Palonga 6:9 - Tataroha Diana

⁹ Taꞌe ngaeta mo mwane ni Jiu kire ko leledie mola a Stivin. Mo mwane ngeena kire uure mwaanie mo huilume haꞌatau i Saerin na i Aleksandria na e ro poꞌo ni henue i Silisia na i Esia. Na kire mani sai loko aana nume ni palo-palo mo Jiu nge kire haaraꞌinie aana Nume Ni Palo-palo Mwala Kire Iiꞌo Luhetaꞌi Loꞌu. Oto mo mwane ngeena kire ko aehota haꞌa-ere oto peꞌie a Stivin,

Palonga 6:9 ပူးပေါင်းရင်းမြစ်များ

Matiu 10:17

Na loꞌu, omu ke lio talamiu aana mo iinoni, aena aana kire kei tooleꞌomu i laona leinge, na kire kei repusiꞌomu i laona mo nume ni palo-palo.

Matiu 23:34

Oto no ko unue huniꞌomu uri, ne kei uusungeꞌinie huniꞌomu nga mo propet, na mwala saenanau, na nga mo haꞌa-uusuli. Taꞌe omu kei horo maesie ngaeta mo iini aada, nga mo iini omu kei repu taalengasire i lengine mo poꞌu-poꞌu, na nga mo iini omu kei repu lae-laeꞌi aada i laona mo nume ni palo-palo iꞌomu, na omu kei teungeꞌinire hailiu i suli henue.

Matiu 27:32

Maholo kire ko iisitaa taꞌau mwaanie huilume peꞌie a Jisas, na kire ko oodoie ngaeta mwane uure mwaanie huilume paine i Saerin, satana a Saemon. Oto mo ramo ngeena kire ko deu rarahie oto uri ke aangaꞌinie poꞌu-poꞌu mwaanie a Jisas.

Tataroha Diana I Sulie A Jisas Kraes Nge A Mak E Uusue 13:9

“Oto omu ke lio talamiu aena aana mwala kei tooleꞌomu i laona leinge, na kire kei repusiꞌomu noꞌone i laona mo nume ni palo-palo, aena aana omu ko lulu i sulieu. Na kire kei tooleꞌomu i naꞌona mwala paine na mo inemauri haahie asunge ineu, hunie kire kei leiꞌomu. Aana maholo walu olana kei reu uurini, maholo iꞌomu otona huni unu diana aana Tataroha Diana hunire.

Tataroha Diana I Sulie A Jisas Kraes Nge A Luk E Uusue 21:12

“Taꞌe i naꞌona walu ola ienini ke si reu, mwala kei tapoliꞌomu na kire kei teungeꞌiniꞌomu. Kire kei tooleꞌomu i laona mo nume ni palo-palo hunie mo mwane paine kei leiꞌomu. Na kire kei tooleꞌomu loꞌu i naꞌona mo aalaha na mo inemauri hunie kire kei leiꞌomu noꞌone. Na kire kei meni aasiꞌomu i laona mo nume ni hoꞌo aena aana omu ko lulu i sulieu.

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Palonga 13:45

Taꞌe maholo mo rato ni mwane ni Jiu kire leesie uri mwala hunge kire loko, kire ko tohungei heotaꞌinirerue, na kire ko ere aaelasirerue na kire ko neꞌi-neꞌie mola walana Pol aaopa.

Palonga 15:23

Na kire uusungeꞌinie uusu-uusu peꞌirerue na uusu-uusu ngeena e teꞌuri. Huniꞌomu mo Aapoloa Aaopa. Iꞌomu mo Aapoloa Aaopa nge omu ko oꞌoꞌo i Antiok na i Siria na i Silisia, iꞌomu mo eesimeelu oto aana omu hiiwalaimoli aana Kraes. Oto iꞌemeelu mo hurulaꞌaa na mo rato aana soihaadaꞌinge mai leu i Jerusalem melu ko niie saediananga iꞌemeelu huniꞌomu.

Palonga 15:41

Kire lae, kire lai liuhie e ro poꞌo ni henue i Siria na i Silisia na a Pol ko lae peꞌi haꞌa-aꞌailaꞌaa mo soihaadaꞌinge.

