Palonga 27:7 - Tataroha Diana

⁷ Na mo dinge hunge melu ko haro kele lae oto mola peꞌi esu hiitoꞌo huni lai aarapuu karaꞌinie huilume i Nidas. Na aena aana melu ko suehie mone ooru, oto melu eeliꞌu mola hunie mala-malau i Krit, hunie melu ke liu i purine mala-malau mwaanie ooru, na melu hule oto aana aapa hatarie i Salmoni.

Palonga 27:7 ပူးပေါင်းရင်းမြစ်များ

Palonga 27:21

Melu kaꞌa ngau loꞌu hunie mo dinge hunge, oto a Pol e si uure i matolameelu ko teꞌuri, “Mo mwane, mala uri omu ke holaꞌi rongo oto hunie walaku hunie kolu ke suꞌuri lae mwaanie mala-malau i Krit, haꞌalaa kolu kaꞌa siꞌohaꞌa ike urine na kolu kaꞌa tekelaꞌinie ike nga mei ola.

Palonga 27:4

Oto melu lae mwaanie i Saedon na aena iiru ko iiru honosiꞌemeelu, nge melu lai liu aana ngaeta aapa aana mala-malau i Saepras nge iiru e kele rako aana.

Taetas 1:12

Na maꞌalana ngaeta haꞌa-uusuli mo Krit maraada na e teꞌuri, “Mo Krit, mwala eero-eero toꞌohuu oto, na tolahada e tohungei tataꞌala. Kire tohungei lalawa, na kire iiꞌo oto mola hunie ngaunge mala mo poo ni meꞌesu.”

Taetas 1:5

Iau, kaleku, nou haꞌa-ooreꞌo kaꞌu mola wau i Krit hunie o ke haꞌamangoa mo esunge nge kure kaꞌa haꞌamangoꞌi ue, na hunie o ke lio hilisie nga mo mwane hunie kire ke neꞌi naꞌohai mwane huni lio i sulie mo soihaadaꞌinge i laona mo huilume wau i leune. O ke asuie walu ola ngeena mala nou unuꞌi oto huniꞌo.