Palonga 4:36 - Tataroha Diana

³⁶ Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

Palonga 4:36 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 3:17

Na Jemes kalena Sebedi, na Jon aasine a Jemes, nge a Jisas e haaraꞌinirerue mo Kalena Lou-lou i sulie kirerue sai saewasu lau-leu.

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Palonga 12:25

Oto maholo a Banabas na Sol kirerue asu mangoa asunge ikirerue aana niilana mei toꞌoha nge kirerue toolea mai hunie soihaadaꞌinge i Jerusalem, kire si eelihoꞌi loꞌu hunie i Antiok. Na maholona nge kirerue toolea noꞌone a Jon, nge ngaeta sata loꞌu aana a Mak.

Palonga 13:1

Aana soihaadaꞌinge i Antiok ngaeta mo propet na mo haꞌa-uusuli kire iiꞌo wau i leune. Na mo mwaena nge a Banabas, na a Simion nge ngaeta sata aana a Pulu-puluꞌe, na a Manaen iini nge e paine tararuru peꞌie a Herod Antipas Inemauri, na a Lusias mwane ni Saerin, na a Sol.

Palonga 13:15

Maholo mo mwane paine haahie nume ni palo-palo kire saaie uusu-uusu aana mo Haꞌatolanga a Mosis na mo Uusu-uusu Mo Propet, oto kire ko si dolosi aana Pol na mo malahune uuri, “Mo eesimeelu, mala uri omu ko toꞌo aana nga mei wala huni haꞌasusue saena mwala ie, na omu ke unue oto molana.”

Palonga 13:2

Na maholo kire ko palo-paloa God peꞌie oolongaunge, Liꞌoa Maaꞌi e ere mai peꞌire e teꞌuri, “Omu ke oopaa a Banabas na a Sol nakue huni esuie mei esunge nou lio hilisirerue huni esuie.”

Palonga 13:4

E ro mwane nge Liꞌoa Maaꞌi e uusungeꞌinirerue ngeena, kire lae hai huilume i Selusia huni taꞌe aana nga haka hunie mala-malau i Saepras.

Palonga 15:12

Mo erenga ngeena e da kire mani rohu, na kire ko rongo mola i sulie a Pol na Banabas kirerue ko ladoa mo huꞌi-huꞌite na mo tolimaa nge a God e da kire asuiꞌi i matolana mo Aapoloa Aaopa.

Palonga 15:2

Taꞌe a Pol na Banabas kire kaꞌa neꞌisae tararuru ike peꞌire, oto kire ko tohungei ere haitelili oto peꞌie mo mwaena, na kire ko ere tewa honosire. Oto lae-lae kira hiiwalaimoli i Antiok kire unue a Pol na Banabas na ngaeta mo mwane kire ke lae taꞌau i Jerusalem ni ere peꞌie mo hurulaꞌaa na mo rato aana soihaadaꞌinge i sulie mei ola ienini.

Palonga 15:37

A Banabas e ilenimwaꞌe taane mola, na e tohungei saetoꞌo aana a Jon Mak ke hakusirerue.

Palonga 15:39

Kire tohungei ere haitelili hiitoꞌo i sulie, na lae-lae kire ko oopa oto. A Banabas ko toolea oto a Jon Mak, na kirerue ko lae oto aana haka hunie mala-malau i Saepras.

Palonga 21:16

Na ngaeta mo pwaarongoisuli i Sisaria kire hakusiꞌemeelu noꞌone huni tooleꞌemeelu hunie nume melu kei iiꞌo aana oto taꞌau. Nume ngeena, nume a Nason, mwane ni Saepras na ko lulu i sulie a Jisas oto uure wau i naꞌo.

Palonga 21:3

Melu lae-lae, na maholo melu leesie mala-malau i Saepras, melu si oolisie laenga haka huni liue mala-malau ngeena hunie ke iiꞌo aana aapa i meu-meuli aana haka. Oto melu lae taraꞌasi, melu si lae loꞌu hunie poꞌo ni henue i Siria. Oto melu lai oone aana huilume i Taea hunie kire ke haꞌasiholie ludaa.

Palonga 27:4

Oto melu lae mwaanie i Saedon na aena iiru ko iiru honosiꞌemeelu, nge melu lai liu aana ngaeta aapa aana mala-malau i Saepras nge iiru e kele rako aana.

Palonga 9:27

Oto a Banabas e si peꞌie aana e toolea i saana mo hurulaꞌaa, na ko haꞌarongora uri a Sol e leesie a Aalaha i sulie tala, na a Aalaha e ere oto peꞌie a Sol. Na ko haꞌarongora noꞌone aana uri a Sol ko lae peꞌi ere aꞌailaꞌa mola i sulie satana a Jisas wau i Damaskas.

1 Korinit 14:3

Taꞌe iini nge ko unu tahangaꞌinie walana God ko ere nana mo iinoni, na ko ere haꞌadodoa saeda na ko haꞌasusue hiiwalaimolinge ikire hunie ke aꞌailaꞌa.

1 Korinit 9:6

?Wa e ue? ?Uri taꞌe iꞌemereꞌi mola mere sai esu uei toꞌoha huni peꞌiꞌemereꞌi maraamereꞌi?

Kalesia 2:1

Purine aawalai helisi mwana hai e saro mango, nge nou si eelihoꞌi loꞌu hunie i Jerusalem. Iꞌemereꞌi a Banabas mere lae, na nou toolea noꞌone a Taetas peꞌiꞌemereꞌi.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Kolosi 4:10

A Aristakas nge e iiꞌo peꞌieu mai i laona nume ni hoꞌo ie, ko niie noꞌone wau mei wala ni saediananga ingeie huniꞌomu. Na aasine a Banabas a Mak nge kirerue mani hute aana e ro mwaasine, a Banabas, a Mak, na ko niie noꞌone saediananga ingeie wau huniꞌomu. Oto mala nou unue kaꞌu oto huniꞌomu, mala uri a Mak ko liu i seemiu, omu ke tolakonie.