Palonga 26:18 - Tataroha Diana

¹⁸ hunie o ke tahanie maada hunie kire ke leesie matapwanga na mwaanie kire iiꞌo loꞌu i laona rodohono. Na hunie kire ke lae takoie a God mwaanie nanamanga a Satan. Na maholo kire kei hiiwalaimoli eeku, a God kei saeꞌaasie mo oorahaꞌaanga ikire na kire kei iiꞌo oto peꞌie mo iini nge a God e lio hilisire.’

Palonga 26:18 ပူးပေါင်းရင်းမြစ်များ

Matiu 4:10

Oto a Jisas ko aalamie loꞌu uuri, “Tahi mwaanieu Satan aana mo Uusu-uusu Maaꞌi e unue uuri, Omu ke palo-paloa mola taꞌe a God Aalaha iꞌomu, na omu ke asu mola nana taꞌe ingeie haliꞌite.” Diutronomi 6:13

Tataroha Diana I Sulie A Jisas Kraes Nge A Luk E Uusue 1:77

Na huni haꞌarongoa mwala ingeie uri ingeie kei haꞌa-uurire aani saeꞌaasilana mo roroꞌanga ikire.

Tataroha Diana I Sulie A Jisas Kraes Nge A Luk E Uusue 1:79

huni raangie mo iini kire iiꞌo i laona rodohono na i mamalutana maenga, na huni haꞌa-oodohie aeꞌaeka i sulie tala ni henuelama.”

Tataroha Diana I Sulie A Jisas Kraes Nge A Luk E Uusue 2:32

Ingeie oto raa-raa hunie mo Aapoloa Aaopa, na kei toolea mai manikuluꞌanga hunie mo iinoni iꞌoe mo Israel.”

Tataroha Diana I Sulie A Jisas Kraes Nge A Luk E Uusue 24:45

Oto a Jisas e si tahanie manatada hunie kire ke lio saie mo Uusu-uusu Maaꞌi.

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Tataroha Diana I Sulie A Jisas Kraes Nge A Jon E Uusue 17:17

Saeku uri o ke haꞌa-uusulire aana walamu, aena aana walaimolinge ni otona, na walaimolinge ngeena e sai peꞌire hunie kire ke oopara maraada mwaanie oorahaꞌaa, na hunie kire ke iiꞌo maaꞌi mola namue.

Tataroha Diana I Sulie A Jisas Kraes Nge A Jon E Uusue 3:19

Na leilada kei lae mola aena aana raa-raa e lae oto mai laona walumalau, taꞌe kire hari hunie mola rodohono liutaa aana raa-raa, aena aana helelada e tataꞌala.

Tataroha Diana I Sulie A Jisas Kraes Nge A Jon E Uusue 4:10

A Jisas e aalamie ko si teꞌuri hunie, “Iꞌoe o kaꞌa saie ike mei niinge a God ko sare niie huniꞌo, na o kaꞌa saie noꞌone uri a tei nge ko suke wai eemu ienini. Haꞌalaa, o sukaa oto mei wei meuri emue mwaanieu, na nou niie oto huniꞌo.”

Tataroha Diana I Sulie A Jisas Kraes Nge A Jon E Uusue 4:14

Taꞌe iini nge ko inu aana mei wei nge ne kei niie ana, e saꞌa maarou loꞌu. Mei wei nou niie ana ngeena kei neꞌi huulaa mauri i lalo aana, na kei niie maurihe huu hunie.”

Tataroha Diana I Sulie A Jisas Kraes Nge A Jon E Uusue 8:12

Oto a Jisas ko heꞌi ere uuri loꞌu hunie mo Parise, “Ineu oto raa-raa hunie mo iinoni aana walumalau. Iini ko lulu i sulieu, e saꞌa heꞌi lae loꞌu i laona rodohono, taꞌe kei toꞌo aana raa-raa nge e sai niie maurihe.”

