Palonga 5:31 - Tataroha Diana

³¹ A God e taꞌea na e haꞌa-iiꞌosie aana naꞌohai iiꞌo-iiꞌoha i pwalo-pwalona hunie ke aalaha haahikie, na hunie ke haꞌa-uurikie, na hunie mwala ni Israel ke oonisae mwaanie mo oorahaꞌaanga ikire hunie a God ke saeꞌaasiꞌi mwaanire.

Palonga 5:31 ပူးပေါင်းရင်းမြစ်များ

Matiu 1:21

A Meri kei haꞌahutaa kele mwela mwane, oto o ke haaraꞌinie aana a Jisas, oolisilana uuri, ‘God ko haꞌa-uuri.’ O ke haaraꞌinie urine aena aana ingeie kei haꞌa-uurie mwala ingeie mwaanie mo oorahaꞌaa ikire.”

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Tataroha Diana I Sulie A Jisas Kraes Nge A Mak E Uusue 2:10

Taꞌe ineu, a Kale Ni Iinoni, ne kei esuie mola mei ola hunie omu ke lio saie uri ineu, nou toꞌo aana noꞌone nanamanga huni saeꞌaasi oorahaꞌaa mai aano i leu.” Oto a Jisas ko unue hunie mwane e rarasi ngeena uuri,

Tataroha Diana I Sulie A Jisas Kraes Nge A Mak E Uusue 4:12

Oto kire ko lio-lio taꞌe kire kaꞌa lio saie, kire ko rorongo taꞌe kire kaꞌa rongo saie ike, aena aana kire kei teꞌurine, nge kire kei oonisae na a God kei taꞌaasie mo oorahaꞌaa ikire.” Aesaea 6:9-10

Tataroha Diana I Sulie A Jisas Kraes Nge A Luk E Uusue 2:11

Iini nge kei haꞌa-uuriꞌomu e si kele hute oto molana aana hanue a Deved. Ingeie oto a Kraes, Aalaha ikie.

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Tataroha Diana I Sulie A Jisas Kraes Nge A Jon E Uusue 4:42

Oto mwalana kire ko unue hunie a keine uuri, “Melu hiiwalaimoli oto eena, kaꞌa ike mola i sulie nga taa o unue, taꞌe aena aana melu rongoa oto noꞌone walana maraameelu. Na ie melu saie uri ingeie ni oto a Haꞌa-uuri hunie walumalau.”

Palonga 11:18

Na maholo kire rongoa a Pita ko ere-ere, oto kire kaꞌa unue ike loꞌu nga mei wala i sulie. Taꞌe kire ko lahea mola a God na kire ko teꞌuri, “!Maꞌalana mo Aapoloa Aaopa taꞌe a God e saetoꞌo aada noꞌone hunie kire ke oonisae na hunie kire ke toꞌo aana maurihe huu!”

Palonga 13:23

“Na a Haꞌa-uuri mo Israel e uure mwaanie komu a Deved, oto mala e haiholotaꞌinie. !Na ingeie oto a Jisas!

Palonga 2:33

A God e tola aalihoꞌi aana hunie ke iiꞌo aana naꞌohai iiꞌo-iiꞌoha, i pwalo-pwalona, na a God Aamana e niie Liꞌoa Maaꞌi hunie oto mala e haiholotaꞌinie. Oto nga taa nge omu ko leesie na omu ko rongoa ngeena, mei ola a God e lingisie mai haahiꞌemeelu oto ni ngeena.

Palonga 2:36

“Oto ahutemiu mwala ni Israel, omu ke saie uri a Jisas nge omu horo maesie i lengine poꞌu-poꞌu, a God e unue ingeie oto a Kraes nge e haiholotaꞌinie, na ingeie oto kei aalaha haahikie.”

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 3:15

Nge ko urine, na huulaa ni meurihe nge omu horo maesie oto. Taꞌe a God e taꞌe aalihoꞌi aana loꞌu mola mwaanie maenga, na iꞌemeelu oto melu tohungei leesie aana maameelu.

Palonga 3:19

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Palonga 3:26

Oto maholo a God e haꞌa-uuresie koni-konihe ingeie a Jisas, nge e holaꞌi uusungeꞌinie huniꞌomu hunie ke niie haꞌadianaꞌanga huniꞌomu aani tola aalihoꞌinilemiu mwaanie mo oorahaꞌaanga iꞌomu.”

