Palonga 26:20 - Tataroha Diana

²⁰ Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.

Palonga 26:20 ပူးပေါင်းရင်းမြစ်များ

Matiu 3:2

“Omu ke aaliꞌu toꞌohuu mwaanie oorahaꞌaa aena aana Aalahanga a God ko karaꞌini oto mai.”

Matiu 3:8

!E aasa! Taꞌe omu ke hungu eeni hue-huei ola diana i laona mau-meuringe iꞌomu huni haataꞌinie uri omu oonisae toꞌohuu oto mwaanie ahutana mo oorahaꞌaanga iꞌomu.

Matiu 4:17

Uure aana maholona a Jisas e lai iiꞌo i Kapaneam, na ko aehota lae-laeliwala uuri, “Omu ke aaliꞌu mwaanie mo oorahaꞌaanga iꞌomu aena aana Aalahanga a God ko karaꞌini oto mai.”

Matiu 9:13

Oto omu ke haitalea loꞌu e ue ni mo Uusu-uusu Maaꞌi e unue uuri, Nou kaꞌa hari hunie ike uunu-olanga, taꞌe aamasinge hunie mo iinoni. Hosea 6:6 Aana nou lae mai huni haaraie mo iinoni oorahaꞌaa ke oonisae, na nou kaꞌa lae ike mai huni haaraie mo iini kire unue kire diana oto.”

Tataroha Diana I Sulie A Jisas Kraes Nge A Mak E Uusue 6:12

Oto mo pwaarongoisuli kire ko lae oto i tarohaꞌinie oodoie mwala uri kire ke oonisae na aaliꞌu oto mwaanie mo oorahaꞌaa ikire.

Tataroha Diana I Sulie A Jisas Kraes Nge A Luk E Uusue 1:16

Kei peꞌie mo iini hunge aana mwala ni Israel huni haꞌa-aaliꞌure takoie a God, Aalaha ikire.

Tataroha Diana I Sulie A Jisas Kraes Nge A Luk E Uusue 13:3

!Haꞌike oto ooꞌoo! Na no ko unue oto huniꞌomu uri mala omu kaꞌa oolisie saemiu na omu ke toliꞌaasie tolahai iinoni aaela iꞌomu ngeena, omu kei meni mae noꞌone mola mala ikire.

Tataroha Diana I Sulie A Jisas Kraes Nge A Luk E Uusue 13:5

!Haꞌike oto ooꞌoo! Na no ko unue oto huniꞌomu uri mala omu kaꞌa oolisie saemiu na tolahamiu, omu kei meni mae noꞌone mola mala ikire.”

Tataroha Diana I Sulie A Jisas Kraes Nge A Luk E Uusue 15:10

No ko unue huniꞌomu uri kei urine noꞌone taꞌau i Lengi. Aana mo ensel a God kire kei ilenimwaꞌe haahie nga taꞌa-taꞌa iini ni oorahaꞌaa ko oonisae oto mwaanie tolahana e tataꞌala.”

Tataroha Diana I Sulie A Jisas Kraes Nge A Luk E Uusue 15:7

Oto no ko unue huniꞌomu uri kei urine noꞌone taꞌau i Lengi. Aana ilenimwaꞌenga haahie nga taꞌa-taꞌa iini ni oorahaꞌaa ko oonisae oto mwaanie tolahana e tataꞌala, kei peine loꞌu liutaa aana ilenimwaꞌenga haahie siwe aawalai iinoni mwana siwe kire unue uri kire oodotaꞌi na kire kaꞌa toꞌo aana ike nga mei ola aaela huni oonisae mwaanie.”

Palonga 11:18

Na maholo kire rongoa a Pita ko ere-ere, oto kire kaꞌa unue ike loꞌu nga mei wala i sulie. Taꞌe kire ko lahea mola a God na kire ko teꞌuri, “!Maꞌalana mo Aapoloa Aaopa taꞌe a God e saetoꞌo aada noꞌone hunie kire ke oonisae na hunie kire ke toꞌo aana maurihe huu!”

Palonga 15:19

Oto a Jemes ko teꞌuri loꞌu, “Neꞌisaenga ineu e uuri. Kolu ke suꞌuri da aasanga hunie mo Aapoloa Aaopa maholo kire ko si aehota lulu i sulie a God.

Palonga 17:30

Wau i naꞌo maholo mwala kire kaꞌa lio saie ue a God, e kaꞌa haꞌaloire ike. Taꞌe maholo ienini nge ko tohungei ere hiitoꞌo hunie ahutana mwala i laona walumalau uri kire ke oonisae mwaanie mo oorahaꞌaa ikire.