Tataroha Diana I Sulie A Jisas Kraes Nge A Jon E Uusue 9:39

Na a Jisas e teꞌuri, “Nou lae mai laona walumalau ie hunie uri tohungei iiꞌonga mo iinoni ke haadaꞌi. Mo iini e ulu aana kire kaꞌa lio saie ike walaimolinge i sulie a God, ne kei da uri kire ke lio-lio loꞌu. Na mo iini kire ko eero mola uri kire lio saie walaimolinge i sulie a God, ne kei haataꞌinie mola uri ikire mo iini e ulu.”

Tataroha Diana I Sulie A Jisas Kraes Nge A Jon E Uusue 9:5

Maholo nou iiꞌo ue mai laona walumalau, ineu oto raa-raa hunie walumalau.”

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 13:47

Aena aana Aalaha e tohungei ere hiitoꞌo huniꞌemeelu uuri, Nou haꞌa-uuresiꞌo mala nga raa-raa huni raangie mo Aapoloa Aaopa, na hunie o ke haataꞌinie tala ni meurihe hunie mwala aana e hai suꞌu-suꞌue aana walumalau.” Aesaea 49:6

Palonga 15:9

E kaꞌa asuie ike nga mei ola ke aaopa i matolakaelu. E taꞌaasie mo oorahaꞌaanga mo Aapoloa Aaopa aena kire hiiwalaimoli mala e asuie kaꞌu aakaelu mo Jiu.

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Palonga 20:21

Na nou tohungei ere hiitoꞌo hunie ahutana mwala, maꞌalana mo Jiu wa mo Aapoloa Aaopa, uri kire ke oonisae mwaanie mo oorahaꞌaanga ikire na kire ke aaliꞌu mei takoie a God na kire ke hiiwalaimoli aana Jisas, Aalaha ikie.

Palonga 20:32

Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie.

Palonga 26:19

“Oto Akripa Inemauri, nou kaꞌa dau huꞌisie ike walu ola nge a God e haataꞌiniꞌi eeku.

Palonga 26:23

Ikire noꞌone kire unue uri a Haꞌa-uuri nge a God e haiholotaꞌinie kei lae mai kei sapesalu hule aana maenga, na aana ingeie oto eetana nga iini kei holaꞌi taꞌelaꞌi eelihoꞌi mwaanie maenga, ingeie oto ke si tarohaꞌinie raa-raa a God hunie mo Jiu na mo Aapoloa Aaopa.”

Palonga 3:19

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Palonga 5:31

A God e taꞌea na e haꞌa-iiꞌosie aana naꞌohai iiꞌo-iiꞌoha i pwalo-pwalona hunie ke aalaha haahikie, na hunie ke haꞌa-uurikie, na hunie mwala ni Israel ke oonisae mwaanie mo oorahaꞌaanga ikire hunie a God ke saeꞌaasiꞌi mwaanire.

Uusu-uusu A Pol Hurula'aa Hunie Mo Rom 8:17

Na aena aana ikie oto maeni kalena, kie kei helesie oto ahutana toꞌo-toꞌolana a God nge e loohaꞌiniꞌi nana a Kalena, a Kraes, na e loohaꞌiniꞌi noꞌone naka mo eesine a Kraes, aana ikie noꞌone mo kalena God. Kie kei helesie oto noꞌone manikuluꞌanga taꞌau i Lengi nge a Kraes e hele aana oto, aena aana ikie, kie ko sapesalu noꞌone mala a Kraes e sapesalu keꞌu.

1 Korinit 1:2

Mere ko uusu-uusu oto wau ienini huniꞌomu aana soihaadaꞌinge a God wau i Korinit. Iꞌomu oto a God e soiꞌomu uri omu ke neꞌi iinoni maaꞌi ingeie aani iiꞌo-rurunge peꞌie a Jisas Kraes, mala ahutana mo iini ko palo-paloa satana aalaha ikie aana taꞌena nga leu.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

2 Korinit 6:14

Iꞌomu, omu aaopa oto mwaanie mo puꞌo, oto omu ke suꞌuri hata-hata loꞌu peꞌire. ?Aana oodotaꞌinge na tataꞌalanga kei hata uri taa? ?Wa raa-raa na rodohono kei iiꞌo tararuru uri taa?