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 18:24

Aana maholona noꞌone ngaeta mwane ni Jiu nge e hute aana huilume i Aleksandria ko lae mai hunie i Epesas, na satana a Apolos. E tohungei saenanau aana ere-luhesilana mo neꞌisaenga na e tohungei saenanau noꞌone aana mo Uusu-uusu Maaꞌi.

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 19:26

Oto mala omu leesie na omu rongoa oto maraamiu, a Pol ko laengaꞌinie uuri, ‘Mo god nge asuileni e lae aani nimana iinoni, nga mo god toꞌohuu haꞌike.’ Na a Pol e huꞌisie oto manatana ahutana mwala aana huilume ikolu i Epesas, na karaꞌinie oto noꞌone ahutana mwala aana mo henue i laona poꞌo ni henue ikolu i Esia ienini.

Palonga 21:27

Maholo e hiu hei dinge ngeena karaꞌinie oto kei mango, ngaeta mo Jiu aana poꞌo ni henue i Esia kire ko leesie a Pol wau i laona Nume Maaꞌi Peine. Oto kire si lai tapolie a Pol, na kire ko da oto ahutana ruruhaa nge e loko ngeena hunie kire ke saewasulie.

Palonga 21:39

Oto a Pol ko teꞌuri, “Ineu mwane ni Jiu ni ie, na nou hute aana huilume paine i Tasas aana poꞌo ni henue i Silisia. Huilume ngeena e tohungei roroꞌa, na ineu ngaeta tohungei mwane aana. Oto saeku o ke toliꞌaasieu kaꞌu hunie ne ke ere hunie mwala ngeena.”

Palonga 22:19

“Oto nou aalamie mola uuri, ‘Iau, Aalaha ineu. Aana saꞌa mola kire saie oto uri nou lae hailiu keꞌu i laona mo nume ni palo-palo huni tapolie mwala nge kire hiiwalaimoli eemu na huni repusire.

Palonga 22:3

“Ineu mwane ni Jiu ni ie. Nou hute aana huilume i Tasas aana poꞌo ni henue i Silisia, taꞌe nou peine oto mola i leu i Jerusalem. Haꞌa-haꞌa-uusuli ineu kaꞌu a Kamaliel nge kie ko meni haꞌa-haꞌamaꞌu aana, na e haꞌa-uusulieu hunie ne ke dau i sulie mo haꞌatolanga mo weuwaka. Na nou aꞌailaꞌa ni esu nana God, mala oto omu ko esuie siꞌiri.

Palonga 23:34

Maholo a poro paine e saai mangoa uusu-uusu ngeena, ko si dolosi aana Pol ko teꞌuri, “?Iꞌoe mwane ni tei?” Oto maholo e rongo saie uri a Pol mwane aana ngaeta huilume i laona poꞌo ni henue i Silisia,

Palonga 24:18

Na i purine nou esu mangoa uunu-olanga ni haꞌarereꞌanga i naꞌona God, nge kire si leesieu wau i laona Nume Maaꞌi Peine. Na aana maholona nga mwala kaꞌa iiꞌo ike peꞌieu hunie kire ke da eꞌengonga.

Palonga 26:11

Na nou lae tarau noꞌone i laona ahutana mo nume ni palo-palo aana taꞌena nga leu huni haꞌaloire na huni da kire ke ere aaelasie loꞌu a Jisas. Saewasunge ineu e tohungei peine oto hule aana nou lae noꞌone aana ngaeta mo poꞌo ni henue aaopa huni haꞌaloire.”

Palonga 6:10

taꞌe Liꞌoa Maaꞌi ko peꞌie a Stivin hunie erenga ingeie ke aꞌailaꞌa liutaa aana mo mwane ngeena.

1 Korinit 1:20

?Oto mala uri leune kei urine oto, mwala saenanau ke si ue eena? ?Mo haꞌa-uusuli na mo iini kire saenanau aana ere-haitelilinge kire ke si ue eena? Aana a God e haataꞌinie oto uri saenanaunge aana walumalau ie nga ola mola mwaakule, na e kaꞌa toꞌo aana ike nga loꞌongaꞌinge.

Kalesia 1:21

Oto purine maholona, nou lae iiꞌo haꞌatau loꞌu mwaanie mo hurulaꞌaa i Jerusalem aana nou lae hunie mo poꞌo ni henue i Siria na i Silisia.