Palonga 25:19 - Tataroha Diana

¹⁹ Taꞌe kire ko si ere haitelili mola peꞌie i sulie tolahai ola nge kire palo-paloa a God aana, na i sulie mwane satana a Jisas nge e mae oto, taꞌe a Pol ko unue uri e mauri mola.

Palonga 25:19 ပူးပေါင်းရင်းမြစ်များ

Palonga 17:31

Aana e pongie oto hai dinge hunie kei leie walumalau aana, na kei leie mwala oto i sulie nga taa e saie e oodo taꞌingelu. Na e lio hilisie oto iini nge kei leie mwala urine, na e haataꞌi diana aana oto hunie ahutana mwala aana e taꞌea kaꞌu iinine mwaanie maenga.”

Palonga 18:15

Taꞌe i sulie omu ko ere haitelili mola i sulie mo wala na mo satai ola na mo ola mola i sulie mo haꞌatolanga iꞌomu maraamiu, oto e diana mola uri hunie iꞌomu maraamiu omu ke haꞌa-oodohie leune. Ineu, nou kaꞌa sare haꞌa-oodohie ike mo ola urine huniꞌomu.”

Palonga 18:19

kire ko lae holosie aasi oto hunie huilume paine i Epesas. Kire lai hule wau i Epesas nge a Pol e si lae mwaanie a Prisila na Akuila, na ko lae maraana oto i laona nume ni palo-palo mo Jiu ni ere-ere peꞌire.

Palonga 2:32

Na a Jisas oto a God e taꞌea hunie ke mauri eelihoꞌi mwaanie maenga, na melu tohungei leesie oto aana maameelu.

Palonga 23:29

Nou deu oodoie kire ko sare horoꞌie mola i sulie mo ola aana haꞌatolanga ikire mo Jiu, taꞌe kire kaꞌa leie ike i sulie nga mei ola ke adona ke mae i tehulaꞌana wa hule aana nga mei ola ke adona ke iiꞌo i nume ni hoꞌo.

Palonga 25:18

Taꞌe maholo mo Jiu kire uure huni pwelu wala i lengine, kire kaꞌa unu haadaꞌi ike aana uri ke dau huꞌisie nga mei ola ke hiꞌe oto mala nou loꞌongaꞌinie kire kei unuꞌi.

Palonga 25:7

Maholo a Pol e sili mei nume, mo Jiu nge kire lae mai uure i Jerusalem, kire lai uure kali-kelie, na kire ko si unue mo ola hiitoꞌo na e aaela liutaa nge kire unue e dau huꞌisiꞌi, taꞌe nga mei ola huni haꞌawalaimoliꞌaa walada haꞌike.

Palonga 26:3

Na no ko ilenimwaꞌe noꞌone sulie iꞌoe ngaeta mwane nge o saenanau i sulie tolahameelu mo Jiu, na o saenanau noꞌone i sulie walu ola nge melu ko haꞌa-haꞌa-ere haahiꞌi. Oto no ko eitanaiꞌo hunie o ke pwaarongo kaꞌu i sulie ere-erenga ineu.

Haataꞌinge 1:18

Ineu oto iini meu-meuriꞌe. Nou mae kaꞌu, taꞌe ie nou meuri oto hunie iiꞌonga huu. Iau, na ineu oto nou saka liutaa aana maenga, na nou toꞌo aana kii aana mo kilipweꞌu.