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

Kalesia 3:14

A Kraes e asuie leune urine, hunie uri mo Aapoloa Aaopa noꞌone ke hele aana nga taa nge a God e haiholotaꞌi huni niie nana a Ebraham. Na ko lae urine hunie mo iini kie hiiwalaimoli aana Jisas, uri kie ke hele aana Liꞌoa Maaꞌi nge a God e haiholotaꞌinie oto hunikie.

Kalesia 3:2

Taꞌa-taꞌa mei ola mola nou saetoꞌo aana omu ke unue oodoieu. ?Ohe omu hele aana Liꞌoa Maaꞌi a God aani lulu i sulilana mo Haꞌatolanga a Mosis, wa aani rongolana Tataroha Diana peꞌi hiiwalaimolinge aana?

Epesas 1:11

Na loꞌu, i tehulaꞌana a Kraes e lio hilisikie, nge kie neꞌi iinoni oto ingeie. Na leune a God e asuie oto, mala oto ko esuie walu ola i sulie oalaꞌinge na loꞌongaꞌinge ingeie.

Epesas 1:14

Aana kie toꞌo aana oto Liꞌoa Maaꞌi, kie sai diana aana uri kie kei toꞌo aana oto walu ola nge a God e haiholotaꞌiniꞌi oto mai naꞌo huni niiꞌi naka. Aana e urine kaꞌu a God kei da noꞌone hunie kie ke tohungei iiꞌo luhetaꞌi oto toꞌohuu peꞌie, na ahutana mwala ke lahea God, iini e hahuꞌei diana liutaa.

Epesas 1:18

Nge no ko eitanaie a God hunie ke tahanie saemiu, hunie omu ke lio saie taꞌena nga ola diana nge e haiholotaꞌi huni niiꞌi hunikie, mwala ingeie. Na kie ko maaꞌoohi susutoꞌo peꞌi norutoꞌonga aana God hunie walu ola ngeena.

Epesas 1:7

Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Epesas 2:8

Aena aana maholo kie hiiwalaimoli aana a Jisas, a God mone e haꞌa-uurikie, na e asuie mola urine aena aana a God ko ilenimwaꞌe huni deu diana aaka maꞌalana kie kaꞌa malisine nga mei ola diana mwaanie.

Epesas 4:18

Saeda e rodohono oto toꞌohuu, na kire kaꞌa saie ike nga taꞌa-taꞌa mei ola. Kire iiꞌo haꞌataulie mau-meuringe toꞌohuu nge a God e niie, aena aana kire tohungei puꞌo, na kire iiꞌo ni saehaunge oto mola.

Epesas 5:11

Omu ke suꞌuri esuie mo ola aana rodohono nge kire neꞌi ola aaela. Taꞌe omu ke haataꞌinie mola aana mwala uri tolahai ola ngeena e kaꞌa kohi ike.

Epesas 5:14

Oto omu ke haꞌa-haꞌasinelie mwala aana tolahai ola diana hunie kire ke haimaaniꞌomu na kire ke aaliꞌu loꞌu mwaanie rodohono hunie kire ke neꞌie raa-raa oto noꞌone mala iꞌomu. Aena urine kaꞌu nga iini e ere uuri, “Omu ke lio oto, mo iini omu sai maꞌahu. Omu ke lio oto mwaanie maenga, hunie a Kraes ke si raangiꞌomu.”

Epesas 5:8

Holaꞌinaꞌo iꞌomu maraamiu omu oꞌoꞌo kaꞌu noꞌone i laona rodohono, taꞌe aena aana omu neꞌi iinoni oto a Aalaha, oto omu iiꞌo oto i laona raa-raa. Oto omu ke dau diana oto mala mwela aana raa-raa,

Epesas 6:12

Aana kie kaꞌa ooho ike honosie mo iinoni, taꞌe kie ko ooho honosie mo liꞌoa aaela, na mo aalahanga aana mo liꞌoa tataꞌala, na mo nanamanga aana rodohono, na taꞌena nga iini aana mae a Pwelu Eero-eero.

