Palonga 25:23 - Tataroha Diana

²³ Oto e dangi hoꞌowa a Akripa Inemauri na Benis kire sili mei laona nume paine ni lokonga, na mwala ko esuie oto mola taꞌena nga ola huni haꞌapainaꞌaladarue oto i sulie tolahada. Mo naꞌohai ramo nge kire paine haahie sinolai ramo, na mo naꞌohai mwane aana huilume ngeena, ikire noꞌone kire lae mai na kire iiꞌo i aano peꞌie a Akripa na a Benis. Oto a Festas e si unue hunie ngaeta mo mwane kire ke lai toolea mai a Pol.

Palonga 25:23 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Mak E Uusue 6:21

Oto lae-lae a Herodias e si lio oodoie tala huni horoꞌie a Jon Loto Maaꞌi, na e lae oto uuri. E hule aana maholo ni aamasitoꞌo aana dinge a Herod e hute, oto e asuie ngauhe paine huni ngeu peꞌie mo mwane paine aana aalahanga, na mo naꞌohai ramo aana mae ingeie, na ahutana oto mo aalaha haahie poꞌo ni henue i Kalili.

Palonga 12:21

Oto aana dinge e lio hilisie huni ere-ere peꞌire, a Herod e hoꞌosie mo sala diana ingeie, e lai iiꞌo aana naunekume ni aalaha, ko si ere-ere nana mwala.

Palonga 25:13

Mo dinge e mango loꞌu i puri, na a Akripa Inemauri na a Benis keni eesine, kire lae mai saana a Festas i Sisaria.

Palonga 26:30

Oto aana maholona, a Akripa Inemauri e uure i lengi. Oto maholo kire leesie urine, a Benis, na a Festas Aalaha Paine, na ahutana mwala kire mani uure i lengi noꞌone,

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

1 Korinit 7:31

Na mo iini nge kire toꞌo ola i laona walumalau ie, kire ke suꞌuri neꞌisae paine haahie toꞌo-olanga ikire. Taꞌe kire ke mani neꞌisae paine mola aana God, aena aana nga taa nge kolu ko leesie i laona walumalau ie, karaꞌinie oto kire kei eiꞌaa.

Jemes 1:11

Maholo sato ko hane, oto ko madoro na ko weruhie hahalisi. Oto tatakani ko eehuhu na launihaꞌani ko waetaꞌi oto. E urine loꞌu mola aana mwane e toꞌo-toꞌo. Maholo e kaꞌa loꞌongaꞌinie ike maenga taꞌe ko loꞌongaꞌi hiitoꞌo mola i sulie tari-olanga ingeie, nge kei mae mola.

1 Pita 1:24

Mo Uusu-uusu Maaꞌi e unue uuri, Ahutana mwala kire urihana mola hahalisi, na manikuluhaꞌada e urihana noꞌone mola tatakana hahalisi. Aana hahalisi e sai mae mola, na tatakana e sai eehuhu mola.

1 Jon 2:16

Aana mo tolahai ola aana walumalau ie mala saehanalilana mo ola sape ko heri huniꞌi, na saehanalinge aani leesilana mo ola, na toohaꞌinilaka haahie mo ola kie asuiꞌi wa kie toꞌo aani, nga taꞌa-taꞌa mei ola aana walu ola ienini e kaꞌa uure ike mai mwaanie a Mamaꞌa, taꞌe kire mani uure mola mai mwaanie walumalau.