Palonga 4:11

Na a Jisas oto iini nge mo Uusu-uusu Maaꞌi e ere i sulie aana e teꞌuri, Hau nge iꞌomu kira tou-tohu nume omu leledie kaꞌu, e neꞌie oto poo-pootana nume eena. Sam 118:22

2 Korinit 2:10

Oto ie aana nou leesie uri omu sai tola i sulie walaku toꞌohuu, oto mala uri omu ko saeꞌaasie nga mei aaelanga nga iini e dau huꞌisiꞌomu aana, nge ineu e urine noꞌone. Na mala iinonine e dau huꞌisie noꞌone mei olana hunieu, nge ineu noꞌone ne ke saeꞌaasie mei olana hunie. A Kraes e saie oto uri no ko deu-deu urine, aana saeku mola hunie ne ke peꞌiꞌomu.

Epesas 1:7

Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Pilipae 3:20

Taꞌe ikie, kie aaopa oto mwaanire, aana kie toꞌo aana hanue huu ikie oto taꞌau i Lengi, na kie ko maa-maaꞌoohie mola a Haꞌa-uuritaka, a Jisas Kraes Aalaha ikie, kei lae mai uure i lengi huni toolekie taꞌau.

Kolosi 1:14

Na ingeie oto e holikie aana maelana, na i tehulaꞌana ingeie mone a God e si saeꞌaasie mo oorahaꞌaa ikie.

Taetas 1:4

Oto no ko uusu-uusu weu huniꞌo, mwela maaꞌi ineu, na o saie oto uri o neꞌi tohungei kaleku toꞌohuu aana hiiwalaimolinge ikure e mani sada. No ko aarea a God Aamaka na a Jisas Kraes a Haꞌa-uuritaka uri hahuꞌana manata-diananga na hanuelamanga ke iiꞌo peꞌiꞌo.

Taetas 2:10

na mwaanie kire peli-pelie loꞌu nga mei ola mo poro paine ikire. Taꞌe helelada ke diana mola hunie mo poro paine ikire ke norutoꞌo aada. Helelada kei diana urine, nge mwala kei haꞌapainaꞌaa haꞌa-uusulinge a God a Haꞌa-uuritaka.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

Hibru 2:10

A God oto iini e haꞌaholaa taꞌena nga ola, na ingeie oto tohungei aalaha haahie ahutana mo olana. Na nga taa e asuie aana e toliꞌaasie Kalena ke sapesalu, e tohungei oodo na e malisi, aana saena God hunie Kalena ke haꞌa-uurie mo iinoni oto hunge. Oto aana a Kraes e sapesalu honotaka mo iinoni urine, nge e haꞌamangoa oto asunge ingeie mala a Haꞌa-uuritaka, na e haꞌa-uurie mo iini oto hunge hunie kire ke mani iiꞌo oto peꞌie aana manikuluhaꞌana taꞌau i Lengi.

1 Pita 3:22

A Jisas e tahelaꞌi oto i Lengi, na e iiꞌo oto i pwalo-pwalona God aana leu e nanama oto liutaa. Na aana a Jisas e toꞌo aana iiꞌo-iiꞌoha oto paine ngeena, nge ko aalaha oto haahie mo ensel na mo aakalo na mo inemauri na mo aalaha, na haahie taꞌena nga ola e nanama loꞌu.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

2 Pita 1:11

Oto a God ke si tohungei tola koniꞌomu oto taꞌau i Lengi aana walumalau haalu nge e saꞌa mango loꞌu. Walumalau ngeena, a Jisas Kraes Aalaha ikie na a Haꞌa-uuritaka, nge e aalaha haahie.

2 Pita 2:20

Mala uri mwala ke sai diana aana a Jisas Kraes Aalaha ikie, haꞌalaa kire sai iiꞌo luhetaꞌi mola mwaanie mo tolahai ola aaela aana walumalau ie. Taꞌe mala uri kire kei ooli loꞌu takoie mo tolahai ola aaela ngeena, nge mauringe ikire ke si aaela oto mwaanie holaꞌinaꞌo eena.

2 Pita 3:18

Taꞌe omu ke pai-peine taraꞌasi mola i lalo aana manata-diananga na sai-olanga hunie Aalaha ikie na a Haꞌa-uuritaka, a Jisas Kraes. Nge manikuluꞌanga ingeie e saꞌa mango oto ooꞌoo. Ke urine oto.

1 Jon 4:14

Na melu leesie oto a Jisas aana maameelu, na melu ko haꞌarongoa oto walumalau uri a God e uusungeꞌinie mai a Kalena hunie ke neꞌie a Haꞌa-uuri hunie ahutana mwala aana walumalau.

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.

Haataꞌinge 1:5

na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.