Palonga 6:11 - Tataroha Diana

¹¹ Oto lae-lae kire si lai waaie ngaeta mo mwane hunie kire ke eerotaꞌinie a Stivin uuri, “Melu rongoa a mwane ie e ere mwakataꞌinie a Mosis na a God.”

Palonga 6:11 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 1:17

Aana waite a God e niie mo Haꞌatolanga hunie a Mosis hunie ke heꞌi niiꞌi loꞌu hunie mwala, taꞌe a Jisas Kraes maraana ko niie mai manata-diananga na walaimolinge hunikie.

Tataroha Diana I Sulie A Jisas Kraes Nge A Jon E Uusue 16:3

Mwala kei haꞌasapesaluꞌaꞌomu urine, aena aana kire kaꞌa manataꞌiniꞌemereꞌi ike a Mamaꞌa.

Tataroha Diana I Sulie A Jisas Kraes Nge A Jon E Uusue 9:29

Kie mani saie uri a God e ere toꞌohuu hunie a Mosis, taꞌe a mwane aaela ngeena, na hule aana melu kaꞌa saie ike uri e uure i tei.”

Palonga 15:21

Aena mo ola ienini kire tohungei aaela aakaelu mo Jiu, sulie uure oto mai naꞌo haꞌa-uusulinge aana mo Haꞌatolanga a Mosis e lae i laona ahutana mo huilume ikolu, na saailana ko lae-lae oto suli Dinge Maaꞌi ikolu mo Jiu i laona mo nume ni palo-palo ikolu.”

Palonga 18:6

Taꞌe maholo mwala ni Jiu kire ko leledie na kire ko ere aaelasie, a Pol e si tataaꞌinie mola mo wasa-wasa aana toꞌoni ingeie mala nga tolimaa uri tolahada e tohungei aaela liutaa. Oto ko haꞌapasulire ko teꞌuri, “Mala uri a God ko haꞌaloiꞌomu, na roroꞌanga iꞌomu oto maraamiu eena. Nga roroꞌanga ineu haꞌike aana leune. Uure siꞌiri pwau weu ne kei lai tarohaꞌinie Tataroha Diana oto hunie mo Aapoloa Aaopa.”

Palonga 21:28

Na kire ko soi oto paine kire ko teꞌuri, “!Mo mwane ni Israel, omu ke lae mai peꞌiꞌemeelu! A mwane ienini ko haꞌa-uusulie mwala aana ahutana mo henue hunie kire ke lae huꞌisie tolahana mwala ikolu na huni lae huꞌisie mo Haꞌatolanga a Mosis na tolahana Nume Maaꞌi Peine ie. Na e toolea noꞌone mai ngaeta mo Aapoloa Aaopa molana i laona Nume Maaꞌi, na ko haꞌamadaꞌaa oto Hahuꞌana Leu Maaꞌi ngeena.”

Palonga 25:3

Na kire ko haꞌa-olaa uuri, “Mala uri o ko sare peꞌiꞌemeelu toꞌohuu, nge o ke haꞌatolaa nga mei wala hunie kire ke uusungeꞌi eelihoꞌi loꞌu aana a Pol hunie leilana ke lae mai Jerusalem.” Kire ko haꞌa-olaa urine aena aana kire neꞌisae huni horoꞌie a Pol maholo kei lae mai i sulie tala.

Palonga 25:7

Maholo a Pol e sili mei nume, mo Jiu nge kire lae mai uure i Jerusalem, kire lai uure kali-kelie, na kire ko si unue mo ola hiitoꞌo na e aaela liutaa nge kire unue e dau huꞌisiꞌi, taꞌe nga mei ola huni haꞌawalaimoliꞌaa walada haꞌike.

Palonga 26:11

Na nou lae tarau noꞌone i laona ahutana mo nume ni palo-palo aana taꞌena nga leu huni haꞌaloire na huni da kire ke ere aaelasie loꞌu a Jisas. Saewasunge ineu e tohungei peine oto hule aana nou lae noꞌone aana ngaeta mo poꞌo ni henue aaopa huni haꞌaloire.”

Palonga 6:10

taꞌe Liꞌoa Maaꞌi ko peꞌie a Stivin hunie erenga ingeie ke aꞌailaꞌa liutaa aana mo mwane ngeena.

Palonga 6:12

Oto aana kire ko ere urine, kire ko da ahutana mwala, na mo rato ni mwane aana mo Jiu, na mo haꞌa-uusuli aana mo Haꞌatolanga a Mosis, kire ko meni tohungei saewasulie a Stivin. Oto kire tapolie na kire ookea wau oto i naꞌona pulitaa ni lei-lei.

Palonga 6:13

Oto mo mwane ngeena kire uure i lengi huni eero, na kire ko teꞌuri, “A mwane ngeena, ko ere-ere aaelasie Nume Maaꞌi Peine ikolu na ko ere-ere aaelasie mo Haꞌatolanga a Mosis oto tarau.

Uusu-uusu A Pol Hurula'aa Hunie Mo Rom 3:8

Mala uri erenga ikire ke toꞌohuu, haꞌalaa e diana huni unue loꞌu uuri, “Kie ke talei deu taꞌewau mola hunie mo ola diana ke rau.” Ngaeta mwala kire ko ere aaelasieu taane na kire ko unue uri ineu ni no ko unue mo ola urine. !Taꞌe haꞌike! Eeronga mola ni ngeena, na e oodo taane mola hunie a God ke si haꞌaloire.

1 Timoti 1:13

E asuie walu ola diana urine nakue, maꞌalana holaꞌinaꞌo ineu, nou talei ere-ere aaelasie a Kraes, na nou teungeꞌinie mo iini e hiiwalaimoli aana, na nou esuie taꞌena nga ola huni waelire. Taꞌe a God e aamasieu, aena aana nou kaꞌa saie ike nga taa nou euꞌesuie na aana maholona nou kaꞌa hiiwalaimoli ike ue.