Palonga 28:5 - Tataroha Diana

⁵ Oto a Pol e tataaꞌinie mola kiꞌine wau i hahona dunge, oto mwaa ala-ala ngeena e teke mola i laona dunge, taꞌe nga mei ola kaꞌa rau ike loꞌu aana a Pol.

Palonga 28:5 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 16:18

Na maꞌalana kire ko hele aana mo mwaa ala-ala, wa kire ko inuhie nga mo ola ni maesiꞌi, taꞌe kire saꞌa roroꞌa ni maesiꞌi ike. Na kire kei hele i sapena mo mae-maeaꞌa aana nimada, kire kei awaa oto.”

Tataroha Diana I Sulie A Jisas Kraes Nge A Luk E Uusue 10:19

Aana nou niie oto huniꞌomu nanamanga huni uuri haahie mo mwaa ala-ala na mo heri-heri. Na nou niie oto noꞌone nanamanga e saka loꞌu liutaa aana nanamanga a Satan. Oto nga mei ola e saꞌa huꞌisiꞌomu ike loꞌu.

Palonga 28:6

Oto mo mwane aana mala-malau ngeena kire ko maa-maaꞌoohi mola huni leesie sapena a Pol kei uupu wa huni leesie mola ko domu aana ko mae oto. Taꞌe kire lio-lio i sulie ko tewa oto, na nga mei ola kaꞌa rau-reu aana. Oto kire ko heꞌi loꞌongaꞌi aaopa loꞌu na kire ko teꞌuri, “!Ohe a mwane ie ngaeta iini aana mo god ni ngeena!”

Uusu-uusu A Pol Hurula'aa Hunie Mo Rom 16:20

Oto urine a God ikie nge ko niie hanuelamanga hunikie, kei peꞌiꞌomu mola lau-leu hunie omu ke uuri puli-pulisie a Pwelu Eero-eero aana aeꞌaemiu mwaanie omu rongo hunie mo malaahonga ingeie. Na no ko aarengaꞌi hunie uri hahuꞌana manata-diananga a Aalaha ikie a Jisas ke iiꞌo peꞌiꞌomu.