Palonga 5:42 - Tataroha Diana

⁴² Na kire ko haꞌa-uusulie mwala oto tarau i laona Nume Maaꞌi Peine na i laona mo nume ikire. Na kire ko lae peꞌi houleꞌinie Tataroha Diana i sulie a Jisas uri ingeie a Kraes, a Haꞌa-uuri nge a God e haiholotaꞌinie hunie ke uusungeꞌinie mai welumalau.

Palonga 5:42 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 21:37

Mo dinge ngeena a Jisas e sai haꞌa-uusulie mwala taꞌau i laona lolata aana Nume Maaꞌi Peine aana aatowaa, na maholo ko seulehi na ni e lae huni maꞌahu taꞌau i lengine Uuwo Ni Ei Olif.

Tataroha Diana I Sulie A Jisas Kraes Nge A Luk E Uusue 22:53

Ahutana dinge kaꞌu no ko talei oꞌoꞌo mola peꞌi haꞌa-uusulinge taꞌau i laona Nume Maaꞌi Peine. ?Aana e ue kaꞌu omu kaꞌa tapolieu oto aana maholona? !Taꞌe neꞌewau! Maholoi sato iꞌomu hunie aalahanga ni rodohono ke paine oto ienini.”

Palonga 11:20

Taꞌe ngaeta mo iini aada nge kire oꞌoꞌo i Saepras na i Saerin kire lai hule wau i Antiok, oto kire ko ladoa noꞌone mola tataroha ngeena hunie mo Aapoloa Aaopa, aana kire ko tarohaꞌinie tataroha i sulie a Aalaha, a Jisas.

Palonga 13:32

Na iꞌemereꞌi ni oto mere iiꞌo huni tarohaꞌinie Tataroha Diana huniꞌomu. Aena nga taa nge a God e haiholotaꞌinie hunie mo weuwaka i naꞌo,

Palonga 17:18

I Atens mo pulitaa oto hunge mala mo Epikiurian na mo Stoek kire ko ere-ere oto hiitoꞌo i sulie nga taa e tohungei roroꞌa hunie maurihaꞌana iinoni. Oto ngaeta mo haꞌa-uusuli aana e ro pulitaa ngeena kire rongoa ere-erenga a Pol, oto kire ko teꞌuri, “?Nga taa ni e rongo mala wisi ko nore-nore ngeena? ?Nga taa ni a mwaena ko sare unuena?” Na ngaeta mo iini ko teꞌuri, “Ohe ko ere i sulie ngaeta god aana mo poꞌo ni henue hai aaopaꞌi ni ngeena.” Kire ko ere urine aena aana a Pol ko tarohaꞌinie Tataroha Diana i sulie a Jisas na taꞌelaꞌinge ingeie mwaanie maenga.

Palonga 17:3

na ko lado luhesie mo neꞌisaenga hunire aana mo wala i laona mo Uusu-uusu Maaꞌi. Na e tohungei haataꞌi diana aana hunire uri a God e oalaꞌinie oto uri a Kraes kei sapesalu, na purihaꞌana kei heꞌi meuri eelihoꞌi loꞌu mwaanie maenga. Na e teꞌuri, “A Jisas nge no ko houleꞌinie huniꞌomu ienini, ingeie oto a Kraes nge omu ko maa-maaꞌoohie.”

Palonga 2:46

Kire ko loko tarau mola i suli dinge i laona Nume Maaꞌi Peine a God i Jerusalem. Na kire ko ngeu-ngeu tararuru i laona mo nume hai aaopaꞌi ikire, na kire sai ilenimwaꞌe tararuru aani peꞌilada hailiu mola aana mo ngeulaa ikire.

Palonga 20:20

Na omu saie oto uri no ko tarohaꞌinie Tataroha Diana huniꞌomu, na nou haꞌa-uusuliꞌomu i maana mwala na loꞌu i laona mo nume iꞌomu. Taꞌe nou kaꞌa maꞌu ni unu haadaꞌi aana ahutana walu ola nge kire sai peꞌiꞌomu.

Palonga 4:20

Aana ienini mere saꞌa rohu ike aani erenga i sulie nga taa mere leesie na mere rongoa oto maraamereꞌi.”

Palonga 4:29

Na oto ie, Aalaha, o ke lio-lio diana aana mo naꞌohai mwane nge kire ko haꞌamauꞌoꞌemeelu ienini. O ke peꞌiꞌemeelu, mo koni-konihe iꞌoe mwaanie melu meꞌu ni houleꞌinie walamu.

Palonga 8:35

Oto a Pilip ko aehota oto aana mei wala ngeena, na ko haꞌarongoa oto poro paine ngeena aana Tataroha Diana i sulie a Jisas Kraes.

Palonga 8:5

Na a Pilip e lae noꞌone hao aana ngaeta huilume i Samaria huni tarohaꞌinie a Kraes hunie mwala.

Palonga 9:20

E oodo mola wau i laona mo nume ni palo-palo mo Jiu, na ko tarohaꞌinie oto a Jisas uri ingeie oto Kalena God toꞌohuu.

1 Korinit 2:2

Aena aana maholo nou oꞌoꞌo peꞌiꞌomu, nou neꞌisae mouteꞌi uri nou saꞌa ere-ere ike loꞌu aana nga mei ola aaopa, taꞌe nou neꞌi-neꞌisae oto mola aana a Jisas Kraes na maenga ingeie i lengine poꞌu-poꞌu.

Kalesia 1:16

Oto e haataꞌinie a Kalena kaꞌu hunieu, hunie mauringe ineu ke tarohaꞌinie Tataroha Diana ingeie hunie mo Aapoloa Aaopa. Na maholo a God e soieu urine, ingeie maraana e niie walana hunieu hunie ne ke tarohaꞌinie, na nou kaꞌa toolea ike loꞌu nga mo haꞌananaunge mwaanie nga iinoni.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.