jisas na taꞌelaꞌinge ingeie mwaanie maenga.

Palonga 18:28

E tohungei peꞌire hiitoꞌo sulie e ere raramaa hunie mo Jiu i maana mwala, na ko haataꞌi diana aana mo leu nge loꞌongaꞌinge ikire e lae takalo. Na ko lado luhesie loꞌu mo wala i laona Uusu-uusu Maaꞌi huni haataꞌinie uri a Jisas oto a Kraes, a Haꞌa-uuri nge a God e haiholotaꞌi huni uusungeꞌinie mai.

Palonga 19:13

Na ngaeta mo mwane ni Jiu kire ko lae hailiu noꞌone huni oohe aasie mo liꞌoa aaela mwaanie mwala. Ngaeta mo iini aada, e hiu mwane kalena Seva, nga naꞌohai pris. Oto ikire noꞌone kire ko sare oohea mo liꞌoa aaela aana satana Jisas Aalaha ikie. Na kire ko teꞌuri, “Aana satana Jisas nge a Pol ko lae peꞌi tarohaꞌinie, o ke iisitaa.”

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 3:20

Mala uri omu kei teꞌurine, nge Aalaha ikie kei haꞌa-aꞌailaꞌaa maurihaꞌamiu na kei uusungeꞌinie loꞌu mei Kraes ngeena huniꞌomu, na ingeie oto a Jisas, iini nge a God e lio hilisie oto wau i naꞌo.

Palonga 5:42

Na kire ko haꞌa-uusulie mwala oto tarau i laona Nume Maaꞌi Peine na i laona mo nume ikire. Na kire ko lae peꞌi houleꞌinie Tataroha Diana i sulie a Jisas uri ingeie a Kraes, a Haꞌa-uuri nge a God e haiholotaꞌinie hunie ke uusungeꞌinie mai welumalau.

Palonga 8:34

Oto poro paine ngeena ko dolosi aana a Pilip uuri, “O ke unue kaꞌu oodoieu. ?A tei ni propet ngeena e ere i sulie? ?Uri e ere i sulie maraana, wa e ere taane i sulie nga mwane aaopa?”

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

1 Korinit 1:23

Taꞌe ienini mone melu ko laeliwala aana uri kire horo maesie a Kraes i lengine poꞌu-poꞌu. Mei ola oto hule aana mo Jiu na kire kaꞌa sasare rongoa ike, na mei ola ngeena kei neꞌi pweu-pweuaꞌanga mola hunie mo Aapoloa Aaopa.

1 Korinit 2:2

Aena aana maholo nou oꞌoꞌo peꞌiꞌomu, nou neꞌisae mouteꞌi uri nou saꞌa ere-ere ike loꞌu aana nga mei ola aaopa, taꞌe nou neꞌi-neꞌisae oto mola aana a Jisas Kraes na maenga ingeie i lengine poꞌu-poꞌu.

2 Korinit 6:11

Maeni eesiku maaꞌi, ahutana walu ola melu unu mangoꞌi oto huniꞌomu mo Korinit, na melu kaꞌa mumunie ike loꞌu nga mei ola mwaaniꞌomu. Na melu haataꞌinie oto uri melu tohungei manata diana huniꞌomu toꞌohuu aana ahutana saemeelu.

Epesas 4:21

A Jisas oto walaimolinge, na omu rongo diana aana oto mo laladonga i sulie, na haꞌananaulemiu e lae oto aana mo ola toꞌohuu i sulie.