Palonga 5:15 - Tataroha Diana

¹⁵ Oto aena aana mo huꞌi-huꞌite hunge nge mo hurulaꞌaa ko esuiꞌi, nge mwala kire lae peꞌi toolea mai mo mwei-mweriaꞌa oto i sinaha, na kire ko lai haꞌa-enosire i lengine mo tahe na mo niꞌe i sulie tala. Aana neꞌisaenga ikire uri maholo a Pita kei liu aana leune, maꞌalana nunune ko liu mola haahie mo iini ko mweri ngeena na kire sai awaa loꞌu.

Palonga 5:15 ပူးပေါင်းရင်းမြစ်များ

Matiu 14:36

Kire aitanaie uri ke toliꞌaasie mo iini ko mweri kire ke kele kopi mola aana taꞌena nga leu aana toꞌoni ingeie. Na ahutana mo iini kire kopi aana toꞌoni ingeie, kire awaa oto.

Matiu 9:21

A huꞌena e teꞌurine aena aana e hiiwalaimoli uri maꞌalana ko kele kopi mola aana toꞌoni a Jisas, na kei awaa oto.

Tataroha Diana I Sulie A Jisas Kraes Nge A Mak E Uusue 6:55

Oto kire ko huru heiliu oto i laona mo huilume aana poꞌo ni henuena, na kire ko toolea oto mai mo mae-maeaꞌa aana mo hulite ikire takoie mo leu nge kire ko rongoa a Jisas e iiꞌo aani.

Tataroha Diana I Sulie A Jisas Kraes Nge A Jon E Uusue 14:12

No ko unue oto toꞌohuu huniꞌomu uri iini ko hiiwalaimoli eeku, e sai esuie noꞌone mola taungei esunge no ko esuie ie. Na hule aana e sai esuie mo esunge paine loꞌu liutaa aana mo iinine, aena aana no ko lae oto i saana a Mamaꞌa.

Palonga 28:9

Oto purine mei ola ngeena e rau, ahutana mwala nge kire ko mataꞌi aana mala-malau ngeena kire lae mai saana Pol na e haꞌa-uurire noꞌone.

Palonga 5:16

Na mwala hunge aana mo kele huilume kali-kelie i Jerusalem kire ko lae noꞌone mai, aana kire ko too-toolea mai mo iini ko mweri na mo iini mo liꞌoa aaela e iiꞌo aada. Oto ahutada mango haꞌa-uurilada e si meni lae.