Palonga 3:14 - Tataroha Diana

¹⁴ A Jisas e tohungei maaꞌi na e oodotaꞌi i maana a God, taꞌe omu leledie mola. Na iꞌomu nge omu teangie a Paelat hunie ke luhesie a Barabas, mwane horo-horo.

Palonga 3:14 ပူးပေါင်းရင်းမြစ်များ

Matiu 27:20

Na aana maholo a Paelat ko pwaarongo i sulie mei wala huꞌe ingeie ko unue ngeena, mo naꞌohai pris na mo rato ni mwane kire ko unue oto uri mwala ke haꞌatohu aana a Paelat hunie ke luhesie a Barabas, na ke horo maesie a Jisas.

Tataroha Diana I Sulie A Jisas Kraes Nge A Mak E Uusue 1:24

“!Aaia! !Jisas ni Nasaret! ?O kei ue emeelu loꞌu eena? ?Ohe o lae oto mai huni waeliꞌemeelu ni ngeena? Ineu nou saiꞌo mola. Iꞌoe iini maaꞌi a God.”

Tataroha Diana I Sulie A Jisas Kraes Nge A Mak E Uusue 15:11

Taꞌe mo naꞌohai pris kire ko unue hunie mwala hunie kire ke unue hunie a Paelat uri ke luhesie mola a Barabas.

Tataroha Diana I Sulie A Jisas Kraes Nge A Mak E Uusue 15:7

Aana maholona, ngaeta mwane satana a Barabas kire neꞌie i nume ni hoꞌo i sulie ingeie nga iini aana mo iini nge kire horo maesie ngaeta mwala aana maholo kire haiseuni huni taꞌaasie aalahanga ni Rom mwaanie i Israel.

Tataroha Diana I Sulie A Jisas Kraes Nge A Luk E Uusue 1:35

Oto ensel ko aalamie uuri, “Liꞌoa Maaꞌi kei siho i lengimu, na nanamanga iini e Paine Liutaa kei melusiꞌo. Na aena ngeena kele wee-wee iꞌoe kei maaꞌi na sailana kei lae uri ingeie Kalena a God.

Tataroha Diana I Sulie A Jisas Kraes Nge A Luk E Uusue 23:25

E luhesie a Barabas, mwane e haiseuni na e horo mwaanie nume ni hoꞌo, na e si toliꞌaasie a Jisas i laona nimada hunie kire ke dau mala saeda aana.

Tataroha Diana I Sulie A Jisas Kraes Nge A Jon E Uusue 16:10

Na kei haataꞌi diana aana hunire uri kire kaꞌa saie ike oodotaꞌinge aana maꞌalana kire lei mae aaku, taꞌe ineu, nou iiꞌo oodotaꞌi mola na ko lae oto i saana a Mamaꞌa aana leu kire saꞌa heꞌi leesieu loꞌu.

Tataroha Diana I Sulie A Jisas Kraes Nge A Jon E Uusue 18:40

Oto kire ko si meni tea paine mola uuri, “!A mwane ie haꞌike! !Taꞌe a Barabas ni melu saetoꞌo aana!” (A Barabas ie ingeie nga horopeli nge e ooho honosie mo Rom).

Palonga 13:28

Na maꞌalana kire kaꞌa dau oodoie ike nga mei ola hunie a Jisas ke mae i tehulaꞌana, taꞌe kire haro haꞌatohu mola aana a Paelat hunie ke horo maesie.

Palonga 2:27

aena aana o saꞌa toliꞌaasie ike maurihaꞌaku aana leu mwala kire mae oto, na o saꞌa toliꞌaasie ike Iini Maaꞌi iꞌoe hunie ke kasu i laona kilipweꞌu.

Palonga 22:14

Oto ko teꞌuri loꞌu, ‘God mo weuwaka e lio hilisiꞌo hunie o ke saie nga taa e oalaꞌinie hunie o kei esuie, na hunie o ke leesie Koni-konihe Oodotaꞌi ingeie, na hunie o ke rongoa oto walana maraana.

Palonga 4:27

Na e toꞌohuu oto, aana a Herod Antipas peꞌie mo Israel, na a Pontias Paelat peꞌie mo Aapoloa Aaopa kire mani esu loko-loko huni horoꞌie a Jisas, koni-konihe maaꞌi iꞌoe nge o lio hilisie oto waite hunie ke neꞌie a Kraes.

Palonga 5:28

“Melu tohungei ere hiitoꞌo oto huniꞌomu mwaanie omu haꞌa-uusulie loꞌu nga iini i sulie a mwane ngeena, taꞌe omu ko da haꞌa-uusulinge iꞌomu ko lae ahusie oto taꞌena nga leu i Jerusalem. Na omu ko haꞌaroroꞌaiꞌemeelu aana omu ko unue uri iꞌemeelu nge melu horo maesie a mwane ngeena.”

Palonga 7:52

?Maholo mo weuwemiu kire haꞌaloie mo propet oto wau i naꞌo, uri kire liue nga iini aada? !Haꞌike! Taꞌe kire haꞌaloie ahutada mango, hule aana kire horoꞌie mo iini nge kire ko laengaꞌinie laenga mai koni-konihe oodotaꞌi a God. Na hule aana ingeie maraana, iꞌomu oto omu pweloa na omu horo maesie.

2 Korinit 5:21

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Jemes 5:6

Omu leie kira oodotaꞌi hunie maenga, na omu horoꞌire, taꞌe ikire, kire kaꞌa uure honosiꞌomu ike.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.

Haataꞌinge 3:7

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wau i Piladelpia uuri. “Ineu iini e maaꞌi na e toꞌohuu, nge nou hele aana kii a Deved Inemauri. Mala no ko tahanie taꞌena nga maa hunie nga iini, na nga iini e saꞌa honoa ike loꞌu. Wa mala uri no ko honoa maa hunie nga mo iini, na nga iini e saꞌa tahanie ike loꞌu hunire. Ineu oto ie no ko unue huniꞌomu.