Palonga 5:24 - Tataroha Diana

²⁴ Oto maholo naꞌohana pulitaa kakakali aana Nume Maaꞌi Peine na mo naꞌohai pris kire rongo urine kire ko si meni tohungei tolahiꞌe aana kire kaꞌa saie nga taa e rau aana mo hurulaꞌaa.

Palonga 5:24 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 22:4

Na e lae, oto ko lai ere ruru peꞌie mo naꞌohai pris na mo mwane paine aana pulitaa ko kakakalie Nume Maaꞌi Peine. Na ko unue uri kei pweloa a Jisas uri taa hunire.

Tataroha Diana I Sulie A Jisas Kraes Nge A Luk E Uusue 22:52

Oto a Jisas ko si ere hunie mo naꞌohai mwane aana mo pulitaa hai aaopaꞌi kire hule ngeena, aana ngaeta mo naꞌohai pris, na mo naꞌohai ramo nge kire ko kakakalie Nume Maaꞌi Peine, na mo rato ni mwane ni Jiu kire hule noꞌone. Oto ko teꞌuri hunire, “?Uri omu unue uri ineu nga horopeli nge omu ko lae mai honosieu peꞌi naihi na peꞌi diꞌe?

Tataroha Diana I Sulie A Jisas Kraes Nge A Jon E Uusue 12:19

Oto mo Parise ko si ere hunire maraada uuri, “!Lio kaꞌu! Walu ola kolu ko euꞌesuiꞌi honosie a mwane ngeena e kaꞌa oa oto hunikolu. !Ahutana walumalau ko lulu i sulie oto!”

Palonga 2:12

Oto aena aana kire ko tohungei pangataꞌi na kire kaꞌa saie ike nga taa e rau, nge kire ko si dolosi heiliu aada uuri, “?Nga taa ni loꞌongaꞌinge aana mei ola e rau ngeena?”

Palonga 4:1

Maholo a Pita na Jon kirerue ko ere-ere ue nana mwala, na ngaeta mo pris peꞌie naꞌohai mwane aana pulitaa ko kakakalie Nume Maaꞌi Peine, na ngaeta mo Sadiusi kire ko hule oto.

Palonga 4:21

Mo mwane paine aana pulitaa ni lei-lei kire ko haꞌamauꞌorarue loꞌu liutaa, taꞌe lae-lae kire ko si heꞌi toliꞌaasirerue loꞌu hunie kirerue ke lae. Aana e aasa hunie kire kei leirerue aana kire lio saie uri mwala ko lae peꞌi lahea God oto haahie mei ola nge e raune.

Palonga 5:23

“Melu leesie mo maa aana nume ni hoꞌo kire hono maꞌutaꞌa taane aani, na mo mwane kakakali kire ko kakalie taane mo maa. Taꞌe maholo melu tahanie mo maa, melu kaꞌa leesie loꞌu nga iini i laona nume ni hoꞌo.”

Palonga 5:25

Taꞌe ngaeta mwane e lae mai aana kele maholona oto ko teꞌuri hunire, “!Sei! Mo mwane nge omu neꞌire i laona nume ni hoꞌo, ikire mola taꞌau kire uure, kire ko haꞌa-uusulie mwala taꞌau i laona Nume Maaꞌi Peine oto molana.”

Palonga 5:26

Oto naꞌohana pulitaa kakakali na mo ramo ingeie, kire si lai tola aalihoꞌi aana mo hurulaꞌaa. Taꞌe kire kaꞌa dau ramo-ramoꞌa ike loꞌu huni tapolire, aana kire ko meꞌuteꞌinie mwala mwaanie kire uuꞌi maesire aani heu.