Palonga 28:30 - Tataroha Diana

³⁰ Na a Pol e iiꞌo hunie e ro halisi heꞌileku aana nume nge ko holi-holi haahie ngeena. E tolakonie taꞌena nga iini ko sare lae mai leesie,

Palonga 28:30 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 1:39

Oto a Jisas ko teꞌuri hunirerue, “More ke lae mai na more ke leesie oto maraamoreꞌi.” E ere urine mola hunire ola mala maholo sato e ngara aawala haahuu i hoꞌowa aana hai dingena. Oto kirerue si lae peꞌie hunie leu nge ko oꞌoꞌo aana, na kirerue ko iiꞌo oto peꞌie aana hai dinge ngeena.

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 24:27

Oto lae-lae, purine e ro halisi e mango, a Posias Festas ko oolisie a Filiks aana ko neꞌi Aalaha Paine oto haahie poꞌo ni henue ngeena. Na aena aana a Filiks ko sare dau hunie mo Jiu ke ilenimwaꞌe mola haahie, oto e unue mola uri a Pol ke iiꞌo ue i laona nume ni hoꞌo.

Palonga 28:16

Maholo melu hule oto wau aana huilume paine i Rom, kire kaꞌa aasie ike a Pol i laona nume ni hoꞌo, taꞌe kire toliꞌaasie hunie a Pol ke iiꞌo mola maraana aana nga nume. Taꞌe ngaeta ramo ko oꞌoꞌo taane tarau peꞌie hunie ke kakakalie.

Palonga 28:29

Palonga 28:31

na e kaꞌa maꞌu loꞌu huni laeliwala i sulie Aalahanga a God. Ko haꞌa-uusulie mola mwala aana taꞌena nga ola i sulie a Jisas, Aalaha ikie, na nga iini e kaꞌa uure honosie loꞌu erenga ingeie.

Uusu-uusu A Pol Hurula'aa Hunie Mo Rom 15:32

Oto aana ko urine na mala uri a God ko saetoꞌo aana oto, nge ne ke lae wau i seemiu peꞌie ilenimwaꞌenga oto paine, na ne ke mamalo diana wau peꞌiꞌomu.

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

2 Korinit 6:5

Mwala kire rapusiꞌemeelu oto, na kire neꞌiꞌemeelu oto i laona nume ni hoꞌo, na kire maaola-ola peꞌi waeliꞌemeelu oto. Taꞌe maꞌalana e urine melu ko haꞌaweoꞌemeelu oto mola aani tarohaꞌinilana a Jisas taraureꞌi, hule aana nga maꞌahunge wa ngaunge na haꞌike loꞌu.

Pilipae 1:13

Aana ahutana mo ramo nge kire ko kakakali i leu aana nume paine a inemauri, na ahutana mwala kire iiꞌo i leu, kire mani saie uri nou iiꞌo i nume ni hoꞌo aena aana ineu koni-konihe a Kraes.

2 Timoti 1:17

Aana maholo e lae mai hunie huilume paine i Rom, oto e tohungei loꞌohieu oto hiitoꞌo lai hule aana e lio oodoieu.

2 Timoti 4:2

uri o ke lae taraꞌasi oto peꞌie tarohaꞌinilana walana God. O ke laeliwala hunie mwala oto tarau, maꞌalana mwala kaꞌa sare rongo huniꞌo. O ke haꞌa-oodohie tolahada maholo kire ko lae takalo, na o ke haataꞌinie mo oorahaꞌaa ikire hunire hunie kire ke aaliꞌu mwaaniꞌi, na o ke ere haꞌasusure noꞌone. Walu ola ngeena o ke asuiꞌi peꞌi toli-rakonga, na peꞌi haꞌananaunge diana.