Palonga 8:23 - Tataroha Diana

²³ Aana nou lio saie oto heotaꞌinge e paine aamu na oorahaꞌaa e hele roroꞌiꞌo.”

Palonga 8:23 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 8:34

Oto e aalamire uuri, “No ko unue oto toꞌohuu huniꞌomu uri nga iini nge ko oora-oorahaꞌaa, ingeie ngeena ko esu ni hoꞌo oto aana oorahaꞌaa eena.

Epesas 4:31

Omu ke toliꞌaasie taꞌe-taꞌena nga tolahai ola ni loohaꞌi roroꞌanga, na ni ngiduupunge, na ni saewasunge. Na omu ke toliꞌaasie taꞌena nga teanga aaela, na ni eeronga huni waelie nga iini, na omu ke toliꞌaasie noꞌone taꞌena nga mei hiinge huni waelie ngaeta iinoni.

Taetas 3:3

Aana tolahaka ke aaopa oto mwaanie tolahaka wau i naꞌo. Holaꞌinaꞌo kie pweu-pweuaꞌa noꞌone mola mala mo puꞌo, na kie haitohe oto mola tarau. Pwelolaka e si lae mola aana kie hari hunie mola taꞌena nga ola aaela nge kie loꞌongaꞌinie uri kie kei iiꞌo oto mola peꞌie ilenimwaꞌenga haahiꞌi. Kie tola i sulie mola mo saehanalinge ikie tarau, oto kie ko haꞌaweokie mola mwaakule na kie kaꞌa tarie ike nga mei ola diana aani. Kie iiꞌo oto mola peꞌie heotaꞌinge na asuilana taꞌena nga tolahai ola tataꞌala. Na kie iiꞌo oto mola peꞌie liongai maanga hunikie hailiu.

Hibru 12:15

Omu ke lio talamiu mwaanie nga iini eemiu e oore aani hele aana hahuꞌana manata-diananga a God e haataꞌinie oto naka. Na mwaanie omu aehota huni loo-loohaꞌinie loꞌu aaelanga, aana tolahai ola urine e sai waelie mwala oto hunge.

2 Pita 2:19

Mo haꞌa-uusuli eero-eero ngeena, kire ko heiholotaꞌinie hunie mwala uri kire kei iiꞌo luhetaꞌi mola mwaanie iiꞌonga i mamalutana nga iini. Taꞌe eeronga paine mola ni ngeena, aena aana ikire maraada na kire iiꞌo mola i mamalutana oorahaꞌaa. Na e toꞌohuu oto aana mala uri nga mei ola ko aꞌailaꞌasie nga iini, nge iinoni ngeena e neꞌi koni-konihe oto nana mei olana.

2 Pita 2:4

Na kie mani saie oto uri maholo mo ensel kire oorahaꞌaa kaꞌu waite, a God e haꞌaloire aana e pwasure aani iieliheu, na e oohe aasire i laona leu ni haꞌamotaahinge nge e tohungei rodohono oto hiitoꞌo. Na kire kei iiꞌo i leune lae-lae hule aana Dinge Ni Leinge aana maholo ooreta.