Palonga 7:25 - Tataroha Diana

²⁵ A Mosis ko loꞌongaꞌi uri mwala ingeie ni Israel kire kei lio saie uri a God e uusungeꞌinie huni luhesire oto mwaanie iiꞌonga ni hoꞌo, taꞌe kire kaꞌa lio saie ike.

Palonga 7:25 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 9:32

Mo pwaarongoisuli kire kaꞌa sai diana aana ike nga taa loꞌongaꞌinge aana haꞌa-uusulinge ingeie, taꞌe kire ko meꞌu mola huni dolosi loꞌu aana.

Tataroha Diana I Sulie A Jisas Kraes Nge A Luk E Uusue 18:34

Taꞌe mo pwaarongoisuli kire kaꞌa rongo saie ike nga mei ola aana mo olana. Loꞌongaꞌinge aani e iiꞌo mumuni mwaanire, oto kire kaꞌa saie ike nga taa a Jisas ko ere i sulie.

Tataroha Diana I Sulie A Jisas Kraes Nge A Luk E Uusue 9:45

Taꞌe mo pwaarongoisuli ko teipuꞌo-puꞌo mola aana nga taa nge a Jisas e ere urine hunire aana. A God e mumunie loꞌongaꞌinge aana mo wala ienini mwaanire, mwaanie kire rongo saiꞌi. Oto aana maholona, ikire na kire ko meꞌu loꞌu mola huni dolosi aana a Jisas, uri nga taa loꞌongaꞌinge aana erenga ingeie.

Palonga 14:27

Oto maholo kirerue hule loꞌu i Antiok kire si lokoa ahutana mo iini aana soihaadaꞌinge. Na kire ladoa ahutana walu ola nge a God e asuiꞌi hunirerue, aana e tahanie ngaeta maa aana hiiwalaimolinge hunie mo Aapoloa Aaopa ke sili noꞌone mai i sulie.

Palonga 15:4

Maholo a Pol na Banabas kire lai hule taꞌau i Jerusalem mo hurulaꞌaa na mo rato aana soihaadaꞌinge, na ahutana soihaadaꞌinge kire tohungei tola konirerue. Oto a Pol na Banabas kire ko unu tahangaꞌinie hunie mwala walu ola nge a God e asuiꞌi hunirerue aana asunge ikirerue.

Palonga 15:7

Na purine kire ere hiitoꞌo oto i sulie, a Pita e uure i lengi, oto ko teꞌuri, “Maeni eesiku maaꞌi, omu meni saie oto uri a God e lio hilisieu oto wau i naꞌo mwaanie pulitaa ikolu hunie ineu ne ke holaꞌi laengaꞌinie Tataroha Diana hunie mo Aapoloa Aaopa hunie ikire noꞌone kire ke hiiwalaimoli aana Jisas.

Palonga 21:19

A Pol e unue saediananga ingeie hunire, e si ladoa ahutana mo ola nge a God e pwaoꞌi i matolana mo Aapoloa Aaopa aana asunge ingeie.

Palonga 7:24

Na aana maholona ko leesie ngaeta mwane ni Ijip ko tohungei horo aaelasie oto nga mwane ni Israel. Oto ko si peꞌie mwane ingeie ni Israel ngeena na ko horo maesie oto mwane ni Ijip.

Palonga 7:26

Oto aana dinge i puri, a Mosis ko leesie loꞌu e ro mwane ni Israel ko heiseuni. Oto ko sare oopararue, oto ko teꞌuri, ‘!Mwae! ?Iꞌomoreꞌi e ro mwane ni Israel mola ni ngeena, oto more ko heiseuni huni taa?’

Uusu-uusu A Pol Hurula'aa Hunie Mo Rom 15:18

Taꞌe nou saꞌa ere toohaꞌinieu ike haahie nga mei ola loꞌu. Ne kei ere toohaꞌinie mola a Kraes na e haꞌananamaꞌaa walaku na asunge ineu hunie ne ke naꞌona mo Aapoloa Aaopa huni lulu i sulie a God.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

1 Korinit 3:9

Aana iꞌemereꞌi e ro mwane nge mere ko esu tararuru nana a God, na iꞌomu oto domana hohola ingeie. Na iꞌomu domana oto noꞌone nume a God.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Kolosi 1:29

Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.