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 20:21

Na nou tohungei ere hiitoꞌo hunie ahutana mwala, maꞌalana mo Jiu wa mo Aapoloa Aaopa, uri kire ke oonisae mwaanie mo oorahaꞌaanga ikire na kire ke aaliꞌu mei takoie a God na kire ke hiiwalaimoli aana Jisas, Aalaha ikie.

Palonga 26:17

Maholo mwala iꞌoe mo Jiu wa mo Aapoloa Aaopa kei sare horo maesiꞌo, nge ne kei haꞌa-uuriꞌo taane mwaanire. Oto no ko uusungeꞌiniꞌo oto takoie mo Aapoloa Aaopa

Palonga 26:19

“Oto Akripa Inemauri, nou kaꞌa dau huꞌisie ike walu ola nge a God e haataꞌiniꞌi eeku.

Palonga 3:19

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Palonga 9:35

Oto mwala nge kire ko oꞌoꞌo aana e ro huilume ngeena i Lida na i Saron, kire ko si eeliꞌu huni lulu i sulie a Aalaha aana kire leesie a Aenias.

Uusu-uusu A Pol Hurula'aa Hunie Mo Rom 2:4

A God e tohungei saediana huniꞌomu, na e kaꞌa sai saewasu lau-leu ike, taꞌe ko tohungei toli rako mola peꞌiꞌomu. !Taꞌe iꞌomu, omu ko neꞌi-neꞌisae mwakataꞌinie mola tolahana! ?Aana e ue? ?Uri omu kaꞌa lio-lio saie ike uri a God e tohungei diana huniꞌomu urine, aena aana ko niie nga kele maholo huniꞌomu hunie uri omu ke oonisae mwaanie mo tolahai ola aaela iꞌomu?

2 Korinit 3:16

Taꞌe maholo nga iini ko eeliꞌu takoie a Aalaha, nge mei ola ngeena ko eiꞌaa oto mwaanie.

2 Korinit 7:10

Aana saehuunge a God ko ilenimwaꞌe haahie ngeena ko da iinonine ko oonisae na ko oolisie tolahana oto takoie tala ni meurihe. Oto kie saꞌa saehuu ike haahie taungei saehuunge urine. Taꞌe maholo iinoni ko saehuu mola i sulie tolaha ni welumalau, nge maenga mola i leune, aana saehuunge urine e kaꞌa peꞌie ike iinonine hunie ke oonisae.

Epesas 4:17

Aana satana Aalaha, no ko unue oto huniꞌomu uri omu ke suꞌuri iiꞌo loꞌu mala mwala nge kire kaꞌa hiiwalaimoli ike aana God. Mo loꞌongaꞌinge ikire mo ola mwaakule mola.

1 Tesalonaeka 1:9

Ahutana mwala ngeena ko meni ere i sulie oto diananga iꞌomu huniꞌemeelu maholo melu maatoliꞌomu, na uri omu eeliꞌu oto mwaanie palolana mo god eero-eero takoie asunge nana tohungei God Meu-meuriꞌe.

Haataꞌinge 16:11

na kire ko ere aaelasie oto a God taꞌau i Lengi aena kire ko hii aaela aana mo osa na aana sapesalunge ikire, taꞌe kire kaꞌa sare oolisie mola manatada mwaanie aaelanga kire ko esuie.

Haataꞌinge 2:21

Nou niie maholo oto hunie a keine uri hunie ke oonisae mwaanie mo oorahaꞌaa ingeie, taꞌe e kaꞌa sare aaliꞌu ike loꞌu mwaanie aeni-olanga ngeena nge ko esuie hailiu peꞌie mwala.

Haataꞌinge 2:5

Omu ke loꞌongaꞌi eelihoꞌi loꞌu aana tolahai iinoni diana iꞌomu holaꞌinaꞌo, hunie omu ke aaliꞌu mwaanie mo oorahaꞌaa iꞌomu, na hunie omu ke asu peꞌie manata-diananga hunieu loꞌu mala omu euꞌesuie kaꞌu holaꞌinaꞌo. Mala uri omu kaꞌa aaliꞌu oto mwaanie mo oorahaꞌaa iꞌomu, nge ne kei lae mai seemiu na ne kei taꞌaasie oto ola talai laite iꞌomu ngeena mwaanie leu nge e iiꞌo aana.

Haataꞌinge 3:3

Omu ke loꞌongaꞌi diana mola i sulie mo wala diana kire unuꞌi keꞌu huniꞌomu na omu rongoꞌi oto, hunie omu ke hele i suliꞌi, na omu ke aaliꞌu mwaanie mo tolahai ola aaela iꞌomu. Taꞌe mala omu kaꞌa taꞌelaꞌi oto na omu ke aaliꞌu mwaanie tolahai ola aaela ngeena, ne kei lae mai mala iinoni peli-peli hule aana omu kei aparaꞌi eeku mola aana kele maholoi sato ne kei hule huni haꞌaloilemiu.