2 Timoti 2:26

A Pwelu Eero-eero ni mola e tapolie mwala ngeena aana lolosilana hune ingeie hunire, na ingeie ni mola ko si deu rarahire uri hunie kire ke dau aaela i sulie nga taa e saetoꞌo aana. Taꞌe mala uri kire kei aehota lio saie mo haꞌa-uusulinge toꞌohuu, nge luhesilada e sai lae taane mola, na kire sai tehisie mola a Pwelu Eero-eero.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 10:14

Na aana taꞌa-taꞌa uunu-olanga ngeena, e si haꞌa-oodohie oto huu mo iini nge a God ko haꞌamaaꞌire.

Hibru 11:6

Nga taꞌa-taꞌa iinoni e saꞌa roroꞌa da ike uri a God ke ilenimwaꞌe haahie, na uri e kaꞌa hiiwalaimoli. Aana nga iini ko sare lae mai saana God, ke hiiwalaimoli oto aana uri a God e iiꞌo taane oto, na ke hiiwalaimoli oto aana uri a God e sai waaie mwala nge kire ko eriꞌapasie uri kire ke lae mai saana.

Hibru 9:15

A Kraes e mae honotana mo oorahaꞌaanga nge mwala e dau-deuꞌi aana maholo kire iiꞌo ue i melutana haiholotaꞌinge holaꞌinaꞌo ngeena. Na aana maenga, nge a Kraes e haꞌawalaimoliꞌaa haiholotaꞌinge haalu a God ngeena, uri hunie mwala nge a God e soire oto mai i saana, kire ke helesie nga taa e haiholotaꞌinie hunire. Na mei olana oto maurihe huu taꞌau i Lengi.

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

1 Pita 1:4

Aena urinena a God e si da hunie omu ke helesie mo niinge diana ingeie huniꞌomu. Mo tohungei niinge diana ngeena kire saꞌa aiꞌaa loꞌu aana nga maholo, wa kire ke aaela loꞌu, wa kire ke waa, taꞌe kire iiꞌo aakau mola loosiꞌomu taꞌau i Lengi.

1 Pita 2:25

Holaꞌinaꞌo omu urihana mo sipu e takalo kaꞌu, taꞌe maholo ie omu eelihoꞌi loꞌu mei huni lulu i sulie a Kakalihe nge e sai lio i sulie maurihaꞌamiu.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.

1 Jon 1:9

Taꞌe mala kie ko haꞌahoue mo oorahaꞌaa ikie hunie a God, nge kie sai norutoꞌo aana huni saeꞌaasie mo oorahaꞌaa ikie, aana ingeie e oodotaꞌi na kei tohungei haꞌarereꞌakie mwaanie taꞌena nga takalonga ikie.

1 Jon 2:12

No ko uusu-uusu huniꞌomu, maeni mwela ineu, i sulie a Mamaꞌa e saeꞌaasie oto mo oorahaꞌaanga iꞌomu i tehulaꞌana a Jisas Kraes.

1 Jon 3:8

Taꞌe iini nge ko oora-oorahaꞌaa oto mola, iini a Pwelu Eero-eero eena, aena aana a Pwelu Eero-eero ingeie e uure ni oorahaꞌaala oto mai aehotalana. Na Kalena God e lae oto mai huni oho aasie mola mo esunge a Pwelu Eero-eero ngeena.

1 Jon 5:19

Kie manataꞌinie oto noꞌone uri ikie mo kalena God, maꞌalana ahutana mwala loꞌu i laona walumalau kire iiꞌo mola i mamalutana a Pwelu Eero-eero.

Jiud 1:1

Saediananga mwaanieu a Jiud, koni-konihe a Jisas Kraes, na aasine a Jemes. No ko uusu-uusu ie huniꞌomu mo iini nge a God e soiꞌomu mei i saana. A God Mamaꞌa e tohungei manata diana huniꞌomu na omu iiꞌo oto i lalo aana hai kinetaꞌinge a Jisas Kraes.

Haataꞌinge 21:27

Taꞌe nga mei ola tataꞌala saꞌa roroꞌa lae ike loꞌu mei laona hanuena. Mo iini nge ko deu-deu oorahaꞌaa aaela, wa ko talei eero-eero, kire saꞌa roroꞌa ni lae ike i laona. Taꞌe mo iini nge uusulana satada e lae i laona uusu-uusu ni meurihe a Kalei Sipu, ikire haꞌalaa kire sai lae i laona hanuena.